Proverbios 14:8 - La'aqtaqa Ñim Lo'onatac 'Enauacna 2013

⁸ Da laỹaanec ca ỹaanaxanaxaic ỹo'ot da ỹaỹateetegue da lataxac camaye, qaq ca qaica ca ỹaỹaanapec qalaq maiche ỹatenachet da no'oopashaxac.

Proverbios 14:8 Referans Kwoze

Efesios 5:17

Qaq ỹoqo'oye saishet qome da qaica ca qauaỹaañiỹapec. Chaqrata da qanpogoxoiñiỹapegue' da qauaỹaañi cam 'eetapeguec So Qarataxala'.

2 Timoteo 3:13

Qalaxaye na qauemaicpi qataq na tenataxanaxaicpi taỹañicra, nquicta'aguet 'enauac na sa ỹaỹamaxañisat. Namayepi datenataxaatac, qalaxaye nache 'ena'am natenatac.

Santiago 3:13

Da huo'o ca 'oonolec da qoñiita da ỹataqta ỹaanaxanaxaic qataq sa nqalat, nache iuen da ỹachaxan ca ỹaỹamaqchiguiñi maye ỹo'ot qataq ỹachaxan da saishet da na'amqaanaxaic.

Efesios 4:22

Qaq ỹoqo'oye 'onaxaic da saishet da qoviitaigui huo'otaq qavi'eguelaqaỹa da togoshec qarataxaqui, dam qauem lqopitaxanaqtaic co'ollaxa da qarapachiỹaxaqui maye ỹauectac da qanachaalataxaqui.

Proverbios 11:18

Ca qauemaic ỹaconeguet ca nsheetenaguec maye saq'en, qaq ca ỹaỹamaqchiguiñi ca lo'onataxanaxac camaye ỹoqta 'eesa ca nsheetenaguec.

Proverbios 8:20

Aỹem shectegue so nalochiguiñi nqa'aic, qataq da llec naua no'o'n lataxaco.

Proverbios 2:9

Huaña nache 'auaỹaten da no'oitegue lataxac, no'on nataxac, qataq qaica ca qaiỹotauga, qataq da no'on ñecỹaxac,

Salmos 119:73

Cha'aye naua 'arhua'q maiche aỹem lo'onatac qataq 'enauac da ỹataxac, ỹoqo'oye aỹem 'aỹa'anem qome ca ỹauattonaxanaxac yaqto' saỹate'n naua 'aramaxasoxonaxaco.

Salmos 119:5

Ỹoqo'oye da iyaxa da shectalec da salaxagueta naua 'arqataxaco.

Salmos 111:10

Da naỹaanec chegoqchigui da huo'o naq 'enec qanqa'en Ñim Nataxala', qaq ca ỹo'o't damaye qalaq no'oñi naua laỹaanataxanaxaco. Qaq nache 'eetai' qome da qaỹo'oxoreetac Ñim Lo'onatac 'Enauacna.

Jeremías 13:20

Ña qanamachiỹasheguem nache qauloiguet nam chegaqa'ague da sheu'. Qaq ¿hueta'ague aca qaguetapi maye 'am sanem co'ollaxa da 'aulo'ogue, acam qaguetapi maye ỹo'ot da 'año'oxonnaxac?

Salmos 143:8

Ñaq aỹem 'auaỹaanaxanaxanec da 'arauotaxanaqtaic ye nte'eta, cha'aye nache 'am sacheto'ot da ipi'iỹaxac, ñaq aỹem 'auachaxanegue qome ca nqa'aic maye ishet da sateuga, cha'aye 'am sanot co'ollaxa da ñachaalataxac.

1 Corintios 3:19

Cha'aye da naỹaanec maye lma'na, damaye 'eeta'am da choche 'oopashec naqa'en Ñim Lo'onatac 'Enauacna. Cha'aye ana nere maye huetalec na la'aqtacpi Ñimaye 'eeta': «Ñim Lo'onatac 'Enauacna ỹo'otec na ỹaanaxanaxaicpi da maiche que'emaxam da latenataxanaxac da huo'o ca huotaique da ỹatenachet.»

Proverbios 15:21

Ca qaica ca ỹaỹaanapec qalaq machiguiñi naqa'en da no'oopashaxac, qaq ca ỹaanataxanaxaic qalaq ỹaỹamaxatchiguiñi da lqauaxac.

Proverbios 12:5

Na shiỹaxauapi no'on da lataxac lhuennataxat da ỹo'ot ca nalochiguiñi lataxac. Qaq na qauemaicpi qalaq lhuennataxat da natenataxanaxac.

Eclesiastés 2:13

Qaq huaña, nache sela'a da ỹataqta huo'o da qaỹachegoxotaigui da naỹaanec, qaq saq 'ena'am da qaica ca qaỹaỹaanapec, 'eeta'am nam yo'oqchiguiñi da huo'o na qaỹachegoxotaigui, qaq saq 'ena'am na napalaxa.

Eclesiastés 2:16

Cha'aye qaica ca ishet da qaltaq iuennatega cam ỹaanaxanaxaic, qataq cam qaica ca ỹaỹaanapec, cha'aye da mashe qaỹoqteguelo naua vi'iye, nache 'enauaque da qaicoua'aisalo, cha'aye cam ỹaanaxanaxaic, qataq cam qaica ca ỹaỹaanapec 'eeta'a't da ileu'.»