Proverbios 15:12 - La'aqtaqa Ñim Lo'onatac 'Enauacna 2013

¹² Ca nogoqtaxanaxaic saishet da ỹauotec ca nlaxanec camaye, qataq saishet da nmittaique da ỹalectaigui na ỹaanaxanaxaicpi.

Proverbios 15:12 Referans Kwoze

Amós 5:10

Qaq qami' ye ỹataqta qanquiỹai nam iuettapeguelec da ỹaỹamaqchiguiñi lataxac, qataq qanquiỹai nam ỹa'axattac da 'eesa lataxac.

Da na'aqtaguec so Job 21:14

Qataq 'enapega Ñim Lo'onatac 'Enauacna, 'eeta': «¡Ña qomi' 'aua'aqta'alo, cha'aye qomi' saishet da sauoqtaique da saỹatena'q naua 'arqataxaco!»

2 Timoteo 4:3

Cha'aye huo'o qome ca na'a'q da na shiỹaxauapi saishet da isheteguet da napaxaguenataxanaxac no'oita. Nachaqrata da na'axaỹaxaata'ai ca maiche lqopitaxanaqtaic, qataq nmitta'a da ỹotta'a't naqa'en na napaxaguenaxala' da qaỹapaxaguenec cam nateeteguet ca maiche 'eetapeguec.

Juan 7:7

Nam shiỹaxauapi maye huetalec ana 'alhua, qaica cam ỹoqta 'eesa da qauasoviilec da huo'omshe qami' nquiỹategalo. Aỹem, qalaxaye Aỹem nquiỹa, cha'aye Aỹem ỹataqta sa'aqtaxaatem namayepi naua lataxaco maye sa ỹaỹamaxayiñi.

Proverbios 15:10

Ca ỹaxanec da no'on nqa'aicỹaxac camaye sa qaỹala'ac da qanlaxanec, qaq ca sa ỹaỹamaxaren da qaitaxaỹaua'a qalaq taỹa'a da ileu.

2 Crónicas 18:7

Nache so nta'a ye Israel, ỹasateguet so Josafat, 'eeta': Aja', huo'o so lỹa, maye ishet da senataq ca 'eetec ca la'aqtac Ñim Nataxala'. Qaq somaye le'enaxat Micaías, som llalec so Imla. Qalaxaye ỹataqta sa sesheteguet somaye, souaxat da saishet da aỹem da'aqtaxanem ca no'on, nda'a't da qauem na ỹa'axata'a. Qalaxaye so Josafat 'enapego' somaye, 'eeta': Saishet taxa da 'anasaxauec de'era.

Proverbios 13:1

Ca ñalec ỹaanaxanaxaic ỹaconeguet na lapaxaguenataxanaxacpi ca lta'a, qaq ca saiuooneguet da qaitaxaỹot qalaq saiqocha'a na nqataxacpi.

Proverbios 1:22

«Qami' nsoxoppi maye qami' 'enaqaicpi, 'enaxanaxaicpi maye qaica ca qauaỹaañiỹa'a, ¿Che laguio' qaq qaỹa'axañiiñi da qoquiitalec da qaica ca qauaỹaañiỹapec? Qataq ¿che laguio' da qaỹa'axañiiñi da qoquiitalec da qare'enaxanaxaqui, qataq ỹataqta qauo'otañi da naỹaanec?

Proverbios 14:6

Ca nogoqtaxanaxaic qalaq nmittaique da naỹaanec qalaxaye saishet da ỹanata, qaq ca ỹaanataxanaxaic qalaq qaica ca lqalaic da ỹanata da naỹaanec.