Proverbios 14:2 - La'aqtaqa Ñim Lo'onatac 'Enauacna 2013

² Ca no'oitegue da lataxac qalaq huo'o naq 'enec naqa'en Ñim Nataxala', qaq ca sa ỹaỹamaxañi da lataxac qalaq ỹo'otan Ñimaye.

Proverbios 14:2 Referans Kwoze

Hechos 10:35

Chaqrata da Ñimaye ỹataqta ỹaỹamaxareeta ca camachaqca nam ỹotta'a't shiỹaxauapi da huo'otaq ỹataqta ỹalaxaguet Ñimaye qataq ỹo'ot ca ỹaỹamaqchiguiñi, saishet da ỹectega cam chegaqa'ague.

Proverbios 28:6

Na'aictoxo' da choxoraq ca ỹale qalaxaye huo'o da llo'oxoyec, qaq saq 'ena'am ca sallaxanec qalaxaye qauema naua lhuennataxaco.

Salmos 112:1

¡Qaỹo'oxoren qome Ñim Nataxala'! Ỹataqta machiguiñi ca shiỹaxaua maye huo'o naq 'enec naqa'en Ñim Nataxala', qataq ỹauoteque naua lamaxasoxonaxaco Ñimaye.

Da na'aqtaguec so Job 28:28

Nache Ñimaye 'enapego' na shiỹaxauapi, 'eeta': ‹Da huo'o naq 'enec qanqa'en Ñim Nataxala', nachera da ỹoqta 'eesa naỹaanec›, qataq da qanayeca'ai na qauemsat, ‹nachera da ỹo'ot da qaica ca qanqalaate'.›»

Hechos 9:31

Nache 'enauac nam ỹa'amaqten So Jesús maye netaña ye 'alhua Judea, qataq ye 'alhua Galilea, qataq ye 'alhua Samaria, namayepi ỹataqta saishet da ñe'etega da sa qaiyacnapec. Nache queto'ot da ỹo'oxoreetac So Qarataxala', nache ima'ape naua na'axa'te da nquictauec da lpi'iỹaxac So Jesús. Qaq So Saqcha'a Na'añaxac Qui'itta ỹataqta ỹa'añaqchettac namayepi da nquictauec naqa'en ye lcata na da'amqaanataxan.

Eclesiastés 12:13

Qaq dam loga't 'enauac de'era na'aqtaxanaxac maye 'aua'aqchigui damaye, 'eeta': Huo'o naq 'enec 'anqa'en Ñim Lo'onatac 'Enauacna, qataq 'aupacteleguete naua lamaxasoxonaxaco, cha'aye nacherata maye iuen da ỹo'ot cam shiỹaxaua.

Salmos 25:21

Ñaq aỹem mpaxaalec qome da ño'oxonnataguec qataq da qaica ca sasouaxat, cha'aye ỹataqta 'am sacheto'ot da ñaquitaxac.

Hechos 10:22

Nache soomaye 'ena'apo': –Qomi' lamaxa'she ñi huataxanaq lta'a, le'enaxat Cornelio. Ñimaye no'on da lataxac qataq ỹataqta ỹalaxaguet Ñim Lo'onatac 'Enauacna. Ỹoqo'oye 'enauac na judiopi ỹataqta huo'o naq 'enec naqa'en qataq lauotaxat. Qaq huo'o so chegaqasheguem lamaxashec Ñim Lo'onatac 'Enauacna 'enapega da 'am namaxasoxona, da yaqto' 'anqo'ona ye lma', nache ñimaye ishet da na'axaỹaxana cam 'ara'aqtaxanaxac.

Lucas 16:14

Nache hua'aqtega 'enauac de'era nam fariseopi maye ỹataqta lqopitaxat da nsallaxa, nache ỹe'eetac So Jesús.

