Proverbios 15:3 - La'aqtaqa Ñim Lo'onatac 'Enauacna 2013

³ Ñim Nataxala' hueta'a 'enauac na qanayeetaña, ilotalec 'enauac na soxoraicpi qataq na qauemaicpi.

Proverbios 15:3 Referans Kwoze

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Jeremías 16:17

Cha'aye Aỹem selota'a 'enauac nam ỹo'ottacpi, nache qaica ca ỹapoguiñi ñaqa'en, ivira'a na lasouaxashetpi saishet da nqañoxocheesop da imeenaxanaxac.

Jeremías 23:24

¿Negue't, ca ishet da nqañoxocheesop da imeenaxanaxac? Ye Aỹem semattalec na piguem qataq ana 'alhua. Qaq 'era da ỹa'aqtac Aỹem Nataxala'.

2 Crónicas 16:9

Qaq cha'aye da lmeenaxanaxac Ñim Nataxala' ilotalec 'enauac ana 'alhua, da yaqto' itauan cam ỹataqta ỹa'amaqten Ñimaye. Qalaxaye 'am, de'era 'auo'ot qoneta'am ca huo'o da aloic, qaq ỹoqo'oye nagui, nache de'era taỹa'ague da 'aro'onataxanaxac, qalota qome na alaataxacpi.»

Proverbios 5:21

Cha'aye Ñim Nataxala', ỹaatec naqa'en da lataxac ca shiỹaxaua, qataq ỹaỹaten 'enauaque naua lqauaxaqui'.

Da na'aqtaguec so Job 31:4

Qataq Ñim Lo'onatac 'Enauacna ¿saishet peta'a da ila'a da ỹecỹaxac, qataq saishet peta'a da imete'n naua iqauaxaqui'?

Jeremías 32:19

'Am ỹataqta huo'o da llo'oxoyec nam 'alapaxañipi, qataq 'Am 'añaxaic da huo'o na 'auo'ot. 'Am 'aumeteetac 'enauac nam ỹo'ottacpi na shiỹaxauapi, qataq 'aỹa'anem ñi 'oonolec namayepi cam naigui nam ỹo'otacpi.

Da na'aqtaguec so Job 28:24

cha'aye Ñimaye da lmeenaxanaxac ivira'alo naua loga'te ana 'alhua, qataq 'enauac na hueto'ot na piguem.

Proverbios 15:4

Naua na'aqtaqa soxoraiqa qalaq 'eeta'ama aca qo'oipaq chegaqaigui da nca'alaxa, qaq naua na'aqtaqa quia'aqaiqa qalaq na'aqchet da nhuennataxac.

Zacarías 4:10

«Cha'aye nam qaica ca ỹanapoigui som saq 'amaqtaq maye chegoqchiguiña de'era no'onataxanaxac, namayepi ntonapigui' qom ila'a so Zorobabel da imatta de'era no'onataxanaxac.» Qaq ime, nache so namaxashec piguem le'ec qaltaq, 'eeta': «Ñe'eñeua siete ncoỹaraxanaxaqui', nache la'aitel Ñim Nataxala', maye imeteetrac 'enauac ana 'alhua.»

Da na'aqtaguec so Job 24:23

Ñim Lo'onatac 'Enauacna hua'aqta'a namayepi da qaica ca ivittaique, qalaxaye ỹataqta naua'n naua lqauaxaqui'.

Salmos 33:13

Ñim Nataxala' neto'ot na piguem da nalletañi, nache imeteetac 'enauac na shiỹaxauapi,