Proverbios 13:14 - La'aqtaqa Ñim Lo'onatac 'Enauacna 2013

¹⁴ Da lapaxaguenataxanaxac ca ỹaanaxanaxaic chegaqaigui da nca'alaxa qataq ishet da nca'alaxateeguesop ca ỹale da loxonaxanaxac da nleuaxa.

Proverbios 13:14 Referans Kwoze

Proverbios 10:11

Naua la'aqtaqa ca no'on da lataxac qalaq chegaqaiguilo da nca'alaxa, qaq ca qauemaic qalaq ipataxañi na qauemsat.

Salmos 18:5

Qataq na lqoinaxanaxatpi añi huachiqui mashe aỹem loxonec, nache mashe sootaigui aso lqoina maye dalaataxanapec.

Proverbios 14:27

Da huo'o naq 'enec qanqa'en Ñim Nataxala', nachera da chegaqaigui da nca'alaxa, qataq nca'alaxateeguesop ca shiỹaxaua da loxonaxanaxac da nleuaxa.

Proverbios 16:17

Da llecỹaxac ca no'on da lataxac, qalaq qaỹoqtaique naqa'en na qauem, qaq ca ntela'a da maiche no'on lataxac qalaq maiche ntel-la't.

Salmos 116:3

So lcoñetaxanaxat da nleuaxa qalaq mashe aỹem lpachigui, qataq mashe aỹem loxonec da ỹachetataic souaxat añi huachiqui, qataq sevireguet da icolanaxa qataq da ñiqui'ic.

Proverbios 16:22

Da nauattonaxanaxac chegaqaigui da lca'alaxa ca hueto'ot damaye, qaq da nhuaxanaguec ca qaica ca ỹaỹaanapec qalaq chegaqaigui da maiche no'oopashaxac.

Proverbios 16:6

Da qaỹapalaxat ca nasouaxashet qalaq qaỹauota'a da nauotaxanaqtaic qataq da 'eesa lataxac. Qataq da huo'o naq 'enec qanqa'en Ñim Nataxala', nache ỹo'ot da qanayeca'ai na qauem.

Proverbios 15:24

Da llecỹaxac da nachaalataxac ca ỹaanaxanaxaic qalaq taỹasheguema na pa'asheguem, da yaqto' nca'aleeguesop aca huachiqui maye npa'aỹañi.

Proverbios 9:11

Aỹem 'am sanem da logoraic da 'anachaalataxac, qataq da qaỹoqtrec naua vi'iye da 'anachaalataxac.

1 Samuel 25:33

qataq ỹataqta 'auamachiguiñi qome 'am souaxat da no'on 'araỹaanataxanaxac. Cha'aye aỹem 'avitaqna'aguet da secolde'c naua ntago'q, qataq da so'ogoxona da ỹa'añaxac da sepalaique ca ivi'.