Proverbios 14:4 - La'aqtaqa Ñim Lo'onatac 'Enauacna 2013

⁴ Da qaica ca nauegaxanaxala'pi huaca, nache qui'itchigui ca laỹe' na ala na trigo, cha'aye da la'añaxac ca nauegaxanaxala'pi nquiguec naqa'en na ala na nañiguishec.

Proverbios 14:4 Referans Kwoze

Proverbios 13:23

Ca no'onaxa ca choxoraq qalaq saqoue na qanallec, qalaxaye qalota na daqat namaye souaxat da qaica ca nalochiguiñi da lataxac.

Amós 4:6

Aỹem, so'ot co'ollaxa da huo'o na nqouaxa 'enauac nam qaralamaxache huaqta'a't nỹecpi, qataq qaica ca aloq ñaqa'en nam qarhuo'oi le'ecpi, qalaxaye ñaqaiyeta qami' saishet da aỹem qañe'eguelaqỹa. Qaq 'era da la'aqtac Ñim Nataxala'.

Salmos 144:14

Ca qarauegaxanaxala'pi ñaq huo'o qome da la'añaxac da qaỹo'onataxaalec, saishet qome da huo'o ca ñegueuo qataq ca ñeguec, qataq qaica ca na'alaxac naua qanqa'aico souaxat da nachetataic.

Proverbios 14:3

Naua la'aqtaqa ca qaica ca ỹaỹaanapec qalaq chegaqaiguilo da na'amqaanaxac, qaq naua la'aqtaqa ca ỹaanaxanaxaic qalaq npaxattaleguete camaye.

Proverbios 14:5

Ca na'aqtaxanaxanec maye 'eesa saishet da datenataxan, qaq ca na'aqtaxanaxanec maye saq 'en qalaq ỹa'axat ca saq 'en.

Da na'aqtaguec so Job 39:11

¿Peta'a ishet da 'aupe'etalec camaye, cha'aye ỹataqta 'añaxaic qataq 'aua'aqta'a da yaqto' ỹo'ot ca qapa'atta 'aro'onatac?