Proverbios 15:2 - La'aqtaqa Ñim Lo'onatac 'Enauacna 2013

² Naua la'aqtaqa ca ỹaanaxanaxaic qalaq chegaqaiguilo da naỹaanec, qaq naua la'aqtaqa ca qaica ca ỹaỹaanapec qalaq chegaqaiguilo da 'oopashec.

Proverbios 15:2 Referans Kwoze

Proverbios 12:23

Ca qaica ca nqalaate' saishet da ño'oxoreetapigui da laỹaanec, qaq ca qaica ca ỹaỹaanapec qalaq ño'oxoreetapigui da no'oopashaxac.

Proverbios 15:28

Ca ỹale no'on da lataxac qalaq hua'auñi da deuennataxaalec ca huotaique da nasaxauec la'aqtac, qaq naua la'aqtaqa ca qauemaic qalaq nlaqchiguilo na qauem.

Proverbios 13:16

Ca huo'o na ỹaỹaten qalaq ỹaỹamaxatchiguiñi da huo'o ca ỹo'ot, qaq na qaica ca ỹaỹaanapec qalaq na'amqaañigui da no'oopashaxac.

Isaías 50:4

Ñim Nataxala' aỹem ỹanema naua na'aqtaqa ỹaanaxanaxaiqa, da yaqto' saỹaten da sa'añaqchet cam nasamtañi. Ye nte'eta qalaq aỹem nquetoxon da yaqto' saconegueta naua lapaxaguenataxanaxaco sheeta'am ca no'on napaxaguenatac.

Proverbios 16:23

Ca naỹaanaxanaqchen da deuennataxaatac camaye ỹaỹateeta ca nasaxauec la'aqtac, qataq naua la'aqtaqa saishet da qaiqoleguetai'salo.

Proverbios 15:23

Ỹataqta 'onaxaic da ỹaỹamaqchiguiñi ca nasataxac, lamaaxa da huaqchigui da ỹoqta qaiuen.

Salmos 59:7

Nache nauoigui na alap na lcoche. Naua la'aqtaqa qalaq deque'emaqtaxa'n, nache 'eeta': «¡Qaica ca qomi' hua'axaỹalo!»

Salmos 45:1

Ỹataqta 'onaxaiqa naua na'aqtaqa maye huetaiguilo da ñetoonaxac, ñi ỹachaxat qalaq, 'eeta'am ca leraxanaxat ca ỹaỹaten da leraxanaxac. Qaq nagui ñanoldec naua so'onaxaataueguelo ỹa'aqtaqa da sanema ñi nta'a.

Proverbios 15:7

Na ỹaanaxanaxaicpi naua la'aqtaqa, qalaq ilagaxatrec da naỹaanec, qaq na lhuennataxaco na qaica ca ỹaỹaanapec, qalaq saishet da nache 'eetec de'era.

Eclesiastés 5:3

Cha'aye da qalota na nhuennataxacpi, nache ỹo'ot da ñi'iỹaxa, qataq da ỹaguec da ntaxaỹaxac, nache ivira'a da qaica ca naigui nam qaỹa'axatpi.

Eclesiastés 10:14

Cam qaica ca ỹaỹaanapec qalaq saiuena'a cam ỹa'axat. Qaq da qaica ca ỹaỹaten cam ñaq taỹa'a da yo'oq, qaq ¿negue't cam ishet da da'aqtaxanem camaye cam ñaq natauo, qom mashe imeuo camaye?

Proverbios 5:2

Yaqto' da 'autaqa qalaq 'aloteguelo naua 'ara'aqtaqa, qataq huo'o da 'arauattonaxanaxac.