Proverbios 14:11 - La'aqtaqa Ñim Lo'onatac 'Enauacna 2013

¹¹ Ca lma' na qauemaicpi qalaq taỹa'a da nlachiguiñi, qaq ca lma' na no'on da lataxac qalaq nquictasheguem.

Proverbios 14:11 Referans Kwoze

Proverbios 3:33

Ñim Nataxala' ỹasaxalec ca qauem ca lma' ca qauemaic, qalaxaye ỹasaxalec da lchoxonnataxanaxa ca lma' ca no'on da lataxac.

Proverbios 12:7

Na qauemaicpi qalaq huañi, nache imeuo, qaq na llalaqpi ca no'on da lataxac qalaq nache 'eetai' da na'attañi.

Zacarías 5:4

Qaq Ñim Nataxala' maye Qaica ca Ỹaqalanapec da la'aqtac, 'eeta': ‹Aỹem ñamaq ne'ena qauem da yaqto' taigui ca lma' ca cachaxaic, qataq ca lma' cam ỹan ca la'aqtac da datenataxangui da ỹe'enaxat. Qaq de'era qauem nache hueta'a qome ca lma' camaye nache ilaxachigui, cañe' naqa'en na l-llecnaxanaxatpi qataq na coma'pi.›»

Proverbios 21:12

Ñim nalochiguiñi da lataxac Nacheñi ñi imeteetac da lma'ỹaxac ca qauemaic, ỹoqo'oye ỹauaachigui da nlaguiñi ca lma' camaye.

Da na'aqtaguec so Job 21:28

Cha'aye qoñiita' naxa: «¿Chaq hua'ago' ca na'ague ca lma' que'eca huo'o naqye? Qataq ¿chaq hua'ago' ca lma' de'era qauemaic?»

Proverbios 21:20

Ca lma' ca ỹaanaxanaxaic qalaq huo'o da nsallaxa, qataq huo'o na coraxat ama na laita qaq ca qaica ca ỹaỹaanapec qalaq nda'a't da imetaxateuo 'enauac na hueto'ot.

Proverbios 11:28

Qaq ca pe'etega da maiche lsallaxa qalaq naañi 'eeta'am ana deqaqta laue ana qo'oipaq. Qaq ca no'on da lataxac qalaq ñaxatec 'eeta'am ana lcoue ana qo'oipaq.

Da na'aqtaguec so Job 8:15

Ỹoqo'oye da hua'axaua'a camaye qalaq qaica ca la'añaxac, qataq da ỹacootaua'a qalaq saishet da nalo'oguet camaye.

Salmos 128:3

Aca lhua da hueta'a ca lma' qalaq 'eeta'am aca uva da nlaqchigui ana ala, ca llalaqpi da coleesop ca lquia'axala' qalaq 'eeta'am aca nañiguishe olivo.

Da na'aqtaguec so Job 18:21

Qaq 'era da 'eetec da nachaalataxac ca qauemaic, cam shiỹaxaua maye sa ỹauatton Ñim Lo'onatac 'Enauacna.»

Da na'aqtaguec so Job 15:34

Na qauemaicpi qaica qome ca llalec, qataq na lma'pi qalaq da'aichigui na chegaqaigui da lcachaxac, qalaxaye ca norec ỹavigaxat qome.

Da na'aqtaguec so Job 8:6

cha'aye da qui'itta qataq ỹaỹamaqchiguiñi da 'arataxac, nache Ñimaye ỹataqta 'am ilotague', qataq 'am ỹe'eguelaxatot na 'aralamaxatpi co'ollaxa.

Proverbios 15:25

Ñim Nataxala' ilaxachigui ca lma' na ño'oxonnaxaicpi, qalaxaye no'oitai' naqa'en na lalamaxatpi aca pa'ai.

Da na'aqtaguec so Job 8:22

Qaq na 'am nquiỹategapi qalaq choche ỹapoguilo naua lashego da la'aloxo, qataq naua lma'ate na qauemaicpi ivira'a da nlachiyiñi.»

Salmos 37:10

Cha'aye mashe sa qaỹaloq da imeuo ne'ena qauemaicpi, qaq na'aictoxo' da 'anmittaique qome qalaxaye saishet da qaltaq 'auanata.