Proverbios 13:21 - La'aqtaqa Ñim Lo'onatac 'Enauacna 2013

²¹ Na qauemsat qalaq ca'attapiguiñi' na 'etaxaloxoicpi, qaq na no'on da lataxac qalaq nsheetenaxat da ỹaỹamaqchiguiñi.

Proverbios 13:21 Referans Kwoze

Salmos 32:10

Qaq na qauemaicpi ỹataqta qalota qome na nqui'iguesat, qalaxaye da lsoxoyec Ñim Nataxala', ỹataqta coleesop na pi'iỹa'a Ñimaye.

Proverbios 13:13

Ca saishet da ilo'oguet ca napaxaguenataxanaxac qalaq taỹa'a da deqat, qaq ca huo'o naq 'enec naqa'en ca namaxasoxonaxac qalaq huo'o ca nsheetenaguec.

Salmos 140:11

Saishet qome da nache huetalec ana 'alhua na sa ilo'oguelo naua la'aqtaqa, ca qauem icanapec qome na yeloxoicpi nache ilaxachigui.

Números 32:23

Qalaxaye da saishet da qauo'oche de'era, nache qauaỹachiñiita da hueto'ot da qarasouaxashichi Ñim Nataxala', nache huo'o ca na'a'q qaq qami' nvitalo ca qanhuaxanaguiqui souaxat de'era qarasouaxashichi.

Génesis 4:7

Da 'auo'ot taxa ca ỹaỹamaqchiguiñi, qaq ishet taxa da 'anamatasheguem. Qalaxaye ye saishet da 'auo'ot, nache dam nasouaxashet mashe naỹamaxattai' da 'am loxonec qome. Qamaq 'am maye ishet taxa da 'oxonec damaye.»

Hechos 28:4

Nache nam lma' se'eso 'alhua co'ollaq ỹauaachigui se'eso na'araxanaq da netaua'a na lhuaq so Pablo, nache somayepi 'enapeco': –De'era ỹale ỹoqta da laataxanaxaic, ỹoqo'oye na'aictaxa da ỹet na 'etaxat, qalaxaye dam nhuaxanaguec maye 'itchiguiñi saishet da ỹashenem da nca'altauec.

Salmos 54:5

Qaq Ñimaye ỹo'ot qome da maiche talec na qauemsat ne'ena ñepa'aguenaxauapi, Qaq 'aupacchiguilo qome naua 'ara'aqtaqa 'Am Nataxala', 'aulaxachigui qome namayepi.

Proverbios 11:31

Ca no'on da lataxac da ỹaconeguet ca nsheetenaguec da ñaq hueta'a ana 'alhua, qaq nache 'eetec nataqa'en ca qauemaic qataq ca 'etaxaloxoic.

Proverbios 17:13

Ca ỹan ca qauem da nmeneguet naqa'en ca no'on, camaye saishet da ca'ai ca lma' da qauem.

Isaías 47:11

Qalaxaye anac qome ca qauem da 'am talec, nache saishet qome da 'ampaxateguet da 'aurolec da 'ano'onataxac, 'am talec qome ca ỹataqa qauem, maye saishet da 'analo'oguet, qataq 'am talec cam qauem maye saishet da 'apettega da 'am talec, camaye nque'elaxatta qome da 'am talec.

Proverbios 24:16

cha'aye na'aictaxa da siete da huañi ca no'on da lataxac, qalaxaye nache 'ena'am ishet da qaltaq ñisheguem, qaq nam qauemaicpi qalaxaye nache taỹañicra da lachoxoyec.

Ezequiel 7:5

Ñim Nataxala', 'enapec: ¡Ña 'aula'a da mashe anacta na qauem!