Proverbios 16:5 - La'aqtaqa Ñim Lo'onatac 'Enauacna 2013

⁵ Ñim Nataxala' saisheteguet na ño'oxonnaxaicpi, ỹoqo'oye taỹa'a naqa'en da ỹauo'o ca nhuaxanaguec.

Proverbios 16:5 Referans Kwoze

Proverbios 11:21

Qaq ỹoqta 'eesa da ca qauemaic saishet da sa qaỹauo'o ca nhuaxanaguec, qaq na no'on da lataxac qalaq nca'alec.

Proverbios 8:13

Da huo'o naq 'enec qanqa'en Ñim Nataxala' qalaq nachera da ỹo'ot da qaỹaỹemec na qauem. Aỹem saỹemec da 'amqaanaxac qataq apagaqaanaxac, qataq da qauem nataxac qataq na qauema na'aqtaqa.

Santiago 4:6

Qaq ỹoqta 'eesa da Ñim Lo'onatac 'Enauacna ỹataqta qomi' ỹauoteque, cha'aye nache 'eetec da nanettalec ana nere maye huetalec na la'aqtacpi Ñimaye maye 'eeta': «Ñim Lo'onatac 'Enauacna ỹataqta dataỹa'aguet nam na'amqaanaxaicpi, qalaxaye ỹauo'o ca ntaunaguec nam saishet da na'amaqten.»

Da na'aqtaguec so Job 40:12

Nache 'auamaxañi, 'aurolec da 'armeenaxanaxac da huetaiya' 'anqa'en, qataq 'aupataxañi ne'ena qauemaicpi huaña 'anqa'en ca hueta'a.

Isaías 3:11

¡Qaq choxoraxaso' ca qauemaic! Cha'aye ỹataqta qauem qome da llecỹaxac, cha'aye Ñim Lo'onatac 'Enauacna isheeten qome, ipacchigui naqa'en nam ỹo'otpi camaye.

Éxodo 20:7

Saishet da qaica ca qaỹa'añiỹaigui da qautaqaiỹa da ỹe'enaxat Aỹem Nataxala' maye Qanatamnaxala'ai, cha'aye Aỹem seshet da so'ot ca nhuaxanaguec ca qaica ca ỹanaigui da ỹe'enaxat.

Proverbios 6:29

Qataq ca lauañe' aca ỹaqa'a 'alo, qalaq camaye saishet da saqca ca nhuaxanaguec.

Proverbios 16:4

'Enauac na lo'onatacpi Ñim Nataxala', huo'o da maiche lataxac naqa'en, nataqa'en ỹo'ot ca qauemaic da yaqto' taỹa'a ca na'a'q maye huetoigui ca nhuaxanaguecna.

Proverbios 16:6

Da qaỹapalaxat ca nasouaxashet qalaq qaỹauota'a da nauotaxanaqtaic qataq da 'eesa lataxac. Qataq da huo'o naq 'enec qanqa'en Ñim Nataxala', nache ỹo'ot da qanayeca'ai na qauem.

Jeremías 13:15

¡Qami' Israel le'ecpi, Ñim Nataxala' qami' detaqtacoto! Saishet qome da qami' ño'oxonnaxaiqa, nacherata da qana'axaỹaxañiichiguiñi.

Isaías 2:11

Nam na'amqaanaxaicpi qalaq nloguiñi qome, qataq nam napagaqaanaxaicpi qaica ca 'enec. Cha'aye nacheñita Ñim Nataxala' da qaỹo'oxoren qome que'eca na'a'q,

Isaías 2:12

ca na'a'q maye Ñim Nataxala' maye Qaica ca Ỹaqalanapec, anac da dataỹa'aguet 'enauac na ño'oxonnaxaicpi, na'amqaanaxaicpi qataq na napagaqaanaxaicpi, da yaqto' qaica naqa'en ca la'amaqchec namayepi,