Proverbios 16:23 - La'aqtaqa Ñim Lo'onatac 'Enauacna 2013

²³ Ca naỹaanaxanaqchen da deuennataxaatac camaye ỹaỹateeta ca nasaxauec la'aqtac, qataq naua la'aqtaqa saishet da qaiqoleguetai'salo.

Proverbios 16:23 Referans Kwoze

Proverbios 15:28

Ca ỹale no'on da lataxac qalaq hua'auñi da deuennataxaalec ca huotaique da nasaxauec la'aqtac, qaq naua la'aqtaqa ca qauemaic qalaq nlaqchiguilo na qauem.

Colosenses 3:16

Qataq saishet da qaucoviỹa'ai da llo'oxoye'c naua lapaxaguenataxanaxaco So Cristo. Qataq da qauapaxagueñi ca qarỹai huo'otaq da qaua'añaqchichi qalaq ỹataqta qanaỹaanaxanaqchiñi. Qataq qauo'oñi na no'onecpi maye huetalec ana nere maye huetalec na la'aqtacpi Ñim Lo'onatac 'Enauacna, qataq qauo'oñi' naua no'onqa maye chegoqo'oto So Saqcha'a Na'añaxac Qui'itta, qataq qaỹa'añiitacot da qana'achecỹaxaqui Ñim Lo'onatac 'Enauacna ỹataqta imauec da qarquiyaqteỹaxaqui.

Salmos 45:1

Ỹataqta 'onaxaiqa naua na'aqtaqa maye huetaiguilo da ñetoonaxac, ñi ỹachaxat qalaq, 'eeta'am ca leraxanaxat ca ỹaỹaten da leraxanaxac. Qaq nagui ñanoldec naua so'onaxaataueguelo ỹa'aqtaqa da sanema ñi nta'a.

Proverbios 16:21

Ca ỹaanaxanaxaiqa naua lhuennataxaco qalaq camaye qaỹamata'ac da ỹaanataxanaxaic, qaq naua na'aqtaqa soxoraiqa, qalaq nquigaxatec na qaỹaỹaten.

Proverbios 16:22

Da nauattonaxanaxac chegaqaigui da lca'alaxa ca hueto'ot damaye, qaq da nhuaxanaguec ca qaica ca ỹaỹaanapec qalaq chegaqaigui da maiche no'oopashaxac.

Da na'aqtaguec so Job 8:10

Cha'aye ne'ena togoshec shiỹaxauapi 'am da'aqtaxanem, qataq ỹachegoxotanguit añi lquiyaqte na 'am ỹanem la'aqtacpi da 'am ỹapaxaguen.

Da na'aqtaguec so Job 15:2

«Ca ỹaanaxanaxaic da detaqa qalaq saishet da nasaxauec ca la'aqtac maye qaica ca naigui, qataq saishet da ỹashettaguilo naua ltaxaỹaxaco da 'eeta'ama na la'at,

Proverbios 5:2

Yaqto' da 'autaqa qalaq 'aloteguelo naua 'ara'aqtaqa, qataq huo'o da 'arauattonaxanaxac.

Proverbios 15:7

Na ỹaanaxanaxaicpi naua la'aqtaqa, qalaq ilagaxatrec da naỹaanec, qaq na lhuennataxaco na qaica ca ỹaỹaanapec, qalaq saishet da nache 'eetec de'era.