Proverbios 12:8 - La'aqtaqa Ñim Lo'onatac 'Enauacna 2013

⁸ Ca ỹale qaỹo'oxoren souaxat da huo'o na laỹaanec, qaq ca qauema naua lhuennataxaco qalaq nda'a't da no'otanaguec.

Proverbios 12:8 Referans Kwoze

2 Corintios 10:18

Cha'aye ca shiỹaxaua maye qaỹaỹamaxareeta, saishet da nacheca cam maiche ño'oxoreetapeguela't, nachaqcata cam ỹaỹamaxareeta Ñim Nataxala'.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Hechos 12:23

Nache saqaỹaloq da anac so lamaxashec Ñim Lo'onatac 'Enauacna, nache ique'emaqchet so Herodes, cha'aye somaye ipi'itaxaatega da 'eeta'am da lataxac Ñim Lo'onatac 'Enauacna. Nache qaỹata'ague, nache ileu. Ilem na qoche'l maye chectac na lauel somaye.

Lucas 16:8

Huaña, nache so 'aco' saishet da iqoleguet da se'eso lhuataxanaxanec maye qauem, somaye ỹataqta sa nqalat da huo'o ca ỹo'ot. Qaq 'era da 'eetec nam ỹauotec nam huetalec ana 'alhua, namayepi ỹataqta sa nqalat da huo'o ca ỹo'otec ca lỹa, qaq saq 'ena'am nam huetaigui na yo'oqchiguiñi.

Daniel 12:2

Qalota qome cam do'ochetapi maye huetangui aca nhuachiqui, qalaq nlouec qome: qaq huo'o qome ca chochaq tatec da nca'altauec qataq huo'o qome ca nca'alec qalaxaye nque'etaxangui ca chochaq tatec la'agaxa qataq ca qauem.

Proverbios 5:23

Dam sa ỹaỹamaxañi lataxac nachera da ỹauecta'a da nleuaxa, qataq souaxat da qaica ca ỹaỹaana'a nache taỹa'a da daqat.

Proverbios 3:35

Na ỹaanaxanaxaicpi qalaq huo'o da la'amaqchec, na qaica ca ỹaỹaana'a qalaq qaica ca la'amaqchec.

Proverbios 1:26

Qaq ỹoqo'oye aỹem huo'o ca na'a'q, qaq choche qami' se'eeta'ape, qom qami' nvitalo ca sa ỹaỹamaxañi. Nache qami' se'enai'salo qom qami' ỹalaua't da qarcolanqai.

Salmos 132:18

Qaq na mpa'aguenaxauapi qalaq talec ñaqa'en da na'aloxonaxac, qalaxaye somaye sanagui qome da llo'oxoyec.»

Génesis 41:39

Nache so faraón 'enapego' so José, 'eeta': «Ỹataqta qaica ca ỹactec da ỹaanataxanaxaic qataq ỹaanaxanaxaic da 'eeta'am 'am, cha'aye Ñim Lo'onatac 'Enauacna 'am ỹaỹaanaxanaxanec 'enauac de'era.

1 Samuel 25:17

Qalaxaye ñim 'arhua, ye ỹataqta qauem da lataxac, qataq saishet da qaitaxaỹot, qaq 'onaxaic qome da 'auo'ot ca 'auataxaateuga de'era, cha'aye so David mashe lhuennataxa da iloquiaxan ñim qana'aco' qataq 'enauac na lauo' le'ecpi.

1 Samuel 18:30

Qataq so lataxala'pi so filisteopi naxa da inoxonec da delogui' na Israel le'ecpi, nache so David ỹataqta ỹactec da ỹaanataxanaxaic napacalec so laỹepi nalleppi so Saúl. Qaq ỹoqo'oye somaye nache nquictauec da llo'oxoyec.

1 Samuel 16:18

Nache huo'o so 'oonolec somayepi, 'eeta': Aỹem huo'o so sauatton na llalaqpi so Yesé, maye naña ye Belén, da ỹataqta ỹaỹaten da lvicnaxanaxac, qataq somaye ỹataqta 'añaxaic da loquiaxac, qataq ỹaanaxanaxaic da detaqa, qataq ỹataqta nalochiguiñi da lataxac, qataq hueta'aguet Ñim Nataxala'.

1 Samuel 13:13

Nache so Samuel 'enapeco': «¡'Am ỹataqta huo'o da 'oic peta'a! Qamaq taxa da 'aualaxaguet da namaxasoxonaxac maye 'am ỹanem Ñim Nataxala', nache Ñimaye ipacchigui taxa da nache 'eetai' naqa'en da 'aro'onataxanaxac da 'aulotague' na netaña na Israel.

Eclesiastés 8:1

¿Negue't cam 'ena'am ca ỹaanaxanaxaic? Qataq ¿Negue't cam ỹaỹaten cam lataxac 'enauac nam chochena? Dam naỹaanec 'eeta'am da icoỹaroigui da lasheguiỹaxac cam shiỹaxaua, qataq naralaxat dam lasheguiỹaxac.

Proverbios 12:7

Na qauemaicpi qalaq huañi, nache imeuo, qaq na llalaqpi ca no'on da lataxac qalaq nache 'eetai' da na'attañi.

Proverbios 12:9

Qaq ỹactec da no'on ca ỹale da no'otanec qalaxaye huo'o na lamaxashecpi, qaq saq 'ena'am ca na'amaqteetai' da 'eetega sallaxanec qalaxaye qaica ca aloq.

Proverbios 29:27

Na ỹalleppi maye no'on da lataxac saisheteguet na qauemaicpi, qataq na qauemaicpi nataqa'en saisheteguet na no'on da lataxac.

Isaías 19:14

Cha'aye Ñim Nataxala' ỹanaigui namayepi so saqcha'a som isomaxanaqchet 'enauac nam ỹo'otpi na Egipto le'ecpi, 'eeta'am ca taxaic da anoltac qataq sa ntouen.

1 Samuel 2:30

Qaq souaxat de'era, nache Ñim Nataxala' maye Natamnaxala' na Israel le'ecpi, 'am 'enapega 'eeta': Aỹem san co'ollaxa so ỹa'aqtac da 'am qataq na 'aỹa'alaqpi, qataq nam chegoxoguetpi so 'arta'a da nache 'eetai' da Aỹem do'onataxaatacot, qalaxaye nagui 'am shenapega da nache tachiguiña de'era, cha'aye Aỹem sho'oxoren ca Aỹem ỹo'oxoreetac, qataq qaica ca la'amaqchec ñaqa'en cam Aỹem ỹo'otan.