Proverbios 16:16 - La'aqtaqa Ñim Lo'onatac 'Enauacna 2013

¹⁶ Ỹoqta ỹactec da 'onaxaic da qaỹaconeguet da naỹaanec, qaq saq 'ena'am ca oro, qataq da nauattonaxanaxac, napacalec na lcat plata.

Proverbios 16:16 Referans Kwoze

Mateo 16:26

Cha'aye ¿negue't cam ỹachegoxotaigui ca shiỹaxaua da huo'otaq imatta't da nauec 'enauac nam huetalec ana 'alhua, qaq da nachaalataxac deqat? Qataq ¿chaq negue'to' ca ỹan da ñe'eguelaxaala't da nachaalataxac?

Proverbios 8:19

Qaq cam san qalaq napacalec da lyac ca oro, qataq ca aỹem chegoqo'ot napacalec ca 'onaxaic lcat plata.

Eclesiastés 7:12

Cha'aye da naỹaanec qataq aca anom, 'eeta'am aca npaqtaxanaqte, qalaxaye da naỹaanec ỹactec da naigui, cha'aye ỹami' da lca'alaxa cam hueto'ot damaye.

Proverbios 4:7

'Aua'auaxaañi qome da 'auaconeguet da naỹaanec, qataq ỹactec 'anqa'en da 'auaconeguet da naỹaanataxanaxac.

Lucas 12:21

Qaq 'era qome da 'eetec cam shiỹaxaua da maiche logosheguem naqa'en da lsallaxa, qalaxaye Ñim Lo'onatac 'Enauacna ỹaỹaten camaye da ỹataqta choxoraq.»

Salmos 119:127

Ỹoqo'oye aỹem ỹataqta sauoteque naua 'aramaxasoxonaxaco, napacalec ñaqa'en da lyac ca ỹataqta no'on oro.

Proverbios 3:14

cha'aye damaye napacalec da lashiichiỹaxac aca lcat plata, qataq napacalec da lashiichiỹaxac ca oro.

Proverbios 4:5

'Auaconeguet qome da naỹaanec, qataq da naỹaanataxanaxac, qataq saishet da 'aucoua'aisalo naua ỹa'aqtaqa, qataq saishet da qoca'aisalo naamaye.

Proverbios 2:4

da 'anmitaique damaye qalaq 'eeta'am 'anqa'en, da 'anmitaique aca nlayiguishe plata maye qoỹoxooñi.

Proverbios 3:13

Ỹataqta machiguiñi qome ca ỹanata da naỹaanec, cam ỹaconeguet da naỹaanataxanaxac,