Lucas 10:16

Ime, nache So Jesús 'enapegalo soua lapaxaguenataqa, 'eeta': «Camachaqca ca qami' na'axaỹaxanalo, qaq nache Aỹem maye Aỹem na'axaỹaxana. Qaq cam sa qami' ỹaconegueta, qaq nache Aỹem maye saq Aỹem ỹaconeguet; qaq cam saq Aỹem ỹaconeguet, qaq nacheñi Ñim Lo'onatac 'Enauacna maye sa ỹaconeguet Ñim Aỹem namaq.»

Proverbios 19:1

Na'aictoxo' da choxoraq ca ỹale qalaxaye huo'o da llo'oxoyec, qaq saq 'ena'am ca qaica ca ỹaỹaanapec qataq nogoqtaxanaxaic.

Proverbios 16:17

Da llecỹaxac ca no'on da lataxac, qalaq qaỹoqtaique naqa'en na qauem, qaq ca ntela'a da maiche no'on lataxac qalaq maiche ntel-la't.

Proverbios 11:12

Ca qaica ca ỹaỹaanapec qalaq quetapeguelec ca nauochaxaua, qaq ca ỹaanataxanaxaic qalaq ñe'emaxatta.

Proverbios 2:15

qataq quetague' so nqa'aic namaqtapigui, qataq dasheueeguesop so ỹaỹamaqchiguiñi nqa'aic.

Da na'aqtaguec so Job 1:1

Qaq ye 'alhua maye le'enaxat Uz, nache naña so ỹale le'enaxat Job, somaye no'on da lataxac, qataq qaica ca ỹasouaxat, qataq ỹataqta ỹalaxaguet Ñim Lo'onatac 'Enauacna, qataq ỹataqta saishet da huo'otaq huo'o ca ỹo'otec ca sa ỹaỹamaxañi.

1 Reyes 3:6

Nache so Salomón 'enapeco': «'Am, ỹataqta 'arauotaxat co'ollaxa so 'aramaxashec David, maye ita'a, cha'aye somaye ỹataqta 'eesa da 'am ỹalaxaguet, qataq ỹaỹamaqchiguiñi da lataxac, qataq nalochiguiñi da lquiyaqteỹaxac. Qaq ỹoqo'oye ỹataqta 'auauotec somaye, nache 'aỹa'anem ne'ena 'oonolec nam llalaqpi somaye, da talec 'anqa'en añi nso'onaxaqui da nta'a.

Da na'aqtaguec so Job 12:4

Qaq na'aictoxo' da qaica ca sasouaxat qataq ayem qui'itta, qataq caillaye da seỹaxana Ñim Lo'onatac 'Enauacna qalaq aỹem ỹasateguet, qaq nagui na sheetega ñauochaxauapi, qalaq nda'a't da aỹem ne'eetapigui.

2 Samuel 12:9

Qalaq ¿ta'ainco' da qaica ca naiguilo 'anqa'en naua ỹa'aqtaqa, nache 'auo'ot da sa saỹamaxaren? Cha'aye 'am, 'aualauat so Urías som hitiita, nache 'auo'ogoxona so amoniitapi da yaqto' ỹalauat, ime nache 'anamataxaalec añi lhua.

2 Reyes 17:34

Qaq nache ivitta'a nagui da nache queto'ot da ỹo'ottac de'era togoshec maiche lataxac co'ollaxa somayepi, nache saishet da huo'o naq 'enec naqa'en Ñim Nataxala', qataq saishet da ỹo'o't naua lapaxayiñi lataxaco, qataq naua lamaxasoxonaxaco, qataq naua lqataxaco, qataq saishet da ỹalaxagueta naua lamaxasoxonaxaco qataq naua lqataxaco Ñim Nataxala', maye ỹamaxalec co'ollaxa som chegoxoguetpi so Jacob, maye Ñimaye ỹanagui co'ollaxa da le'enaxat Israel.

Proverbios 16:6

Da qaỹapalaxat ca nasouaxashet qalaq qaỹauota'a da nauotaxanaqtaic qataq da 'eesa lataxac. Qataq da huo'o naq 'enec qanqa'en Ñim Nataxala', nache ỹo'ot da qanayeca'ai na qauem.