Proverbios 15:9 - La'aqtaqa Ñim Lo'onatac 'Enauacna 2013

⁹ Ñim Nataxala' saisheteguet da qauem lataxac na qauemaicpi, qalaxaye ỹauotec ca quegue da nalochiguiñi lataxac.

Proverbios 15:9 Referans Kwoze

1 Timoteo 6:11

Qalaxaye 'am Timoteo, 'am lamaxashec Ñim Lo'onatac 'Enauacna, 'auataueeguesop 'enauac ne'ena sa ỹaỹamaxañi. Ime, nache 'ampogoxoinapegue' da 'aualaxaguet Ñimaye qataq da 'am no'on lapaxaguenatac So Jesucristo. Saishet da 'axanec da 'arpi'iỹaxac Ñimaye qataq 'auauotec 'enauac na qarqaỹañicpi maye qara'amqaanataxanaxauapi. Qataq da ivita da 'auataỹa'aguet na lqalaiguesat qalaq 'auauo'o qome da 'arhualaxavic, qataq 'auauotec na laỹepi shiỹaxauapi.

Proverbios 21:21

Ca quetegue da no'on nataxac qataq da nchoxonnataxanaxa, qalaq camaye ỹanata da lca'alaxa, naỹamaxa qataq ño'oxoyec.

Mateo 7:13

So nqa'aic maye taỹa'a da nleuaxa somaye ỹataqta qalotegue. Se'eso nqa'aic ỹataqta saqalaq da qanayeegue. ¡Qaq ỹoqo'oye qalota nam quetague' somaye!

Habacuc 1:13

'Am, ỹataqta qui'itta da 'armeenaxanaxac, nache saishet da 'ameteetac nam qauem, huo'otaq da 'ameteetac da ñe'etaxaloxo, ¿ta'ainco' da choche 'ameteetac nam laataxanaxaicpi, qataq da choche 'añe'emaxat da nam qauemaicpi ilaxachigui nam no'on da lataxac?

Oseas 6:3

¡Sauoqo'o qome ca qana'añaxataxac da sauattonaq Ñim Nataxala'! Cha'aye Ñimaye 'eesa qome da anac, 'eeta'am da nnoxoosheguem añi nala'. Qataq 'eesa qome da qomi' naỹalo, 'eeta'am na auot da talec ana 'alhua, nam auot maye huaigui ye latomaxa qataq ye nauoxo.

Jeremías 44:4

Qaq ỹataqta she'eguelaqtalec da samaq naxa som ỹamaxashecpi maye ỹa'aqtaxanaxanecpi da yaqto' qami' 'enapegalo da saishet da qauo'oche de'era maye seqaiga.

2 Timoteo 2:22

Saishet da 'am ỹauectac da lqopitaxanaqtaic da 'annogotshec. 'Am mashe 'am nsoq, qaq ỹoqo'oye qoca'ai namayepi, nache 'analemaqte' da 'auo'ot ca ỹaỹamaqchiguiñi. Qataq 'anmitaique qome da 'eesa lataxac qataq da nsoxoyec qataq da nlagaxayec qataq 'auauaxaiguet 'enauac nam huesota da lquiyaqteỹaxac da ỹo'oxoreetac Ñim Lo'onatac 'Enauacna qataq pi'iỹa'a Ñimaye.

Isaías 51:7

«Ñaq Aỹem qana'axaỹaxañiỹa qami' maye qauaỹachiñi da no'on lataxac, qami' nhuo' le'ecpi maye ỹataqta qauacheetaigui da qarquiyaqteỹaxaqui naua iqataxaco. Saishet qome da qayi'iitega da larenaxanaxac nam ỹalleppi, qataq da qaica ca qara'añaxaqui naqa'en nam lsheunaxanaxacpi namayepi,

Isaías 51:1

Ñim Nataxala' 'enapec: ñaq aỹem qana'axaỹaxañiỹa 'enauac qami' maye qoquiitague' da no'on lataxac qataq aỹem qanmicheetaique ña qaumichiñi ñim coma' maye qami' qaỹachegoxotraña co'ollaxa, qataq ñim auac añi coma' maye qami' qaỹachegoxotchiguinguilo co'ollaxa,

Isaías 26:7

Da llecỹaxac na no'on da lataxac qalaq no'oitegue, 'Am Nataxala', 'analoqchichiguiñi da llecỹaxac namayepi.

Proverbios 21:8

Da lataxac ca qauemaic namaqtapigui qataq saq ỹataxalec, qaq na ỹo'otpi ca shiỹaxaua ỹo'oxoraic qalaq ỹaỹamaqchiguiñi.

Proverbios 21:4

Naua na'ai'te ño'oxonnaxaiqa qataq da toonaxac maye na'amqaanaxaic, qataq da lhuennataxac na qauemaicpi damaye ỹo'ot na nasouaxashet.

Proverbios 4:19

Qaq so nqa'aic na qauemaicpi qalaq napalñi, qataq saishet da ỹaỹaten ca quia'aqaisop.

Salmos 1:6

Cha'aye Ñim Nataxala', ỹataqta ntela'a da llecỹaxac nam no'on da lataxac, qaq da llecỹaxac na qauemaicpi qalaq taỹa'a da nlaguiñi.

Deuteronómio 7:13

Nache Ñimaye ỹataqta qami' ỹauoteque, qami' ichoxore'n, qataq nquictauec naqa'en na qaỹa'alquipi. Qataq ỹanem da lchoxonnataxanaxa ca qaỹa'alquipi qataq ca qana'alhuai no'on naqa'en da 'alaỹaxac ca qorañiguishequi, qataq ca 'atetpi, huaca qataq aca qagueta da huaña yi'iye 'alhua maye ỹachaxanapeguem co'ollaxa da ỹanem so hua'au qarta'ailpi.

Salmos 139:24

'aumeten qome da iqauaxac da shectague' ca qauem nqa'aic, nache aỹem 'auauecteuga so nqa'aic maye chochaq tatec.

Proverbios 8:13

Da huo'o naq 'enec qanqa'en Ñim Nataxala' qalaq nachera da ỹo'ot da qaỹaỹemec na qauem. Aỹem saỹemec da 'amqaanaxac qataq apagaqaanaxac, qataq da qauem nataxac qataq na qauema na'aqtaqa.

Proverbios 15:10

Ca ỹaxanec da no'on nqa'aicỹaxac camaye sa qaỹala'ac da qanlaxanec, qaq ca sa ỹaỹamaxaren da qaitaxaỹaua'a qalaq taỹa'a da ileu.

Salmos 5:5

qataq qaica ca lma' na na'amqaanaxaicpi da nachattaua'a ca qoueta'a, cha'aye saishet da 'auooneguet na 'etaxaloxoicpi,

Salmos 11:7

Ñim Nataxala' ỹataqta no'on da lataxac, qataq ỹauotec ca nalochiguiñi da lataxac, ỹoqo'oye na huesota da lataxac ishet qome da ilogui da lashiguiỹaxac Ñimaye.