Proverbios 14:5 - La'aqtaqa Ñim Lo'onatac 'Enauacna 2013

⁵ Ca na'aqtaxanaxanec maye 'eesa saishet da datenataxan, qaq ca na'aqtaxanaxanec maye saq 'en qalaq ỹa'axat ca saq 'en.

Proverbios 14:5 Referans Kwoze

Proverbios 19:5

Ca ỹa'axat ca saq 'en qalaq saishet da saqaỹauo'o ca nhuaxanaguec, qataq ca shepecaic qalaq saishet da qoỹet.

Proverbios 6:19

qataq ca saq'en ca ỹa'axat, qataq tenataxanaxaic, qataq deloguiỹa't naqa'en ca nqaỹañecpi.

Éxodo 23:1

«Saishet qome da 'aua'axat ca na'aqtaxanaxac saq 'en, qataq saishet da 'auauaxaiguet ca qauemaic da 'autauanaua'a da ỹa'axat ca sa lataxac.

Proverbios 12:17

Ca ỹoqta 'eesa ca ỹa'axat qalaq ỹa'axat ca ỹoqta 'eesa lataxac, qaq ca saq'en qalaq ỹa'axat ca saishet da 'eesa.

Proverbios 14:25

Ca 'eesa na'aqtaxanaxanec qalaq nca'alaxateeguesop da l-leuaxa ca lỹa, qaq ca saq 'en na'aqtaxanaxanec, qalaq ỹo'otec da l-leuaxa ca lỹa.

Proverbios 19:9

Ca saq 'en ca ỹa'axat saishet da saqaỹauo'o ca nhuaxanaguec, ca shepecaic qalaq iuatta'aguet da nleuaxa.

Proverbios 13:5

Ca no'on da lataxac saisheteguet ca natenataxanaxac, qaq ca qauemaic qalaq ỹo'ot da na'agaxa qataq qauem da na'aqtaguec.

1 Reyes 21:13

Huaña, nache nvildeuo co'ollaxa soua dos ỹale't maye 'etaxaloxoiqa, nache datategueta qanqa'en so Nabot, nache soomaye da'aqtaxaarem se'eso shiỹaxauapi, da so Nabot isheueetac co'ollaxa Ñim Nataxala', qataq so nta'a Ajab. Qaq co'ollaq ime, nache qaipa'axanec somaye, qaỹauegueuga so pa'auec so huaqta'a't nỹecpi, nache qaỹalauat qairota'a so coma'.

Éxodo 20:16

Saishet da 'am tenataxanaxaic da choche 'auo'ot ca lasouaxashet ca 'arỹa.

Apocalipsis 3:14

'Auauo'o nataqa'en aca 'ere, ime nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Laodicea. Qoneta': ¡Aỹem maye ỹe'enaxat da 'Eesa! Qaq ỹe'enaxat de'era, cha'aye sapaxaguenataxaateguec da 'eesa na'aqtaguec Ñim Lo'onatac 'Enauacna, qaq saishet da satenataxaatac. Qataq chegoqchigui Aỹem da Ñim Lo'onatacna ỹo'ot 'enauacna. Ñaq 'ana'axaỹaxana dam 'am sa'axatem:

Deuteronómio 19:16

Qaq da huo'o ca datenataxan da ỹa'axat ca lỹa da 'eetega ỹauaachigui da huo'o ca ỹo'ot saỹaỹamaxañi,

Proverbios 14:4

Da qaica ca nauegaxanaxala'pi huaca, nache qui'itchigui ca laỹe' na ala na trigo, cha'aye da la'añaxac ca nauegaxanaxala'pi nquiguec naqa'en na ala na nañiguishec.

Proverbios 14:6

Ca nogoqtaxanaxaic qalaq nmittaique da naỹaanec qalaxaye saishet da ỹanata, qaq ca ỹaanataxanaxaic qalaq qaica ca lqalaic da ỹanata da naỹaanec.