Proverbios 13:4 - La'aqtaqa Ñim Lo'onatac 'Enauacna 2013

⁴ Ca hualaic huo'o ca nqopittaique qalaxaye saishet da ỹanata, qaq ca 'onataxanaxaic qalaxaye ishet da nquictasheguem.

Proverbios 13:4 Referans Kwoze

Proverbios 12:24

Ca do'onataxaatac qalaq ishet da damaxasoxonapec, qaq ca hualaic qalaq choche qailattac.

Proverbios 12:11

Ca do'onataxaatapeguelec ca na'alhua qalaq sa qoue na aloq, qaq ca imelec da lqueuoxoc qalaq huetague' na qaica ca naigui.

Proverbios 10:4

Ca sa qallegueme da do'onataxan qalaq taỹa'a da choxoraq, qaq ca ỹaguec da lo'onataxanaxac qalaq taỹa'a da sallaxanec.

Proverbios 11:25

Ca choxonnataxanaxaic qaica ca iueetac, qataq ca chetaqtaxanaxaic nataqa'en huo'o ca ỹaconeguet.

Proverbios 28:25

Ca quetague' da lqopitaxanaqtaic camaye ỹo'otteua'a da loquiaxac, qaq ca pi'iỹa'a Ñim Nataxala' qalaq camaye nquictasheguem.

Hebreos 6:11

Ỹataqta huo'o da qaryaxa da qoquiito'ot de'era qarasapachaqai, choche ivitta'a ca loga't da qanachaalataxaqui, yaqto' qauacoñiiguet 'enauac nam no'on maye chegoqchigui da qarhualaxaviqui.

Juan 6:27

Saishet da qauo'onataxañiitapeguelec cam nallec maye taỹa'a da imeuo, nachaqcata cam nallec maye saishet da imeuo qataq chegaqaigui da nca'alaxa maye chochaq tatec. Qaq 'eca cam nallec maye qami' ỹanema na Shiỹaxaua Llalec. Cha'aye Ñim Ita'a maye Lo'onatac 'Enauacna, ỹachaxan da Aỹem huo'o da shenec.

Proverbios 8:34

Machiguiñi qome ca shiỹaxaua maye aỹem na'axaỹaxana, qataq ca 'enauaque naua na'axa'te da deuataxaatac da hueta'a ñi lasom ñi ima'.

Isaías 58:11

Qaq Aỹem, nache shecto'ot qome da 'am selotague', qataq qalota ñaqa'en na 'oq qom qoueta'a ye toolec 'alhua, qataq sanem da la'añaxac da 'aro'ocỹaxac, nache qoneta'am ca nanaxanaqa' maye qaicottalec, qataq qoneta'am aca mpa'axaatasheguem 'etaxat laỹe' maye saimeuo na 'etaxat.

Proverbios 26:13

Da yaqto' sa do'onataxan ca hualaic, nache 'eetega huo'o ca llon netangui ca llec, netangui ca nqa'aic ca llon da dauanaxaatac.

Salmos 92:14

Qaq na'aictaxa da mashe togoshaapec qalaq huo'o da alaỹaxac, qataq nache 'eetai' da la'añaxac qataq daralata.

Números 23:10

Yemayepi, 'eeta'am na lsoche na 'alhua, ¿Qaq negue'tom ca ishet da naloqten na chegoxoguetpi so Jacob? Qataq negue't ca ishet da ỹaỹaten ye lcata namayepi. ¡Qaq 'onaxaictoxo' da sheeta'am yi'iye shiỹaxauapi maye no'on da lataxac qom seleu. Qataq ca ỹoga't, nache sheeta'am qome ca loga't yemayepi!

Proverbios 6:6

'Am hualaic, 'anqo'ona qome da 'aumeten ca qaguesaq, nache 'aumeteeta ca ỹo'ottacpi nache 'aue'enaxat camaye,

Proverbios 12:27

Ca 'ipiaxaic maye hualaic saishet da huo'o ca ỹachiguiñi, qaq ca hualaxaunaxaic qalaq ishet da ỹachiguiñi da nsallaxa.

Proverbios 13:3

Ca ilo'oguelo naua la'aqtaqa qalaq maiche ntela'a da nachaalataxac, qaq ca qalota na la'aqtacpi qalaq maiche nlaxattapeguela't.

Proverbios 13:5

Ca no'on da lataxac saisheteguet ca natenataxanaxac, qaq ca qauemaic qalaq ỹo'ot da na'agaxa qataq qauem da na'aqtaguec.

Proverbios 20:4

Da ivita da qana'atsheguem na 'alhua, qalaq ca hualaic saishet da da'araxan, qalaxaye da ivita da qanqat na nañiguishec ala, nache nmittaique namaye qalaxaye sa ỹanata.

Proverbios 21:5

Da ỹataqta qaiuennataxaalec na qalapaxañipi nache huo'o ca naigui, qaq da nỹalaqtoc ca qaỹo'ot qalaq taỹa'a da nlaguiñi.

Proverbios 21:25

Qaq ca hualaic qalaq ỹalauat da lyaxa, souaxat da saishet da do'onataxanaxa'n naua lhua'q,

Génesis 26:32

Qaq nacheso se'eso na'a'q, da so lamaxashecpi so Isaac ndoua'a somaye da la'axaỹaxac, da somayepi mashe iviyiña so 'etaxat aso nshere maye nshettac.

Josué 7:3

Qaq co'ollaq ñe'eguela'q soomaye nache 'enapegalo so Josué, 'eeta': «Sa iuen da 'auamaq 'enauac ne'ena nhuo' le'ecpi da jec da iloquiaxan ye Ai, cha'aye da 'auamaq ca dos huo'otaq tres mil alleppi nache nalota'ai' da iloquiaxan yi'iye huaqta'a't nỹecpi. Qaq nache saishet qome da imeta 'anqa'en da jec ne'ena nhuo' le'ecpi, cha'aye nam nauaatalec yi'iye huaqta'a't nỹecpi ỹataqta salamai'.»

Proverbios 24:30

Aỹem satelec ye no'onaxa so hualaic, qataq ye lma' ana lañiguishe uva so qaica ca ỹaỹaanapec:

Proverbios 24:31

nache sela'a da ndotec ana ỹaxat nlaqtelec, qataq ivira'a na lapoxonaxat coma' hua'axauec.

Cantares 5:3

«Mashe sogote da ñeqa't naua aỹogo, ¿qaq 'eeteco' da qaltaq saayiñi? Mashe ime da seỹota'ape naua ỹapia'ate, ¿qaq 'eeteco' da qaltaq ỹe'eguelaxalec da seshepaxanaqche't?»