Proverbios 16:4 - La'aqtaqa Ñim Lo'onatac 'Enauacna 2013

⁴ 'Enauac na lo'onatacpi Ñim Nataxala', huo'o da maiche lataxac naqa'en, nataqa'en ỹo'ot ca qauemaic da yaqto' taỹa'a ca na'a'q maye huetoigui ca nhuaxanaguecna.

Proverbios 16:4 Referans Kwoze

2 Pedro 2:9

Qaq de'era qomi' ỹachaxanalo Ñim Lo'onatac 'Enauacna, da Ñimaye ỹaỹaten da ỹaỹamaxaañi nam lqalaiguesat qataq nam ishet da nqanaxat nam ỹalaxaguet Ñimaye, qataq nataqa'en ỹaỹaten da ỹauo'o ca nhuaxanaguec nam ỹo'ottac na qauem. Qaq damaye ỹo'ot que'eca na'a'q qom nmit 'enauacna.

Romanos 9:22

Qaq de'era 'eeta'am da ỹo'ot Ñim Lo'onatac 'Enauacna. Cha'aye Ñimaye huotaique da ỹachaxan da 'eetec da huo'o ca ỹauo'o ca nhuaxanaguec da yaqto' 'enauac ana 'alhua, qaỹaỹaten da Ñimaye ỹataqta huo'o da la'añaxac. Qalaxaye Ñimaye huo'o da lhualaxavic da na'añaxateguet nam taỹa'actaxa da nhuaxanaguec qataq qailaxachigui.

Isaías 43:21

na nhuo' le'ecpi maye so'ot co'ollaxa da yaqto' ỹa'axatec da ỹo'oxoyec.

Isaías 43:7

'enauac nam ỹachetac dam ỹe'enaxat, nam ỹo'onatac co'ollaxa qataq so'ot da lataxac, da yaqto' ỹo'ot da ỹo'oxoyec.»

1 Pedro 2:8

Nataqa'en ye lỹa nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Ena nam coma' maye qalota na desalliilec; qataq qalota na pogolaxaisop.» ¡Qaq namayepi ivireguet de'era! ¡Souaxat da saishet da ỹa'amaqten da na'aqtaguec So Jesucristo!

2 Pedro 2:3

Ne'ena napaxaguenataxanaqpi maye tenataxanaxaicpi, namayepi choche quetague' da lqopitaxanaqtaic da ỹaconeguet aca anom, qataq nauec acamaye souaxat da latenataxanaxac. Qalaxaye Ñim Lo'onatac 'Enauacna mashe qaỹoqtegue da lhuennataxac da ỹauo'o ca nhuaxanaguec namayepi, qaq namayepi saishet da ỹet que'eca nhuaxanaguec.

Da na'aqtaguec so Job 21:30

da ivita ca na'a'q da qanlaxaañi 'enauacna, nache ca qauemaic nca'alec, qataq da ivita ca na'a'q da nvi' ca nayeloxo, nache camaye nca'alec?

Romanos 11:36

Ỹataqta 'eesa da Ñim Lo'onatac 'Enauacna, ỹo'ot imauec nam qaila'a qataq nam saqcha'a, qaq 'enauac na huo'o, nache chegoqchigui Ñimaye qataq lalamaxat. Qaq ỹoqo'oye, ¡chochaq tatec qome da qayo'oxonnataxanaxa Ñim Lo'onatac 'Enauacna! Aja', nache 'eetec.

Apocalipsis 4:11

«'Am Qarataxala' maye 'Aro'onatac 'Enauacna; 'am maye 'aiguet da 'am qaỹo'oxoren, qataq da 'am qaiỹaxana qalaq huo'o da 'ayo'oxoyec, qataq ỹo'ot da na'aalaxa da 'ara'añaxac. Cha'aye 'am 'aro'onatac 'enauac nam huo'o; qaq qana'achec cha'aye maiche 'am chegoqchigui namayepi.»

Génesis 1:31

Qaq co'ollaq imat Ñimaye 'enauac na lo'onatacpi, nache ila'a da ỹataqta ỹaỹamaqchiguiñi. Qaq nvi' so pe, ime qataq anac so yo'oxoñi, qaq 'era da 'eetec so na'a'q seis.

Éxodo 9:16

Qalaxaye aỹem 'am ñeca'alaxattauec, da yaqto' 'auauaachigui da ỹa'añaxac, qataq aỹem ỹauatton 'enauac na huetalec ana 'alhua.

Proverbios 16:5

Ñim Nataxala' saisheteguet na ño'oxonnaxaicpi, ỹoqo'oye taỹa'a naqa'en da ỹauo'o ca nhuaxanaguec.

Eclesiastés 3:11

Ñimaye co'ollaq ỹo'ot namayepi, nache 'enauac da 'onaxaic naqa'en, qataq ỹachaigui ye lhuennataxa ca shiỹaxaua da ỹaỹaten nam chochaq tatec, na'aictoxo' da ca shiỹaxaua saivi' da ỹaỹaten nam ỹo'otpi co'ollaxa Ñim Lo'onatac 'Enauacna, qataq cam ñaq taỹa'a da ỹo'ot.

Da na'aqtaguec so Job 15:23

Qataq isomtapigui', qataq tata'a da aloq na teguesanpi. Qataq ỹaỹaten da taỹa'a da imeuo.