Proverbios 13:13 - La'aqtaqa Ñim Lo'onatac 'Enauacna 2013

¹³ Ca saishet da ilo'oguet ca napaxaguenataxanaxac qalaq taỹa'a da deqat, qaq ca huo'o naq 'enec naqa'en ca namaxasoxonaxac qalaq huo'o ca nsheetenaguec.

Proverbios 13:13 Referans Kwoze

Números 15:31

souaxat da qaica ca naigui naqa'en da ỹa'aqtac, qataq ỹo'otan na ỹamaxasoxonaxacpi, nache camaye ỹataqta qaỹo'orauec, qataq maiche nque'etaxangui que'eca lasouaxashet.»

2 Juan 1:8

Qaq maxatchaxa qome qanchilỹañi yaqto' saishet da qauqataqchichi 'enauac nam no'on maye qami' so'otaxaque. Cha'aye da saishet da nache qoñiitec de'era, nache qami' saishet da qauacoñiiguet cam ỹataqta nalochiguiñi qansheetenaguiiqui maye chegoqo'ot Ñim Lo'onatac 'Enauacna.

2 Crónicas 36:16

Qalaxaye somayepi ỹataqta ỹe'eetac co'ollaxa som la'aqtaxanaxanecpi Ñim Lo'onatac 'Enauacna, qataq saỹaconegueta naua la'aqtaqa, qataq isheueetac som la'aqtaxanaxanecpi, choche ivitta'a da Ñim Nataxala' talec naqa'en da layeloxo som lalamaxat nhuo' le'ecpi, qaq 'era da 'eetec da qaica ca lata' damaye.

Salmos 119:165

Cha'aye qalota da l-lagaxayec, cam ỹauoteque naua 'arqataxaco qataq qaica ca ishet da huañi naqa'en.

Ezequiel 20:13

Qalaxaye namayepi Aỹem dataỹa'aguet co'ollaq huaña ye toolec 'alhua, nache sa ỹalaxaguet na iqataxacpi, qataq saỹaconeguet nam ỹamaxasoxonaxacpi maye sanem co'ollaxa, da yaqto' da ipaqueelec namayepi nache huo'o da lca'alaxa, qataq ishepaxanaqchet co'ollaxa ye na'a'q mataxaqui maye ỹalamaxat. Qaq huaña co'ollaxa nache huo'o da iuennataxac da sematalec namayepi da ỹayeloxo, qataq da ñematchiguiñi da huaña ye toolec 'alhua,

Salmos 19:11

Qataq naamaye nataqa'en nache nhuogoctagueeco ne'ena 'aralamaxat 'aramaxashec, qataq ỹataqta huo'o da naigui da qaỹalaxagueta naamaye.

Ezequiel 20:16

cha'aye saỹaconeguet co'ollaxa na ỹamaxasoxonaxacpi, qataq saishet da ỹalaxaguet na iqataxacpi, qataq ishepaxanaqchet ye na'a'q mataxaqui maye ỹalamaxat, cha'aye da lquiyaqteỹaxac ca'attague' nam lqolacpi.

Ezequiel 20:24

cha'aye saishet da ipaguelec nam ỹamaxasoxonaxacpi, qataq saỹaconeguet nam iqataxacpi, qataq ishepaxanaqchet ye na'a'q mataxaqui maye ỹalamaxat, nacherata da quetague' na lqolacpi so lta'alpi.

Isaías 66:2

¡Ye Aỹem maiche ỹo'onatac 'enauac nam huo'o, qaq 'era da 'eetec da huo'omshe yo'oq namayepi! Qaq 'era da la'aqtac Ñim Nataxala'. Cam shiỹaxaua maye selotagui nacheca cam choxoraq qataq daquicotac, maye huo'o naq 'eneque naqa'e'n naua ỹa'aqtaqa.

Proverbios 13:21

Na qauemsat qalaq ca'attapiguiñi' na 'etaxaloxoicpi, qaq na no'on da lataxac qalaq nsheetenaxat da ỹaỹamaqchiguiñi.

Proverbios 1:25

Nachaqrata da sa qauacoñeeguet na iqataxacpi, qataq saishet da qauacoñeegueta naua iviraqtaxanaxaco.

Salmos 115:13

Qataq ichoxoren qome cam huo'o naq 'enec naqa'en Ñimaye, nam lta'araicpi qataq na qapio'olecpi.

Lucas 16:31

Qalaxaye so Abraham 'enapeco': «Da saishet da ỹalaxaguet so Moisés qataq som la'aqtaxanaxanecpi Ñim Lo'onatac 'Enauacna, qaq ¡hua'aguectoxo' da ishet da ỹalaxaguet da huo'o ca qaltaq nca'aleeguesop na leuaxaicpi!

Malaquías 3:16

Qaq huaña nache nam huo'o naq 'enec naqa'en Ñim Lo'onatac 'Enauacna, detaqtega't. Qaq Ñim Nataxala' hua'axaỹa, nache ỹataqta na'axaỹaxaachigui na la'aqtacpi. Qaq nache qaỹatato'ot Ñim Nataxala', co'ollaq qoỹerelec aso nere da yaqto' saishet da qaicoua'ai nam huo'o naq 'enec naqa'en Ñim Nataxala', qataq ỹo'oxoreetac Ñimaye.

Jeremías 43:2

nache so Azarías som llalec so Osaías, Johanán, som llalec so Careaj, qataq som laỹepi ỹalleppi maye qaica ca iren, 'enapega so Jeremías, 'eeta': «¡Dam 'aua'axattac damaye saq'en! Ñim Nataxala' maye Qanatamnaxala' saishet da 'am ỹamaxalec da qomi' 'aua'aqtaxanema da saishet da saxague da Egipto.

Esdras 10:3

Qaq nagui sanaxam da qara'aqtac Ñim Qanatamnaxala' da ñalaataxai' qome ana qaramoxouapi maye chegaqauec, qataq 'enauac na llalaqpi. Qataq so'otaq 'enauac ca qomi' 'auamaxaleguete, yaqto' sepagaqtelec na lamaxasoxonaxacpi Ñim Qanatamnaxala'. ¡Qataq ỹataqta salaxasoxoguet 'enauac na lqataxacpi Ñimaye!

Éxodo 9:20

Qaq huo'o so ltauapi so faraón so ñi'iỹa de'era la'aqtac Ñim Nataxala', nache ỹauo'o so lma' so l-latacpi qataq so na'atetpi.

Proverbios 13:12

Ca aquitaxac maye saipaigui, qalaq daỹalli naqa'en añi nquiyaqte, qaq ca qoỹeetapeguec da ipacchigui qalaq 'eeta'am aca qo'oipaq maye huo'o da lca'alaxa.

Proverbios 19:16

Ca ỹalaxaguet da namaxasoxonaxac qalaq ntela'a da maiche nachaalataxac, qaq ca ỹo'otan da lapaxaguenataxanaxac Ñim Nataxala', qalaq camaye ileu.

Salmos 19:12

¿Negue't ca ishet da ila'a ca maiche lalamaxat lsomaxac? Ỹoqo'oye aỹem 'auchoxoren qome, 'am Ỹataxala', souaxat na ỹasouaxashetpi maye saqcha'a.

Proverbios 16:20

Ca ỹaỹaten da ilo'ogue ca lo'onataxanaxac qalaq camaye ỹataqta nquictasheguem, qataq ỹataqta machiguiñi ca pi'iỹa'a Ñim Nataxala'.