Proverbios 13:11 - La'aqtaqa Ñim Lo'onatac 'Enauacna 2013

¹¹ Da nỹalaqtoc nsallaxa, damaye taỹañecra, qaq ca npottac da laỹonaxanaxac qalaq nquictasheguem da lsallaxa.

Proverbios 13:11 Referans Kwoze

Proverbios 20:21

Na hua'auchiguiñi nalamaxatpi maye qaica ca lqalaic da qaỹaconeguet, namayepi da ivita ca loga't qalaq saishet da ỹo'ot ca namaicỹaxac.

Proverbios 10:2

Da nsallaxa maye chegaqaigui da ncachaxac qaica ca naigui, da no'on nataxac qalaq ishet da huo'o ca isoueeguesop da nleuaxa.

Proverbios 28:8

Ca lapootasheguem da lsallaxa maye ỹachegoxotaigui ana nsheetenaxanaqte, camaye laỹootasheguem da lsallaxa da yaqto' talec qome ca nqouaguec na choxoraqpi.

Proverbios 28:22

Ca nda'a't da iuennatega da nsallaxa, camaye saỹaỹaten da naỹa'a da lachoxoyec.

Proverbios 28:20

Ca shiỹaxaua maye npe'et camaye ivira'a da qaỹo'oxoreetac, qaq ca nda'a't da iỹalata'a da lsallaxa, qalaq saishet da saqca ca nhuaxanaguec.

Jeremías 17:11

Qaq cam desalligui da lcachaxac nache camaye 'eeta'am ca dachemi da nqapaxaaleguete caua saishet da lco'oue'ete. Nache da laiñi da nachaalataxac, nache da deqat 'enauac da lsallaxa, ime nache ivitta'a da 'eeta'am ca qaica ca ỹaỹaanapec.

Salmos 128:2

Qom chectac ca aloq maye chegaqaigui da lo'onataxanaxac, qalaq ỹataqta machiguiñi qataq no'on da llecỹaxac.

Da na'aqtaguec so Job 20:15

Huaña nache nolec da nsallaxa maye iuoxonañi co'ollaxa, cha'aye Ñim Lo'onatac 'Enauacna anol naqa'en camaye.

Eclesiastés 5:14

cha'aye da qauem ca nmenaxac camaye, nache ishet da deqat imauec de'era lsallaxa, qaq da huo'otaq huo'o ca llalec camaye, nache taỹa'a da qaica ca no'ona'aguet.

Proverbios 13:10

Da 'amqaanaxac ỹo'oteua'a da loquiaxac, qaq da naỹaanec qalaq hueta'aguet ca sa na'amaqten.

Proverbios 13:12

Ca aquitaxac maye saipaigui, qalaq daỹalli naqa'en añi nquiyaqte, qaq ca qoỹeetapeguec da ipacchigui qalaq 'eeta'am aca qo'oipaq maye huo'o da lca'alaxa.

Proverbios 21:6

Da nsallaxa maye qaỹachegoxotaigui da natenataxanaxac, damaye saqaỹauec qataq imeuo naqa'en ca nmitta'a da nleuaxa.