Proverbios 15:5 - La'aqtaqa Ñim Lo'onatac 'Enauacna 2013

⁵ Ca qaica ca ỹaỹaanapec ỹo'ota'n naua lqataxaco ca lta'a, qaq ca ilotegueta naua nqataxaco camaye sanqalat.

Proverbios 15:5 Referans Kwoze

Proverbios 13:18

Ca ỹo'otan na nqataxacpi qalaq taỹa'a da lachoxoyec qataq qaica ca llo'oxoyec, qaq ca ỹasateguet da qaitaxaỹaua'a qalaq ỹaconeguet ca ño'oxonnataguec.

Proverbios 13:1

Ca ñalec ỹaanaxanaxaic ỹaconeguet na lapaxaguenataxanaxacpi ca lta'a, qaq ca saiuooneguet da qaitaxaỹot qalaq saiqocha'a na nqataxacpi.

Proverbios 19:20

'Auloteguet qome ca nqataxac qataq 'auaconeguet da 'am qanlaxan, yaqto' ishet da 'avira'a da 'am ỹaanaxanaxaic.

Tito 2:15

Qaq 'era qome da 'auapaxaguenataxanec 'arolec da 'ara'añaxac da 'aua'añaqchet qataq 'auaỹamaxaañi na 'amqaanataxanaxaicpi. Qataq qaica ca 'am nataỹaña.

Tito 1:13

¡Qaq 'eesa de'era la'aqtac! Ỹoqo'oye nagui ỹataqta 'ana'axannec da qonapega namayepi, yaqto' ishet da no'oita da lpi'iỹaxac,

1 Crónicas 28:20

Huaña nache so David 'enapega so llalec Salomón, 'eeta': «¡'Am, ỹataqta 'ana'añaxat qome, ỹataqta 'aua'añaxachigui ye 'arhuel, nache 'auacoolec da 'auo'ot de'era no'onataxanaxac! ¡Qataq saishet da leuapigui da 'arvilỹaxac, qataq saishet da 'añe'etac, cha'aye Ñim Nataxala' maye Ñatamnaxala', 'am hueta'aguet qome! Ñimaye saishet da 'am ỹaxanec qataq saishet da 'am ca'ai, nache ivitta'a da 'aumatta 'enauac de'era no'onataxanaxac, da 'ano'oxoosheguem aca atamnaxaqui maye lalamaqte Ñim Nataxala'.

1 Crónicas 28:9

Qaq 'am ỹalec Salomón, ỹataqta 'auauattota qome Ñim Natamnaxala' na 'arta'a, qataq ỹataqta 'aumato'ot da 'arquiyaqteỹaxac, qataq da 'arasapachaxa, cha'aye Ñim Nataxala' ỹataqta ilaua'a da nquiyaqteỹaxac, qataq naua nhuennataxaco. Qaq ỹoqo'oye da 'anmitaique ñimaye, nache ishet da 'auanata, qalaxaye da qoca'ai, nache ñimaye saishet da 'am ihuooneguet.

Proverbios 10:1

Naua la'aqtaqa so Salomón, 'eeta': Ca ñalec ỹaanaxanaxaic, machiguiñi naqa'en ca lta'a, qaq ca ñalec qaica ca ỹaỹaana'a qalaq ỹo'ot da nque'eenaxac aca late'e.

Proverbios 6:23

Cha'aye naua namaxasoxonaxaco nachenaua naua ncoỹaraxanaxaqui', qataq naua napaxaguenataxanaxaco naamaye 'ettaiguilo, qataq naua ntelaqtaxanaxaco nachenaua naua ỹo'o't da llec da achaalataxac.

Proverbios 1:23

Qana'axaỹaxañiỹalo qome naua iviraqtaxanaxaco, yaqto' qami' sanema da iquiyaqteỹaxac, qataq qami' sanema da qauauattoñi na iuennataxacpi.

Salmos 141:5

Cam no'on da lataxac no'on qome da ỹo'ot ca ñeuaxanaguec, qaq camaye nacheca qome ca nchoxonnataxanaxa, qalaxaye saishet qome da qaicorelec na iqaic ca no'on na laita ncoraxat na qauemaicpi, cha'aye da ñatamnaxac nache 'eetai' naxa, da dataỹa'aguet nam qauem maye ỹo'ottac namayepi.

Proverbios 25:12

Qataq 'eeta'am nataqa'en aca chiguishaqte huo'otaq aca nqola maye chegaqaigui na ndota't oro, cam ỹaỹaten da na'axaỹaxana ca la'aqtac ca ỹaanaxanaxaic.

Proverbios 15:4

Naua na'aqtaqa soxoraiqa qalaq 'eeta'ama aca qo'oipaq chegaqaigui da nca'alaxa, qaq naua na'aqtaqa quia'aqaiqa qalaq na'aqchet da nhuennataxac.

Proverbios 15:6

Ỹataqta qaica ca iueetac ca lma' ca ỹale maye no'on da lataxac, qaq na laueguecpi na qauemaic qalaq qalota naqa'en da cotaxac.

Proverbios 1:7

Da naỹaanec, damaye chegoqchigui da huo'o naq 'enec qanqa'en Ñim Nataxala', cam qaica ca ỹaỹaana'a qalaq ỹo'otan da naỹaanec qataq da napaxaguenataxanaxac.