Proverbios 15:25 - La'aqtaqa Ñim Lo'onatac 'Enauacna 2013

²⁵ Ñim Nataxala' ilaxachigui ca lma' na ño'oxonnaxaicpi, qalaxaye no'oitai' naqa'en na lalamaxatpi aca pa'ai.

Proverbios 15:25 Referans Kwoze

Salmos 146:9

Ñim Nataxala', ntela'a nam chegaqauecpi, qataq itauan nam qaicaua caua lta'al qataq ana pa'aipi, qalaxaye ỹo'ot da deqat da nqa'aicỹaxac nam qauemaicpi.

Proverbios 23:10

Saishet qome da 'anqochenaxat ana togoshaapec na'anaxanaqtepi, qataq saishet da 'anamataxaalec da 'auacona ca na'alhua ca qaicaua caua lta'al,

Proverbios 14:11

Ca lma' na qauemaicpi qalaq taỹa'a da nlachiguiñi, qaq ca lma' na no'on da lataxac qalaq nquictasheguem.

Proverbios 12:7

Na qauemaicpi qalaq huañi, nache imeuo, qaq na llalaqpi ca no'on da lataxac qalaq nache 'eetai' da na'attañi.

Santiago 1:27

Da qaỹa'amaqten Ñim Lo'onatac 'Enauacna maye Nta'a, nache iuen da qaỹauo'o ca ntonaxac Ñimaye qataq qaỹo'ot ca ỹaỹamaqchiguiñi. Qaq damaye 'eeta': qaitauan ana pa'aipi qataq nam qaicaua caua lta'al maye huo'o da nque'eenaxac, qataq saishet da qanasheneuo da dauegaxan na qauemsat maye huetalec ana 'alhua.

Daniel 5:20

Qalaxaye co'ollaq nlaxagui da na'amqaanaxac, qataq ỹo'ot nam qauem, qataq nlaxagui da ño'oxonnaxac, nache qaiuotaxanec da la'añaxac qataq da llo'oxoyec maye hueto'ot co'ollaxa da nta'a.

Isaías 2:12

ca na'a'q maye Ñim Nataxala' maye Qaica ca Ỹaqalanapec, anac da dataỹa'aguet 'enauac na ño'oxonnaxaicpi, na'amqaanaxaicpi qataq na napagaqaanaxaicpi, da yaqto' qaica naqa'en ca la'amaqchec namayepi,

Salmos 138:6

Ñim Nataxala', qaỹoqotcheguema, qalaxaye ilo'oguet cam qaica ca ye, da lmeenaxanaxac Ñimaye qaỹoqta naqa'en na ño'oxonnaxaicpi.

1 Pedro 5:5

Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»

Salmos 52:5

Qalaxaye Ñim Lo'onatac 'Enauacna nataqa'en 'am ilaxachigui qome, Ñimaye 'am ỹaconeua'a qome, 'am ỹachegoxotchiguiña ca 'arma' da 'am ỹo'orauec, qataq nqat da 'anachaalataxac.

Deuteronómio 19:14

Qaq yi'iye 'alhua maye qami' ỹanema qome Ñim Nataxala' maye Qanatamnaxala'ai, saishet qome da qavi'igueñiita'a da qanquigaxachiỹa't ca loga't ca na'alhua ca qarỹai, maye mashe salcoshe'egue co'ollaxa da qaỹa'an.

Salmos 52:1

¿Ta'ainco' da 'año'oxoreetapigui na 'aye'etaxaloxosat, 'am 'añaxaic? ¡Ye da lsoxoyec Ñim Lo'onatac 'Enauacna damaye nache 'eetai'!

Proverbios 15:26

Ñim Nataxala' saisheteguet na lhuennataxacpi na qauemaicpi, qalaxaye ỹamaategueta naua na'aqtaqa 'onaxaiqa.

Da na'aqtaguec so Job 24:21

Qataq ana 'alo maye sa deco'o, qalaq sairen, qataq ana pa'ai, saishet da itauan.

Salmos 10:14

Cha'aye mashe 'auauaachigui qataq 'aumeteetac na ỹo'ottacpi, ỹoqo'oye maiche 'aupa'aiguet da 'auo'ot ca nhuaxanaguec, cha'aye 'am ỹe'egueetacot na qaica ca mpaxattalec, qataq 'autauan na qaicaua caua lta'al.

Isaías 1:17

¡Qanapaxagueñiỹa da qauo'oche ca no'on, qana'añaxache da qauo'oche ca nalochiguiñi, qautauañi ca shiỹaxaua maye sa qaiyacnapec, qauo'ochec ca ỹaỹamaqchiguiñi lataxac ca saploq, qataq qavicheelec aca pa'ai!»

Jeremías 5:28

qataq chaxaraicpi, qataq ño'oxonnaxaicpi. Nam qauem maye ỹo'ottacpi qalaq qaica ca loga't, qataq saishet da ỹo'otec ca nalochiguiñi lataxac nam saploqpi, qataq saishet da iueelec nam choxoraqpi.