Proverbios 16:21 - La'aqtaqa Ñim Lo'onatac 'Enauacna 2013

²¹ Ca ỹaanaxanaxaiqa naua lhuennataxaco qalaq camaye qaỹamata'ac da ỹaanataxanaxaic, qaq naua na'aqtaqa soxoraiqa, qalaq nquigaxatec na qaỹaỹaten.

Proverbios 16:21 Referans Kwoze

Isaías 50:4

Ñim Nataxala' aỹem ỹanema naua na'aqtaqa ỹaanaxanaxaiqa, da yaqto' saỹaten da sa'añaqchet cam nasamtañi. Ye nte'eta qalaq aỹem nquetoxon da yaqto' saconegueta naua lapaxaguenataxanaxaco sheeta'am ca no'on napaxaguenatac.

Proverbios 15:7

Na ỹaanaxanaxaicpi naua la'aqtaqa, qalaq ilagaxatrec da naỹaanec, qaq na lhuennataxaco na qaica ca ỹaỹaanapec, qalaq saishet da nache 'eetec de'era.

Proverbios 27:9

Ca no'on coraxat qataq nchenaxanaxat ama na laita, ỹo'o't da machiguiñi naqa'en da nquiyacteỹaxac, qataq da no'on lqataxac ca auochaxaua huo'o da lamaic naqa'en da achaalataxac.

Santiago 3:17

Qalaxaye nam hueto'ot da naỹaanec maye chegoqo'ot Ñim Lo'onatac 'Enauacna, saishet da ỹo'ottac na qauem, nachaqrata da nmitta'a da nlagaxayec qataq laxaraicpi qataq huo'o da lauotaxanaqtaic na laỹepi; qataq ỹalecaua'a da nqui'ic nam huetaigui da nque'eenaxac qataq nache 'eetai' da ỹo'ottac ca ỹaỹamaqchiguiñi. Qataq saishet da lca'atagui na laỹepi, qataq ỹataqta 'eesa da quetague' So Cristo.

Juan 7:46

Nache soua huataxanaq lashe' 'ena'apo': –¡Ỹataqta sa ỹauano' da huo'o ca 'eeta'am da ltaxaỹaxac de'era ỹale!

Lucas 4:22

Nache 'enauac qaỹo'oxoreetac So Jesús, qataq ỹataqta qaỹa'aalatapeguec souaxat naua la'aqtaqa ỹataqta ỹaguec da ỹaỹamaqchiyiñi. Nache nnattega't somayepi, 'eeta': –De'era, ¿peta'a sa nachero' da llalec so José?

Eclesiastés 12:10

Se'eso 'aqtaxanaxaic ỹataqta npogoxoinapegue' da ỹanatalo naua na'aqtaqa maye ỹataqta qaỹamaategueta, qataq ỹaỹamaxatchiyiñi da ỹilyiñi naua na'aqtaqa maye ỹataqta 'eesora.

Proverbios 23:15

'Am ỹalcolec, qom ivita da 'am ỹaanaxanaxaic, nache nataqa'en aỹem ỹataqta lta'araic qome da ñetonaxac.

Proverbios 10:8

Ca ỹaanaxanaxaic ỹaconeguet ca namaxasoxonaxac, qaq ca qauema naua la'aqtaqa qalaq taỹa'a da nlachiguiñi.

Salmos 45:2

Da 'aryacỹaxac ỹataqta napacalec na laỹe ỹalleppi, qaq na 'ap qalaq chegaqaiguilo naua no'oñi na'aqtaqa, ỹoqo'oye Ñim Lo'onatac 'Enauacna nache 'eetai' da 'am huetalec naqa'en da lchoxonnataxanaxa.

1 Reyes 3:12

Qaq Aỹem, so'ot qome da 'auỹaxaneua'a, nache 'am sanem ca naỹaanec, qataq da nauattonaxanaxac, maye qaica cam hueto'ot som hua'aupi qataq cam 'am ca'atalecpi qome.

Romanos 16:19

'Enauac qaỹaỹaten da qami' ỹataqta qaualaqaiguet Ñim Lo'onatac 'Enauacna, ỹoqo'oye aỹem ỹataqta samachiguiñi. Qaq ñeshetaique da ỹataqta qauachaxañi da ỹataqta sa qanqalache da qauo'oche ca no'on, qalaxaye saishet da qauo'oche ca qauem.

Mateo 11:25

Nache se'eso na'a'q So Jesús ỹauo'o so la'aqtac ỹanot Ñim Lo'onatac 'Enauacna, 'eeta': «¡'Am Ita'a, maye 'aulotague' na piguem qataq ana 'alhua! 'Am sanot da ña'achec, cha'aye saishet da 'auachaxana de'era na huattonaxanaxaicpi qataq na ỹaanaxanaxaicpi. Nachaqrata da 'auachaxana na shiỹaxauapi maye qaica ca la'amaqchec qataq huesota.

Proverbios 16:22

Da nauattonaxanaxac chegaqaigui da lca'alaxa ca hueto'ot damaye, qaq da nhuaxanaguec ca qaica ca ỹaỹaanapec qalaq chegaqaigui da maiche no'oopashaxac.

Oseas 14:9

Qaq ca ỹaanaxanaxaic nache ỹaỹateeteguet qome de'era, qataq ca ỹaanataxanaxaic nache ỹauattoota qome de'era na'aqtac. Cha'aye 'enauac na ỹo'otpi Ñim Nataxala' ỹataqta nalochiguiñi, qaq cam no'on da lataxac nache quetegue qome namayepi, qalaxaye nam qauemaicpi nache pogolaxaisop qome damaye.

Proverbios 10:13

Naua la'aqtaqa ca ỹaanaxanaxaic chegaqaiguilo da naỹaanec, qaq ca qaica ca ỹaỹaana'a qalaq taỹa'a da qaiuaxaalec na l-laq ca nhuaxanaxanaxat.

Proverbios 10:23

Ca qaica ca ỹaỹaana'a qalaq machiguiñi da ỹo'ottac na qauemsat, qaq ca ỹaanaxanaxaic qalaq machiguiñi naqa'en da naỹaanec.