Proverbios 15:4 - La'aqtaqa Ñim Lo'onatac 'Enauacna 2013

⁴ Naua na'aqtaqa soxoraiqa qalaq 'eeta'ama aca qo'oipaq chegaqaigui da nca'alaxa, qaq naua na'aqtaqa quia'aqaiqa qalaq na'aqchet da nhuennataxac.

Proverbios 15:4 Referans Kwoze

Proverbios 12:18

Huo'o na shiỹaxaua deque'emaqtaxa'n naua la'aqtaqa, qaq naua la'aqtaqa ca ỹaanaxanaxaic qalaq datannaxa'n.

Proverbios 16:24

Naua 'onaxaiqa na'aqtaqa 'eeta'ama na te'esaq lli'i da lamaic, naamaye ỹo'ot da lamaic da achaalataxac, qataq ỹo'ot da la'añaxac da no'ocỹaxac.

Proverbios 18:8

Naua la'aqtaqa ca na'aqtaqa lo'o' ỹataqta huo'o da lamai'c 'eeta'am ca ama nallec, maye ỹataqta ivitchiguiñi da qanallec.

Malaquías 4:2

Qalaxaye qami', maye huo'o naq 'enec qanqa'eñi da ỹe'enaxat, dam no'on ỹataxac qalaq 'eroigui qome, 'eeta'am na le'eraxa añi nala', qaq na le'eraxa qalaq nachetac qome da nca'alaxa. Nache qami' qaparenaxañeetac qome, souaxat da qantonaxaqui, qoñeeta'am ca huaca llalaqpi da parenaxaatague' da chegaqaigui aca laỹe'.

Proverbios 3:18

Da naỹaanec chegaqaigui da nachaalataxac cam ỹaconeguet, qaq ỹataqta machiguiñi cam ỹaỹamaxattec damaye.

Proverbios 18:14

Ca dalolaxaic qalaq nachaañi naqa'en da maiche la'añaxac, qaq ca qaica ca la'añaxac qalaq ¿negue'tom ca ishet da nauaxaỹaxaasheguem?

Apocalipsis 2:7

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

1 Timoteo 6:3

Da huo'o ca dapaxaguenataxaatapeguec cam dataỹa'aguet dam no'oita napaxaguenataxanaxac maye chegoqo'ot So Qarataxala' Jesucristo qataq da 'eesa lataxac da qara'amqaanataxanaxac,

Proverbios 26:22

Naua la'aqtaqa ca na'aqtaqa lo'o' ỹataqta huo'o da lamai'c 'eeta'am ca ama nallec, da qaiuoxonañi qalaq ivitchiguiñi da qanallec.

Salmos 109:22

Cha'aye aỹem huo'o da iuogoxo qataq da iuenaxanaxa, qataq añi iquiyaqte que'emaq.

Proverbios 15:3

Ñim Nataxala' hueta'a 'enauac na qanayeetaña, ilotalec 'enauac na soxoraicpi qataq na qauemaicpi.

Proverbios 15:5

Ca qaica ca ỹaỹaanapec ỹo'ota'n naua lqataxaco ca lta'a, qaq ca ilotegueta naua nqataxaco camaye sanqalat.

Proverbios 10:11

Naua la'aqtaqa ca no'on da lataxac qalaq chegaqaiguilo da nca'alaxa, qaq ca qauemaic qalaq ipataxañi na qauemsat.