Proverbios 15:7 - La'aqtaqa Ñim Lo'onatac 'Enauacna 2013

⁷ Na ỹaanaxanaxaicpi naua la'aqtaqa, qalaq ilagaxatrec da naỹaanec, qaq na lhuennataxaco na qaica ca ỹaỹaanapec, qalaq saishet da nache 'eetec de'era.

Proverbios 15:7 Referans Kwoze

Mateo 12:34

Nam qauapaxaguenataxañiitapeguec qami' ỹataqta qauem 'eeta'am na lshenataxanaxa na na'araxanaq. ¡Aja' ỹoqta 'eesa! Cha'aye ¿ta'ainco' taxa da qanasaqaiuec ca ỹaỹamaqchiguiñi ye qami' qauemaiqa? Cha'aye da huo'o ca no'on da lataxac, nache nataqa'en 'onaxaiqa naua la'aqtaqa, qataq ca qauemaic, nache nataqa'en ipacchigui da qauema naua la'aqtaqa.

Santiago 3:6

Naua qara'aqtaqa maye ñasaxasoxorec chegoqchigui ñi qarachaxat, naamaye 'eeta'am ca norec. Ñi qarachaxat ỹataqta lta'araic da la'añaxac da ỹo'ot ca qauem. Ishet da chegoqchigui ñimaye da deqat da qanachaalataxac qataq qomi' iviraxata'alo da qomi' qaỹasaxanguilo ca norec maye nhuaxanaqa' na 'etaxaloxoicpi.

Efesios 4:29

Qataq saishet da qauema naua qara'aqtaqalli'. Chaqrata da qano'onaxache' naua qara'aqtaqalli', yaqto' ishet da nquiguisheguem, qataq huo'o da na'achecỹaxac cam qami' na'axaỹaxaategalo.

Marcos 16:15

Nache So Jesús 'enapegalo soomaye, 'eeta': «Qanqo'oñiỹa qome 'enauac na ỹotta'a't shiỹaxauapi ana 'alhua, nache qaua'aqtaxañim dam no'on na'axaỹaxac.

Mateo 10:27

Da huo'o ca sa'axat da huaigui na napalaxa, qalaq qaua'axacheeuec qom qoviitaigui ca yo'oqchiguiñi. Qataq da huo'o ca qami' ño'otaxaatoto ỹa'aqtac qalaq qaua'axachem 'enauac na shiỹaxauapi.

Cantares 4:11

'Am ñauonaxaua, da lamaic na 'ap 'eeta'am na dapic lli'i, dapic lli'i maye lalegue na huaca lche'. Da lamaic na lcoraxat naua 'ogo 'eeta'am na laita ana pino ye Líbano.

Salmos 119:13

Nache sa'axattac qome 'enauac na 'arqataxacpi, maye 'aua'axattac co'ollaxa.

Salmos 45:2

Da 'aryacỹaxac ỹataqta napacalec na laỹe ỹalleppi, qaq na 'ap qalaq chegaqaiguilo naua no'oñi na'aqtaqa, ỹoqo'oye Ñim Lo'onatac 'Enauacna nache 'eetai' da 'am huetalec naqa'en da lchoxonnataxanaxa.

Salmos 37:30

Na no'on da lataxac da detaqa, qalaq ỹaanaxanaxaiqa naua la'aqtaqa, qataq ỹaỹamaqchiyiñi naua la'aqtaqa.

2 Timoteo 2:2

'Am 'aua'aqchigui nam sapaxagueeteguec na qalota shiỹaxauapi. Qaq nagui sauotaique da 'am 'auapaxaguenec ne'enapi na 'amqaanataxanaxaicpi cam ỹataqta 'arpe'et, da yaqto' sa nqalat da ỹapaxaguen ca lỹa.

Proverbios 15:2

Naua la'aqtaqa ca ỹaanaxanaxaic qalaq chegaqaiguilo da naỹaanec, qaq naua la'aqtaqa ca qaica ca ỹaỹaanapec qalaq chegaqaiguilo da 'oopashec.

Proverbios 15:6

Ỹataqta qaica ca iueetac ca lma' ca ỹale maye no'on da lataxac, qaq na laueguecpi na qauemaic qalaq qalota naqa'en da cotaxac.

Proverbios 15:8

Ñim Nataxala' saisheteguet aca lachetaqtaxanaqte na qauemaicpi, qalaxaye ỹamaateguet da natamnaxac na no'on da lataxac.

Proverbios 5:2

Yaqto' da 'autaqa qalaq 'aloteguelo naua 'ara'aqtaqa, qataq huo'o da 'arauattonaxanaxac.

Proverbios 16:23

Ca naỹaanaxanaqchen da deuennataxaatac camaye ỹaỹateeta ca nasaxauec la'aqtac, qataq naua la'aqtaqa saishet da qaiqoleguetai'salo.

Eclesiastés 10:2

Da lquiyaqteỹaxac ca ỹaanaxanaxaic nmitta'a da ỹo'ot ca no'on, qaq cam qaica ca ỹaỹaanapec qalaq nmitta'a da ỹo'ot ca qauem.