Proverbios 13:19 - La'aqtaqa Ñim Lo'onatac 'Enauacna 2013

¹⁹ Da ipacchigui ca qoỹeetapeguec qalaq ỹo'ot da namaicỹaxac. Qaq na qaica ca ỹaỹaanapec qalaq saishet da ca'ai na qauem.

Proverbios 13:19 Referans Kwoze

Proverbios 29:27

Na ỹalleppi maye no'on da lataxac saisheteguet na qauemaicpi, qataq na qauemaicpi nataqa'en saisheteguet na no'on da lataxac.

Proverbios 13:12

Ca aquitaxac maye saipaigui, qalaq daỹalli naqa'en añi nquiyaqte, qaq ca qoỹeetapeguec da ipacchigui qalaq 'eeta'am aca qo'oipaq maye huo'o da lca'alaxa.

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

Proverbios 16:17

Da llecỹaxac ca no'on da lataxac, qalaq qaỹoqtaique naqa'en na qauem, qaq ca ntela'a da maiche no'on lataxac qalaq maiche ntel-la't.

Cantares 3:4

Qaq can choche sheca'ai somayepi, nache sanata som lauotaxat da ñachaalataxac. Nache sacona na lhuaq somaye, nache saishet da saxanec, nache sauegueua'a ye lma' aso ỹate'e, yem lo'ochaqa' asomaye, nache huaña da ỹataqta ỹalamaxat.

Proverbios 16:6

Da qaỹapalaxat ca nasouaxashet qalaq qaỹauota'a da nauotaxanaqtaic qataq da 'eesa lataxac. Qataq da huo'o naq 'enec qanqa'en Ñim Nataxala', nache ỹo'ot da qanayeca'ai na qauem.

Proverbios 3:7

Saisheto' qome da 'aupettega da 'am ỹaanaxanaxaic, nacherata da huo'o naq 'enec 'anqa'en Ñim Nataxala' qataq qoca'ai nam qauemsat,

Salmos 34:14

Qataq ca'ai na qauemsat, nache ỹo'ot ca ỹaỹamaqchiguiñi, qataq nmitaique da nlagaxayec nache quegue.

Da na'aqtaguec so Job 28:28

Nache Ñimaye 'enapego' na shiỹaxauapi, 'eeta': ‹Da huo'o naq 'enec qanqa'en Ñim Nataxala', nachera da ỹoqta 'eesa naỹaanec›, qataq da qanayeca'ai na qauemsat, ‹nachera da ỹo'ot da qaica ca qanqalaate'.›»

1 Reyes 1:48

Nache 'eeta': «Ỹataqta sho'oxoren Ñim Nataxala' maye Natamnaxala' na Israel le'ecpi, cha'aye Ñimaye, sauaachigui naqa'en so 'oonolec nam ỹalaqpi da talec da ỹo'onataxanaxac da nta'a.»

Salmos 37:27

Qoca'ai qome na qauemsat, qataq 'auo'ot ca ỹaỹamaqchiguiñi, yaqto' nache 'eetai' da huo'o ca 'arma' maye ishet da qonetaña.

Proverbios 13:18

Ca ỹo'otan na nqataxacpi qalaq taỹa'a da lachoxoyec qataq qaica ca llo'oxoyec, qaq ca ỹasateguet da qaitaxaỹaua'a qalaq ỹaconeguet ca ño'oxonnataguec.

Proverbios 13:20

Ca sa iỹotec na ỹaanaxanaxaicpi qalaq nataqa'en ỹaanaxanaxaic, qaq ca sa iỹotec na qaica ca ỹaỹaanapec qalaq taỹa'a da deqat.

Proverbios 29:10

Na laataxanaxaicpi qataq qauemaicpi ỹaỹemec nam nalochiguiñi da lataxac, qataq huotaique da ỹalauat na no'on da lataxac.