Proverbios 13:25 - La'aqtaqa Ñim Lo'onatac 'Enauacna 2013

²⁵ Ca no'on da lataxac qalaq ỹataqta comaraxaic da deque'e, qaq ca qauemaic qalaq nda'a't na lqouaxa.

Proverbios 13:25 Referans Kwoze

Salmos 34:10

Na sallaxanecpi qalaq ỹe'eguelaxa da choxoraq qataq nque'etaxangui na lqouaxa, qalaxaye nam nmitaique Ñim Nataxala', qalaq qaica ca iueetac.

Proverbios 10:3

Ñim Nataxala' saishet da iqouat naqa'en ca no'on da lataxac, qalaxaye ỹo'otec da iqouat ca qauemaic.

Hebreos 13:5

Qataq saishet da ỹaguec da qarhuogoqoi da qanaviqui aca anom. Nachaqrata da qantoñiitapeguec cam qami' hueto'oto, cha'aye Ñim Lo'onatac 'Enauacna 'eeta' da la'aqtac maye nanettalec ana nere maye huetalec na la'aqtacpi Ñimaye: «Saishet da 'am seỹotec, qataq saishet da 'am salat.»

1 Timoteo 4:8

Cha'aye 'eesa ca shiỹaxaua da ñe'egueeteguela't da sa desalli naqa'en na lo'oc, damaye cara'acolec da huo'o da naigui. Qalaxaye da qanpa'ataxareelec da na'amqaanataxanaxac Ñim Lo'onatac 'Enauacna, damaye ỹataqta lta'araic da naigui. Cha'aye ỹataqta 'onaxaic da qomi' ỹo'otegueta nagui da ñaq souaqtalec ana 'alhua qataq nataqa'en qom seviraxague da piguem. Qaq de'era ỹataqta 'eesa, qaq ỹoqo'oye 'enauac damaye iuen da sa'amaqtenaq.

Proverbios 6:11

nache 'am naỹa'a ca nachoxoyec da 'am icogaxanapec, 'eeta'am ca shiỹaxaua queuoxoic maye na'atchigui ca lo'ogoxonaxat.

Deuteronómio 32:24

qataq ilem qome ñaqa'en ca nqouaxa, qataq huec ca napaxa, nache ilarec ñaqa'en na le'eraxa, qataq naguelec ñaqa'en ca shiguiỹac maye dequi'iỹapec, qataq ca na'araxanaq maye qanlem na lshenataxanaxa.

2 Ts 3:10

Cha'aye co'ollaq qami' souaqta'agueta, qalaq qami' sanaxama de'era lataxac da ca shiỹaxaua da sa ỹaỹamaxaren da do'onataxan, qaq maye deque'ectoxo'.

Proverbios 24:34

nache da nachoxoyec 'am nata'a da 'am icogaxanapec, 'eeta'am ca cachaxaic, qataq da 'arhuenaxanaxa 'eeta'am ca shiỹaxaua da na'atchigui ca lo'ogoxonaxat.

Salmos 37:16

Na saq 'amaqtaq lalamaxat ca ỹale no'on da lataxac, namaye ỹataqta 'onaxaic, qaq saq 'ena'am na qalota lsallaxa na qauemaicpi.

Salmos 37:3

Ỹataqta 'aupi'iỹa'a Ñim Nataxala' qataq 'auo'ot ca ỹaỹamaqchiguiñi, yaqto' nache qonetai' da qonetalec ana 'alhua qataq qoquetegue Ñimaye.

Deuteronómio 28:48

Qaq ỹoqo'oye choche 'am l-latac qome ca 'ampa'aguenaxauapi maye 'am namaxa qome Ñim Nataxala', nache 'anque'etaxangui qome ca 'arqouaxa, 'araquip, qouetauec, qataq ỹataqta 'am choxoraq. Nache Ñim Nataxala' ỹo'ot da 'anque'etaxangui da 'anlataguec, ivitta'a da ỹataqta 'am nlachiguiñi.

Lucas 15:14

Qaq co'ollaq mashe imeuo 'enauac aso alom, nache anac so lta'araic nqouaxa se'eso 'alhua. Huaña, nache somaye ỹataqta huo'o na lqouaxa.

Salmos 103:5

qataq aỹem ỹanem naxa 'enauac na no'on, qataq naralaxat da ỹataxac 'eeta'am naqa'en na vi'ic.

Salmos 132:15

Namaye sechoxonnec qome da sa qoue ca nallec, qataq na choxoraqpi maye hueta'a namaye sa qoue ñaqa'en ca aloq.

Proverbios 13:18

Ca ỹo'otan na nqataxacpi qalaq taỹa'a da lachoxoyec qataq qaica ca llo'oxoyec, qaq ca ỹasateguet da qaitaxaỹaua'a qalaq ỹaconeguet ca ño'oxonnataguec.