Proverbios 16:12 - La'aqtaqa Ñim Lo'onatac 'Enauacna 2013

¹² Na nta'alpi qalaq sa ỹaỹamaxaren na qauem qaỹo'otpi, cha'aye da lo'onataxanaxac da nta'a na'attalec da nalochiguiñi lataxac.

Proverbios 16:12 Referans Kwoze

Proverbios 25:5

qataq 'anqateua'a na qauemaicpi maye do'onataxaatacot ca nta'a, yaqto' da lo'onataxanaxac camaye ishet da na'attalec da nalochiguiñi lataxac.

Lucas 12:48

Qalaxaye cam namaxashec maye ỹoqta 'itchiguiñi da sa ỹaỹaten cam ỹo'ottac maye ishet da chegaqaigui da huo'o qanqa'en ca nhuaxanaguec, qaq camaye saq 'amaqtaq qome ca nhuaxanaguec. Ñim Lo'onatac 'Enauacna ỹataqta qami' ỹauoteque, ỹoqo'oye nataqa'en iuen da qauauochec Ñimaye. Qaq de'era 'eetec da Ñimaye qami' ỹachaxanalo da lqouagaxanaqtaic, qaq nataqa'en Ñimaye qami' iuatta'alo da qauachaxañi nataqa'en da qarqouagaxanaqtaiqui da qauo'onataxañiỹot Ñimaye.

Proverbios 29:14

Ca nta'a da ỹaỹamaxatchiguiñi da lo'onataxanaxac da ilotague' na choxoraqpi, nache camaye nache 'eetai' da sa nlaguiñi da lo'onataxanaxac.

Proverbios 28:9

Ñim Lo'onatac 'Enauacna sa ỹaconeguet da natamnaxac, ca sa ỹalaxagueta naua lqataxaco Ñimaye.

Apocalipsis 19:11

Ime, nache sela'a na piguem da nauatoigui, nache sela'a so caaỹo lapagaxaic. Qaq som netalec le'enaxat «Ipacchiguilo naua la'aqtaqa» qataq «'Eesa», cha'aye somaye ỹataqta ỹaỹamaqchiguiñi da lo'onataxanaxac da nta'a huo'otaq da taỹa ca alaataxac.

Proverbios 20:18

Na qalapaxañipi da qaỹo'ot qalaq chegoqchigui qanqa'en naua no'o'n nqataxaco, 'eeta'am da loquiaxac da qaỹo'ot qalaq qaiue'n naua no'oñi naỹaanataxanaxaco.

Salmos 99:4

'Am Nta'a 'añaxaic maye 'auauotec da nalochiguiñi lataxac, 'am, 'alapaxañi co'ollaxa da 'eeta'a't lataxac, qataq so Jacob 'auo'otec da nalochiguiñi qataq ỹaỹamaqchiguiñi lataxac.

Deuteronómio 25:16

Cha'aye Ñim Nataxala' ỹataqta deqaiga 'enauac nam ỹo'ottac de'era ncachaxac maye saỹaỹamaxañi.

Proverbios 16:13

Na nta'alpi ỹaỹamaxareeta ca no'o'n naua la'aqtaqa, qataq 'eesora naua la'aqtaqa.

2 Crónicas 17:5

Qaq ỹoqo'oye Ñim Nataxala', ỹanem da la'amaqchec da lo'onataxanaxac somaye, nache 'enauac so Judá le'ecpi da ndotegueua'a somaye so lachetaqtaxanaxatpi, nache somaye ivira'a da ỹataqta lta'araic da lsallaxa, qataq da llo'oxoyec.

Proverbios 29:4

Ca nta'a maye ỹo'ot da nalochiguiñi lataxac, ỹo'ot da qaica ca iraxaatapigui' na netalec ca na'alhua, qaq ca ndotec da iỹaxaataua'a da nsheetenaxanaxac qalaq taỹañecra naqa'en na netalec que'eca 'alhua.