Proverbios 13:16 - La'aqtaqa Ñim Lo'onatac 'Enauacna 2013

¹⁶ Ca huo'o na ỹaỹaten qalaq ỹaỹamaxatchiguiñi da huo'o ca ỹo'ot, qaq na qaica ca ỹaỹaanapec qalaq na'amqaañigui da no'oopashaxac.

Proverbios 13:16 Referans Kwoze

Proverbios 15:2

Naua la'aqtaqa ca ỹaanaxanaxaic qalaq chegaqaiguilo da naỹaanec, qaq naua la'aqtaqa ca qaica ca ỹaỹaanapec qalaq chegaqaiguilo da 'oopashec.

Efesios 5:17

Qaq ỹoqo'oye saishet qome da qaica ca qauaỹaañiỹapec. Chaqrata da qanpogoxoiñiỹapegue' da qauaỹaañi cam 'eetapeguec So Qarataxala'.

Isaías 52:13

Ña qaumichiñi, ñim ỹamaxashec dauegaxan qome, nache huo'o da la'amaqchec qataq qaỹo'oreetac qome.

Eclesiastés 10:3

Cam qaica ca ỹaỹaanapec, qalaq 'enauac nam ỹo'otpi ỹachaxan da lachoxoye'c naua lhuennataxaco, qaq na'aictaxa da 'eetega nachena nam laỹepi nam qaica ca ỹaỹaten.

Romanos 16:19

'Enauac qaỹaỹaten da qami' ỹataqta qaualaqaiguet Ñim Lo'onatac 'Enauacna, ỹoqo'oye aỹem ỹataqta samachiguiñi. Qaq ñeshetaique da ỹataqta qauachaxañi da ỹataqta sa qanqalache da qauo'oche ca no'on, qalaxaye saishet da qauo'oche ca qauem.

1 Corintios 14:20

Qami' ỹaqaỹañicpi, qoñiita'am qome ca nogotolec maye qaica ca lasouaxashet, qalaxaye saishet da qaue'enaxache da lhuennataxac. Nachaqrata da qaue'enaxache da lhuennataxac ca shiỹaxaua ỹe.

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Proverbios 21:24

Ca ño'oxonnaxaic, na'amqaanaxaic, qataq ca sairen ca lỹa, camaye qailonec da sancherapec, souaxat da ỹagaqnauec da napagaqaanaxac.

Salmos 112:5

Ca shiỹaxaua soxoraic ỹataqta ichoxoren da huo'o ca ỹa'aalaxanaxan, qataq nalochiguiñi naqa'en da lataxac da imen ca lmenec.

1 Samuel 25:25

Saishet qome da 'auqocha'a da qauem lataxac ñi Nabal, cha'aye ñimaye maiche ỹo'oxoreetac da le'enaxat, maye naigui da sanaỹaten. Qaq de'era sanaỹaten lataxac ñimaye, nache nnaictague' naxa da huo'o da pa'aigue. Aỹem, qalaxaye sa sauanegueta co'ollaq nvi' soua 'aramaxa'she.

1 Samuel 25:17

Qalaxaye ñim 'arhua, ye ỹataqta qauem da lataxac, qataq saishet da qaitaxaỹot, qaq 'onaxaic qome da 'auo'ot ca 'auataxaateuga de'era, cha'aye so David mashe lhuennataxa da iloquiaxan ñim qana'aco' qataq 'enauac na lauo' le'ecpi.

Proverbios 18:2

Ca qaica ca ỹaỹaanapec qaica ca lyaxa da huo'o ca ỹaỹaten, nacherata da ño'oxoreetapigui catai' ỹaỹatenolec.

Proverbios 14:33

Añi lquiyaqte ca ỹaanaxanaxaic nache huetanguit da naỹaanec, qalaxaye na qaica ca ỹaỹaanapec saishet da ỹauatton damaye.

Eclesiastés 10:13

Cha'aye da da'aqtaxan, qalaq nda'a't da ỹa'axattac da 'oopashec, qaq nache ivitta'a da ỹataqta qaica ca naiguilo naua la'aqtaqa.