Proverbios 13:6 - La'aqtaqa Ñim Lo'onatac 'Enauacna 2013

⁶ Naua ỹaỹamaqchiyiñi lataxaco mpaxattaleguete ca ỹale qaica ca ỹasouaxat, qaq na qauemsat qalaq nlaxaañi ca 'etaxaloxoic.

Proverbios 13:6 Referans Kwoze

Proverbios 11:3

Na no'on da lataxac qalaq taỹa'a da no'oitegue da llecỹaxac, qaq na saq ỹataxalec da lataxac qalaq ilaxachigui da maiche lle'etaxaloxo.

Proverbios 21:12

Ñim nalochiguiñi da lataxac Nacheñi ñi imeteetac da lma'ỹaxac ca qauemaic, ỹoqo'oye ỹauaachigui da nlaguiñi ca lma' camaye.

Salmos 140:11

Saishet qome da nache huetalec ana 'alhua na sa ilo'oguelo naua la'aqtaqa, ca qauem icanapec qome na yeloxoicpi nache ilaxachigui.

Salmos 26:1

'Am Nataxala', ñaq aỹem 'auo'otec ca ỹaỹamaqchiguiñi lataxac, cha'aye da ñachaalataxac ỹataqta qui'itta. Qataq ỹataqta 'am sepe'etega 'Am Nataxala'.

Salmos 25:21

Ñaq aỹem mpaxaalec qome da ño'oxonnataguec qataq da qaica ca sasouaxat, cha'aye ỹataqta 'am sacheto'ot da ñaquitaxac.

Salmos 15:2

Nachecata ca qaica ca lasouaxashet, qataq ỹo'ottac ca no'on lataxac, qataq ca ỹataqta 'eesora naua 'ena'ape 'enauac da lquiyaqteỹaxac,

Proverbios 5:22

Cam qauemaic qalaq maiche lqoishec da qauem lataxac, ca maiche lasouaxashet 'eeta'am ca nañec da icoñerai' camaye.

2 Crónicas 28:23

Cha'aye ỹanot som lachetaqtaxanaxat som atamnaxala'pi maye naña ye Damasco, maye nacheso som que'emaxam somaye da noxonec. Cha'aye da lhuennataxa somaye 'eeta': «Nam atamnaxala'pi ye Siria, itauan nam nta'alpi yi'iye 'alhua, nache yo'oqta da nataqa'en aỹem itauan da sanot ca ỹachetaqtaxanaxat namayepi.» Qalaxaye somayepi nacheso som chegoqchigui da noxonec somaye qataq 'enauac na Israel le'ecpi.

Salmos 119:1

Ỹataqta machiguiñi qome cam quetague' so no'on nqa'aic, cam ỹataqta queteguelo naua lqataxaco Ñim Nataxala'.

Proverbios 10:29

Ñim Nataxala' npaxattalec ca ỹo'ottac ca ỹaỹamaqchiguiñi, qaq ca ỹo'ottac ca qauem qalaq ilaxachigui.

Proverbios 11:20

Ñim Nataxala' ỹaỹemec na qauema naua lhuennataxaco, qalaxaye ỹaỹamaxareeta na ỹaỹamaqchiguiñi da lataxac.

1 Reyes 1:52

Nache so Salomón 'enapeco': Camaye da qaica ca ỹasouaxat, nache camaye saishet da deqat ca 'oonolec laue, qalaxaye da qailalec ca ỹo'ot qauem, nache camaye qaỹalauat qome.

1 Reyes 13:34

Qaq souaxato' de'era, nache so llalaqpi so Jeroboán 'enauac da huo'o da lasouaxashet, qataq ỹo'ot da qanmatchiguiñi somayepi da huetalec ana 'alhua.