Proverbios 13:8 - La'aqtaqa Ñim Lo'onatac 'Enauacna 2013

⁸ Da lsallaxa ca sallaxanec nachera da nca'alaxatec da nachaalataxac, qaq ca choxoraq qalaq saishet da hua'aqtega ca narenaguec.

Proverbios 13:8 Referans Kwoze

Mateo 16:26

Cha'aye ¿negue't cam ỹachegoxotaigui ca shiỹaxaua da huo'otaq imatta't da nauec 'enauac nam huetalec ana 'alhua, qaq da nachaalataxac deqat? Qataq ¿chaq negue'to' ca ỹan da ñe'eguelaxaala't da nachaalataxac?

Da na'aqtaguec so Job 2:4

Qalaxaye so Pa'aguenataxanaxaic, 'eeta': «Qomye da saxanaxa da qaipoteua'a da lo'ocỹaxac ñi 'oonolec, nache 'enauac qaica cara. Qataq qaica ca iteetega, cha'aye huotaique da nca'alaxatec da maiche nachaalataxac.

Sofonías 3:12

Nache ño'onaxatañi qome na shiỹaxauapi maye choxoraq qataq huesota da lataxac, maye Aỹem ỹacheto'ot qome da naquitaxac.

Jeremías 41:8

Qalaxaye huo'oi soua diez ỹale't se'eso shiỹaxauapi da 'enapega so Ismael, 'eeta': Saishet da qomi' 'aualaua't, cha'aye ye qana'alhua huo'o ye soxotaqtañi trigo, cebada, aceite qataq na te'esaxalta'a lli'i. Nache so Ismael saishet co'ollaxa da ỹalauat soomaye.

Jeremías 39:10

Qaq nda'a't som ỹataqta choxoraqpi da no'onalec naqa'en ye na'alhua so Judá, som ỹataqta qaica ca lalamaxat logoxoshet, qaq nacheso se'eso na'a'q da ỹanem somayepi na nanaxanaqa'pi uva lma'pi, qataq na 'alhua maye ishet da qoỹanaxaalec.

Proverbios 6:35

qataq saishet da ỹaconeguet ca nsheetenaguec, qataq saishet da nmooñi naqa'en da lalemataic ca qalota nmepi.

2 Reyes 25:12

Qaq nda'a't som choxoraqpi da no'onaxatañi da yaqto' ỹo'ot na nanaxanaqa'pi qataq ỹaañi ana uva.

2 Reyes 24:14

Ime nache imatta da ỹauec so shiỹaxauapi maye lma' ye Jerusalén, 'enauac so 'amaqtaqaicpi, qataq so ỹataqta 'añaxaicpi alleppi, qataq som sa nqalaate' da huo'o na ỹo'otpi, qataq so lcat lo'opi, nache ivi' diez mil so noxonecpi. Nache nda'a't som choxoraqpi da no'onalec se'eso 'alhua.

Éxodo 21:30

Qalaxaye que'eca lalamaxat ca huaca, da huo'otaq huo'o aca lasheue da nachaalataxac, nache camaye isheeten aca'aca lasheue da maiche lca'alaxa.

Proverbios 13:7

Huo'o na qaica ca ye qalaq 'eetega sallaxanec, qataq huo'o na sallaxanec qalaq ỹe'enaxat da choxoraq.

Proverbios 13:9

Ca no'on da lataxac 'eeta'am ana ncoỹaraxanaxaqui da 'ettaigui, qaq na qauemaicpi qalaq 'eeta'am aca ncoỹaraxanaxaqui da 'omchigui.

Proverbios 14:24

Da laỹaanec ca ỹaanaxanaxaic nachera da ỹo'ot da llo'oxoyec, qaq ca qaica ca ỹaỹaanapec qalaq laueguec da no'oopashaxac.

Lucas 12:23

Cha'aye da achaalataxac saq 'ena'am cam choche qanallec, qataq dam no'ocỹaxac, damaye saq 'ena'am cam choche qanapogoña.