Proverbios 14:3 - La'aqtaqa Ñim Lo'onatac 'Enauacna 2013

³ Naua la'aqtaqa ca qaica ca ỹaỹaanapec qalaq chegaqaiguilo da na'amqaanaxac, qaq naua la'aqtaqa ca ỹaanaxanaxaic qalaq npaxattaleguete camaye.

Proverbios 14:3 Referans Kwoze

Proverbios 12:6

Naua la'aqtaqa ca qauemaic 'eeta'ama aca nqoina maye dalaataxan, qaq naua la'aqtaqa ca no'on da lataxac qalaq deca'alaqtaxa'n.

Apocalipsis 12:11

Cha'aye da l-leuaxa Ñi Qagueta Llalec, qataq da na'aqtaguec Ñimaye, nachera da iqallem. So qarqaỹañicpi saishet co'ollaxa da ñe'etac, nachaqrata da ỹan da nachaalataxac da qaỹalauat.

Apocalipsis 3:10

'Enauac na huetalec ana 'alhua ivireguet qome na lqalaiguesat qataq nque'eenaxacpi. Huaña qome, nache saỹaten ca Aỹem pi'iỹa'a qataq ca saishet da Aỹem pi'iỹa'a. Qaq 'am qalaxaye 'am ñepaxattalec, cha'aye Aỹem 'aualaxaguet co'ollaq 'am shenapega da saishet da 'axanec da 'arpi'iỹaxac Aỹem.

2 Pedro 2:18

Cha'aye namayepi naua la'aqtaqa ỹataqta 'onaxaiqa naqa'e'n, nache ỹo'ot da la'aalaxa na shiỹaxauapi, qalaxaye naua la'aqtaqa qaica ca naiguilo. Ỹayen na laỹepi da yaqto' ỹalegueua'a na lamanaxanaqtaiguesat qataq nam qauem lqopitaxanaqtaicpi; nataqa'en ỹatenachet nam ỹataqta lta'araic da na'añaxataxac da yaqto' ishet da cara'acolec da ca'ai da ỹo'otta'ape naua lasouaxashe'ete.

Daniel 7:20

Qaq aỹem nataqa'en sauotaique da ỹoqta saỹateeta ca naigui asa'aso diez lcouepi, qataq aso lcoue maye saq 'amaqtaq, qataq som alap maye huo'o da napagaqaanaxac da detaqtac, qaq asa'aso saq 'amaqtaq lcoue ivitta'a da napacaleguete soua lỹa't lcoue, nache soua tres lỹa't lcoue naayiñi da yaqto' huo'o ca ldaqa' asomaye.

Proverbios 28:25

Ca quetague' da lqopitaxanaqtaic camaye ỹo'otteua'a da loquiaxac, qaq ca pi'iỹa'a Ñim Nataxala' qalaq camaye nquictasheguem.

Proverbios 22:8

Ca ỹaañi ca qauem qalaq maiche nqat ca chegaqaigui camaye, nache Ñim Nataxala' irolec ca maiche lhuaxanaxanaxat da nlaxaañi camaye.

Proverbios 21:24

Ca ño'oxonnaxaic, na'amqaanaxaic, qataq ca sairen ca lỹa, camaye qailonec da sancherapec, souaxat da ỹagaqnauec da napagaqaanaxac.

Proverbios 18:6

Naua la'aqtaqa ca qaica ca ỹaỹaanapec qalaq ỹo'ot da cotaxac, qataq ne'enaua la'aqtaqa ỹo'otteua'alo da loquiaxac.

Salmos 57:4

Aỹem sootangui na llonpi, aỹem coleesop na shiỹaxauapi maye chec na lỹa, naua lhue namayepi qalaq 'eeta'am ana taquiaxai qataq ana checna, qaq na lachaxat 'eeta'am na ỹeelonec maye qaiqueuocta.

Salmos 12:3

'Am Nataxala' ỹataqta 'anlaxaañi qome na shepecaiqa naua la'aqtaqa, qataq na na'amqaanaxaiqa naua la'aqtaqa,

Da na'aqtaguec so Job 5:21

Ñimaye 'am ntelaqna'agueta naua qauema na'aqtaqa, qataq saishet da 'añi'itac naqa'en da ivita da nviyi' ca nlaxaañi 'enauacna.

1 Samuel 2:3

Qaica qome ca na'amaqten da detaqa, qaica qome ca ỹagaqnauec da ño'oxonnaxac, cha'aye nacheñita Ñim Nataxala' ñi ỹaỹaten 'enauacna, qataq nacheñi ñi naloqna't, qataq nmit na ỹo'otpi ca shiỹaxaua.

Salmos 31:18

Qataq 'aviaxanegueta naua shepecaiqa la'aqtaqa, cha'aye da detaqtega na no'on da lataxac, qalaq na'amaqten qataq sansatte' naua la'aqtaqa.

Proverbios 14:4

Da qaica ca nauegaxanaxala'pi huaca, nache qui'itchigui ca laỹe' na ala na trigo, cha'aye da la'añaxac ca nauegaxanaxala'pi nquiguec naqa'en na ala na nañiguishec.

Proverbios 13:3

Ca ilo'oguelo naua la'aqtaqa qalaq maiche ntela'a da nachaalataxac, qaq ca qalota na la'aqtacpi qalaq maiche nlaxattapeguela't.

Proverbios 18:7

Naua la'aqtaqa ca qaica ca ỹaỹaanapec qalaq nachenaua na maiche nlaxaayiñi camaye, qataq naua maiche la'aqtaqa nachenaua naua maiche que'emaxama.