Proverbios 13:12 - La'aqtaqa Ñim Lo'onatac 'Enauacna 2013

¹² Ca aquitaxac maye saipaigui, qalaq daỹalli naqa'en añi nquiyaqte, qaq ca qoỹeetapeguec da ipacchigui qalaq 'eeta'am aca qo'oipaq maye huo'o da lca'alaxa.

Proverbios 13:12 Referans Kwoze

Juan 16:22

Qaq nache 'eetec nataqa'en da qoñiita nagui huo'o da qarachetataiqui, qalaxaye Aỹem qami' ñe'eguelaxalo qome, nache da qarquiyaqteỹaxaqui ỹataqta nlaqchigui da qantonaxaqui, qaq que'eca qantonaxaqui saishet da huo'o ca nqat.

Proverbios 13:19

Da ipacchigui ca qoỹeetapeguec qalaq ỹo'ot da namaicỹaxac. Qaq na qaica ca ỹaỹaanapec qalaq saishet da ca'ai na qauem.

Proverbios 3:18

Da naỹaanec chegaqaigui da nachaalataxac cam ỹaconeguet, qaq ỹataqta machiguiñi cam ỹaỹamaxattec damaye.

Salmos 17:15

Qalaxaye aỹem, qom saỹaten da qaica ca sasouaxat nache samachiguiñi da selogui da 'arashiguiỹaxac, na'aictaxa da choche 'am samato'ot da ñelouec.

Proverbios 11:30

Da ỹaỹamaqchiguiñi lataxac chegaqaigui da achaalataxac, qaq da loquiaxac qalaq ilaxachigui da achaalataxac.

Salmos 69:3

Qataq mashe ñequi'iteeguesop da iỹaxanaxac, qataq mashe seuet ana ỹoqoichiqui, qataq mashe nasamyiñi naua ỹa'ai'te, souaxat da seuattaique ca ltaunaxanaxac Ñim Ñatamnaxala'.

Salmos 143:7

'Am Nataxala', sa 'anaỹaloxon qome da aỹem 'auasateguet, cha'aye mashe huotaique da vi'iigueta naua ỹa'a'che, saishet qome da aỹem 'oxocheesop da 'artaunaxanaxac, yaqto' saishet da sheeta'am ca taỹa'a aca huachiqui.

Génesis 46:30

Qaq huaña nache so Israel 'enapega so José, 'eeta': «¡Hua', nagui da mashe 'am seloto'ot, qataq saỹaten da ñaq 'anca'altauec, nache ishet qome da seleu!»

Cantares 5:8

Qami' 'alpi maye qarma'ai na Jerusalén, aỹem qaỹa'añim ca qara'aqtaqui: qom qauloỹalec ca ỹauotaxat, qalaq ỹataqta qoñiỹapega qome da selem da lamaic da ỹoqopitaxanaqtaic.

Apocalipsis 22:2

Qaq nam laiñi so nqa'aic maye laiñiguishec se'eso nỹecpi, nache nacchiguingui se'eso 'etaxat. Qaq naua loiguiye se'eso tala huo'o ana qo'oipaq maye huo'o ana ala ye 'oonolec ca'agoxoic, qaq damaye 'eeta' doce da huo'o ana ala ye 'oonolec vi'i. Qaq ana ala ỹan da nca'alaxa chochaq tatec, qaq ana laue qalaq natannaxanaqte da nataren na lalolaxapi 'enauac na shiỹaxauapi maye huetalec ana 'alhua.

Apocalipsis 2:7

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

Proverbios 13:11

Da nỹalaqtoc nsallaxa, damaye taỹañecra, qaq ca npottac da laỹonaxanaxac qalaq nquictasheguem da lsallaxa.

Proverbios 13:13

Ca saishet da ilo'oguet ca napaxaguenataxanaxac qalaq taỹa'a da deqat, qaq ca huo'o naq 'enec naqa'en ca namaxasoxonaxac qalaq huo'o ca nsheetenaguec.

Nehemías 2:2

nache aỹem inat somaye, 'eeta': ¿Chaq ta'ainco' da 'auaquicota? Ye 'eco' saishet da 'am sano'on, yo'oqta da huo'o ca huo'omshe huo'o da 'anqui'ic. Nache aỹem ỹataqta huo'o da icolanaxa.