Proverbios 13:18 - La'aqtaqa Ñim Lo'onatac 'Enauacna 2013

¹⁸ Ca ỹo'otan na nqataxacpi qalaq taỹa'a da lachoxoyec qataq qaica ca llo'oxoyec, qaq ca ỹasateguet da qaitaxaỹaua'a qalaq ỹaconeguet ca ño'oxonnataguec.

Proverbios 13:18 Referans Kwoze

Proverbios 15:5

Ca qaica ca ỹaỹaanapec ỹo'ota'n naua lqataxaco ca lta'a, qaq ca ilotegueta naua nqataxaco camaye sanqalat.

Proverbios 12:1

Ca ỹauotec da napaxaguenataxanaxac camaye ỹauotec da naỹaanec, qaq ca saiuooneguet da qaiviraxato'ot camaye qaica ca ỹaỹaanapec.

Proverbios 25:12

Qataq 'eeta'am nataqa'en aca chiguishaqte huo'otaq aca nqola maye chegaqaigui na ndota't oro, cam ỹaỹaten da na'axaỹaxana ca la'aqtac ca ỹaanaxanaxaic.

Proverbios 13:13

Ca saishet da ilo'oguet ca napaxaguenataxanaxac qalaq taỹa'a da deqat, qaq ca huo'o naq 'enec naqa'en ca namaxasoxonaxac qalaq huo'o ca nsheetenaguec.

Proverbios 19:6

Ca chetaqtaxanaxaic qalaq qalota na nauochaxauapi, qataq 'enauac da qanmitta'a da auochaxaua ca huo'o na ỹaatac.

Proverbios 9:9

'Auapaxaguen ca ỹaanaxanaxaic nache camaye nquiguec da laỹaanec, 'auapaxaguen ca no'on da lataxac yaqto' nquiguec da laỹaanec.

Hebreos 12:25

Qaq ỹoqo'oye maxatchaxa da qoñiita, saishet da huo'o ca sa iqocha'a Ñim Lo'onatac 'Enauacna da qami' detaxaỹoto. Saishet da sa qauacoñiiguet, cha'aye som hua'au Israel le'ecpi maye sa iqocha'a co'ollaxa Ñimaye qalaq saishet da ỹet so lta'araic nhuaxanaguec. Se'eso na'a'q co'ollaq Ñim Lo'onatac 'Enauacna detaqtacot somayepi, qalaq so lvilỹaxac ỹacholaxan ana 'alhua. Qaq qomi' da sa saconaxaguet Ñim Lo'onatac 'Enauacna maye qomi' iỹaxanalo so lvilỹaxac maye chegoqtot na piguem, nache nataqa'en saishet da qomi' ỹe't ca lta'araic qanhuaxanaguec. Cha'aye nagui da la'aqtac Ñimaye 'eeta': «Qaltaq she'eguelaxalec da sacholaxan ana 'alhua, qalaxaye saishet da ndotec anamaye nataqa'en na piguem.»

Salmos 141:5

Cam no'on da lataxac no'on qome da ỹo'ot ca ñeuaxanaguec, qaq camaye nacheca qome ca nchoxonnataxanaxa, qalaxaye saishet qome da qaicorelec na iqaic ca no'on na laita ncoraxat na qauemaicpi, cha'aye da ñatamnaxac nache 'eetai' naxa, da dataỹa'aguet nam qauem maye ỹo'ottac namayepi.

Proverbios 13:19

Da ipacchigui ca qoỹeetapeguec qalaq ỹo'ot da namaicỹaxac. Qaq na qaica ca ỹaỹaanapec qalaq saishet da ca'ai na qauem.

Proverbios 13:25

Ca no'on da lataxac qalaq ỹataqta comaraxaic da deque'e, qaq ca qauemaic qalaq nda'a't na lqouaxa.

Eclesiastés 7:5

Ỹactec da no'on da qana'axaỹaxana ca l-laxasoxonaxac cam ỹaanaxanaxaic, qaq saq 'ena'am da qana'axaỹaxaatega da lo'onaxanaxac cam qaica ca ỹaỹaanapec.

Jeremías 3:25

Ñaq ñemanaq qome, cha'aye huo'o da qara'agaxa qataq qomi' nlaqchiguilo da qane'enaguec, cha'aye chegoqta'a co'ollaq ñaq qomi' nsoxoppi, nache ivitta'a nagui da qomi' qataq so qarta'alpi huo'o da qarasouaxashet hueto'ot Ñim Nataxala' maye Qanatamnaxala' cha'aye saishet da salaxasoxoguet.»