Proverbios 13:3 - La'aqtaqa Ñim Lo'onatac 'Enauacna 2013

³ Ca ilo'oguelo naua la'aqtaqa qalaq maiche ntela'a da nachaalataxac, qaq ca qalota na la'aqtacpi qalaq maiche nlaxattapeguela't.

Proverbios 13:3 Referans Kwoze

Proverbios 21:23

Ca ỹaỹaten da ilotague' ca 'enapec, qalaq saishet da ivireguet ca nque'eenaxac.

Proverbios 18:21

Da nca'alaxa qataq da nleuaxa qalaq chegaqaiguilo ca 'enapec ñi nachaxat, qaq ca qalota da ltaxaỹaxac nache maiche nque'etaxaachigui ca naigui naua la'aqtaqa.

Proverbios 18:7

Naua la'aqtaqa ca qaica ca ỹaỹaanapec qalaq nachenaua na maiche nlaxaayiñi camaye, qataq naua maiche la'aqtaqa nachenaua naua maiche que'emaxama.

Salmos 39:1

Aỹem iuennataxac co'ollaxa da ỹataqta selo'ogue da no'on ỹataxac, yaqto' saishet da huo'o ca ỹasouaxashet souaxat ca 'enapec ñi ỹachaxat, qataq sauo'o so lcoñetaxat na aỹap da ñaq salectaigui na qauemaicpi.

Proverbios 10:19

Ca qalota na la'aqtacpi qalaq qalota da lsomaxac, qaq ca ỹaỹaten da ñe'emaxat camaye ỹaanaxanaxaic.

Proverbios 20:19

Ca na'aqtaqa lo'o' sa ỹaỹaten da ỹoxooñi ca qoỹoxottapiguiñi, qaq ỹoqo'oye saishet qome da 'aualectapeeguet que'eca na'aqtaqa lo'o'.

Santiago 1:26

Da huo'o ca ipi'itaxaatega da ỹataqta qui'itta, qalaxaye saishet da ilo'oguelo naua la'aqtaqa, nache camaye maiche natenachettapeguela't, qataq da la'amqaanataxanaxac ỹataqta qaica ca naigui.

Proverbios 12:13

Ca qauemaic qalaq lpachigui da maiche latenataxanaxac, qaq ca ỹale no'on da lataxac qalaq qaica ca nqalanaxac da huo'o ca huaigui.

Salmos 34:13

nache iuen da nllañi ñi lachaxat da sa nasaxauec ca qauem, qataq da sa nasaxauec ca natenataxanaxac.

Salmos 141:3

'Am Nataxala', ñaq 'auauo'o qome ca nauaatac na aỹap, cam nauaatac da detaqa na aỹap.

Proverbios 10:14

Ca ỹaanaxanaxaic camaye ỹaỹamaxatteque naua lauattonaxanaxaco, qaq naua la'aqtaqa ca qaica ca ỹaỹaana'a qalaq huo'o da lchec.

Proverbios 13:4

Ca hualaic huo'o ca nqopittaique qalaxaye saishet da ỹanata, qaq ca 'onataxanaxaic qalaxaye ishet da nquictasheguem.

Jueces 16:11

Nache so Sansón 'enapeco': Da qaỹo'ogoxona ca nañecpi dalaxaicolec maye saxanaxa da qaicoñetaxana da aỹem qaicoñerai', nache qaica de'era ỹa'añaxac, nache sheeta'am ca camachaqca shiỹaxauatto.

Jueces 16:17

Huaña, nache imato'ot da lquiyaqteỹaxac asomaye da da'aqtaxanem de'era lta'araic la'añaxac, 'eeta': Co'ollaq saxanaxa da sañiguiñi, nache sogote da aỹem qaiỹotauga da aỹem qoỹanot Ñim Lo'onatac 'Enauacna, ỹoqo'oye ỹataqta sa ỹauanapega da qanpetec na ỹaue. Qaq qom ivita da qanpetec na ỹaue, huaña nache qaica qome de'era lta'araic ỹa'añaxac, nache sheeta'am ca camachaqca shiỹaxauatto.

Proverbios 10:8

Ca ỹaanaxanaxaic ỹaconeguet ca namaxasoxonaxac, qaq ca qauema naua la'aqtaqa qalaq taỹa'a da nlachiguiñi.

Proverbios 14:3

Naua la'aqtaqa ca qaica ca ỹaỹaanapec qalaq chegaqaiguilo da na'amqaanaxac, qaq naua la'aqtaqa ca ỹaanaxanaxaic qalaq npaxattaleguete camaye.