Proverbios 15:11 - La'aqtaqa Ñim Lo'onatac 'Enauacna 2013

¹¹ Da lmeenaxanaxac Ñim Nataxala' ỹaatec naqa'en da nleuaxa qataq ana huachiqui, qaq nache 'eetec nataqa'en da ỹaatec naqa'en naua lhuennataxaco na shiỹaxauapi.

Proverbios 15:11 Referans Kwoze

Salmos 44:21

Nache 'am, sogote taxa da qomi' 'auanomalo, cha'aye 'am mashe 'auaỹateetac na ỹataqta ỹapoguiñi nhuennataxacpi.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Salmos 139:8

Da sasheguema na piguem qalaq 'Am qoueta'a, Da saña ca qaỹoqchiguiña pa'aguiñi ana 'alhua, qalaq nataqa'en 'Am qoueta'a.

Da na'aqtaguec so Job 26:6

Ana huachiqui qalaq yo'oqta naqa'en Ñimaye, qataq da nleuaxa qaica da huo'o ca ỹoxochiisop Ñim Lo'onatac 'Enauacna.

2 Crónicas 6:30

qaq ña 'aua'axaỹa qome da qoueta'a na piguem maye 'arma', qataq 'auchoxoren qome, nache ipacchigui 'anqa'en da talec ñi 'oonolec ca maiche llecỹaxac maye 'auaỹaten, cha'aye nache 'amta da 'auauattoota da lquiyaqteỹaxac na shiỹaxauapi.

Apocalipsis 1:18

qataq Aỹem ñeca'altauec. Aỹem co'ollaxa seleu, qalaxaye nagui chochaq tatec da ñeca'altauec, qataq huo'o da ỹa'añaxac da ñataỹaña da la'añaxac da nleuaxa.

Jeremías 17:10

Aỹem Nataxala', maye ñimit aca nquiyaqte qaq saỹaten yem ỹataqta pa'auo lhuennataxac, nache sanem cam taiguet da ỹaconeguet, ipacchigui cam naigui nam ỹo'otpi.»

Proverbios 27:20

Da nleuaxa qataq aca huachiqui saishet da huo'o ca loga't qataq nache 'eetec da lqopitaxanaqtaic ca ỹale saishet da imeuo,

Salmos 7:9

'Am maye 'Aro'onatac 'Enauacna maye nalochiguiñi da 'arataxac, maye 'aumeteeta'ape naua nhuennataxaco qataq añi nquiyaqte, ñaq imeuo 'anqa'en da lle'etaxaloxo na qauemaicpi, qalaxaye saishet qome da 'auraxanai' ca no'on da lataxac.

1 Samuel 16:7

Qalaxaye Ñim Nataxala' 'enapega somaye, 'eeta': «Saishet qome da 'aulotagui da yo'oqchigui lataxac, qataq da lalogaxa, cha'aye saishet da nachera da selotagui. Cam shiỹaxaua ilotagui da yo'oqchigui nataxac, qalaxaye Aỹem saishet da selotagui da yo'oqchigui lataxac ca shiỹaxaua, nda'a't da selotagui da lquiyaqteỹaxac.»

Juan 21:17

Nache qaltaq ỹe'eguelaxalec da inat, 'eeta': –'Am Simón maye 'am llalec so Jonás, ¿peta'a 'eesa da Aỹem 'auauotec? Nache so Pedro ỹataqta naquicochiguiñi, souaxat da mashe ivi' tres da ỹe'eguelaxalec da qainat da 'eesa da huo'o da lauotaxanaqtaic. Nache somaye 'enapeco': –'Am Ỹataxala', 'am 'auaỹaten mque' 'enauac da ỹataxac, qataq 'auaỹateeta da ỹataqta 'am sauotec. Nache So Jesús 'enapego' somaye, 'eeta': –'Aulo'ogue qone' ana ilopi qagueta.

Hechos 1:24

Nache qanqouagaxaueeleguete soomaye, qoỹeeta': «'Am Qarataxala', 'am maye 'auauatton 'enauac da lquiyaqteỹaxac 'enauac na shiỹaxauapi, ña 'auachaxan ca 'oonolec ne'enaua dos cam 'arca'aguishec,

Apocalipsis 9:11

Qaq som ilotague' cam laponqa' na leuaxaicpi, nacheso so lataxala' aso shiiquioxoipi. Qaq se'eso nataxala', somaye le'enaxat Abadón nam la'aqtac na hebreo le'ecpi. Qaq nam griego le'ecpi, qalaq ỹamata'ac Apolión. Damaye naigui da «Laataxanaxaic.»

Proverbios 15:10

Ca ỹaxanec da no'on nqa'aicỹaxac camaye sa qaỹala'ac da qanlaxanec, qaq ca sa ỹaỹamaxaren da qaitaxaỹaua'a qalaq taỹa'a da ileu.

Proverbios 17:3

Na oro qataq na plata qalaq qaỹauota'a na norec na qaỹe'eguen da ỹoqta 'eesa, qaq na nhuennataxacpi qalaq nacheñi Ñim Nataxala' ñi ỹe'eguen.