Proverbios 16:1 - La'aqtaqa Ñim Lo'onatac 'Enauacna 2013

¹ Ca ỹale lapaxañi na huotaique da ỹo'otpi, qalaxaye Ñim Nataxala' nacheñi ñi ỹan ca pa'atec la'aqtac.

Proverbios 16:1 Referans Kwoze

Proverbios 19:21

Ca shiỹaxaua qalota na iuennatega da huotaique da ỹo'ot, qalaxaye nachecata ca 'eetapeguec Ñim Nataxala' maye ishet da qaỹo'ot.

Proverbios 16:9

Ca shiỹaxaua lapaxañi ca huotaique da llecỹaxac, qalaxaye Ñim Nataxala' nacheñi ñim ỹo'otegue da lqauaxac.

Filipenses 2:13

Cha'aye Ñim Lo'onatac 'Enauacna, nacheñi ñi qami' ỹanema cam ỹaỹamaqchiguiñi maye qoñiitapeguec, qataq qami' itaua'n da ña qaumacheeta 'enauac camaye. Qaq damaye maiche chegoqchigui Ñimaye.

Proverbios 20:24

Ñim Nataxala' nacheñi ñi ilo'oguelo naua lqauaxaqui' ca ỹale, qaq ỹoqo'oye ca shiỹaxaua saishet da ỹaỹaten ca taỹa'ague.

Jeremías 10:23

'Am Nataxala', aỹem saỹaten da ca ỹale saishet da lalamaxat da nachaalataxac, qataq saishet da maiche ỹoiqueetac ca llecỹaxac.

Proverbios 21:1

Da ntoonaxac ca nta'a da huetaiguilo naua lhua'q Ñim Nataxala', qalaq 'eeta'am na 'etaxat so tala da jec, nache taigue cam ỹamaxague Ñim Nataxala'.

Salmos 119:36

Qaq da iquiyaqteỹaxac quetegue qome 'anqa'en na 'aramaxasoxonaxacpi, qaq saishet da quetague' aca naueque maye chegaqaigui da ncachaxac.

Éxodo 4:15

'Autaxaỹapegue' qome ñimaye, nache 'aua'axatem 'enauac na 'am samaxalec da 'aua'axat, yaqto' ñimaye nache ỹa'axat na 'ara'aqtacpi qome. Qaq aỹem soota'aguet qome ñimaye, qataq da ivita da qautaqai, qalaq qami' sapaxagueneque ca lataxac cam qauo'oche.

Esdras 7:27

Qaq da natamnaxac so Esdras, 'eeta': «Ỹataqta qaỹo'oxoren qome Ñim Nataxala', maye Natamnaxala' so hua'au qarta'alpi, cha'aye Ñimaye ỹanem da no'on lquiyaqteỹaxac ñi nta'a, da ỹe'eguelaxatem da lyacỹaxac añi atamnaxaqui maye lalamaqte Ñim Nataxala', maye naña ye Jerusalén.

Salmos 10:17

Qaq 'Am Nataxala', qalaq 'aua'axaỹa da natamnaxac na choxoraqpi, 'aua'añaqchet qataq 'aulo'oguet da lỹaxanaxac.

Nehemías 1:11

'Am Nataxala', 'am ñachoxonnot da ñaq 'auqoche'eguet de'era ñatamnaxac, qataq da nachoxonnaxac ne'ena 'aramaxashecpi, cha'aye huo'o da lyaxa da 'am ỹo'oxoren. Qataq 'am seỹaxanot da yaqto' ne'ena 'aramaxashec ỹañoxot ca 'eetapeguec, qataq ivira'a da ñim nta'a ishet da aỹem ilo'oguet qataq aỹem ỹanem ca lqouagaxanaqtaic.» Qaq se'eso na'a'q qalaq nache aỹem da nỹomaxaqui lo'o se'eso nta'a Artajerjes.

2 Crónicas 18:31

Nache se'eso nataxala'pi, maye netangui aso naigonapi, co'ollaq ila'a so Josafat, nache 'eeta': «Yo'oqta da nachena ne'ena na nta'a ye Israel.» Nache coleesop somaye da yaqto' iloquiaxan, qalaxaye so Josafat deỹaxan co'ollaxa, nache Ñim Nataxala' itauan somaye, nache ỹo'ot da qanayeca'ai.

2 Corintios 8:16

Qaq sanot da ña'achecỹaxac Ñim Lo'onatac 'Enauacna, cha'aye Ñimaye ỹachanguit añi lquiyaqte so Tito da 'eeta'am naqa'en aỹem da huo'o da lyaxa da qami' itaua'n.

Proverbios 15:33

Da huo'o naq 'enec qanqa'en Ñim Nataxala', damaye dapaxaguenataxanec da naỹaanec, qaq da qanshetaique da qaỹaconeguet da ño'oxoyec, qalaq hua'auñi qanqa'en da qaica ca na'amaqchec.

2 Samuel 7:5

«'Anqo'ona qome ñi ỹamaxashec David, nache 'aua'aqtaxanem, qoneta': Ñim Nataxala', 'eeta': ‹¿Peta'a nache 'amo' da 'ano'oxoosheguem ca nỹec da yaqto' sootaigui?

Da na'aqtaguec so Job 17:11

Naua ña'axa'te qalaq mashe inoxootrauec, qaq nam huotaique da so'otpi, qataq naua iuennataxaco, qalaq saishet da ipacchiguilo.