Proverbios 12:7 - La'aqtaqa Ñim Lo'onatac 'Enauacna 2013

⁷ Na qauemaicpi qalaq huañi, nache imeuo, qaq na llalaqpi ca no'on da lataxac qalaq nache 'eetai' da na'attañi.

Proverbios 12:7 Referans Kwoze

Proverbios 11:21

Qaq ỹoqta 'eesa da ca qauemaic saishet da sa qaỹauo'o ca nhuaxanaguec, qaq na no'on da lataxac qalaq nca'alec.

Proverbios 10:25

Da ỹoxogue ca la'at lta'araic nache imeuo ca qauemaic, qaq ca no'on da lataxac qalaq nache 'eetai' da nachattañi.

Da na'aqtaguec so Job 11:20

Qaq nam qauemaicpi qalaq imeuo qome, qataq saishet da ỹanata ca lle'eguenaqa', huaña nache naquitta'a da maiche ileu.»

Ester 9:14

Nache so nta'a damaxasoxoolec da nache qoỹeetec de'era. Nache se'eso qalapaxañi lataxac qaỹa'axatec ye Susa, nache soua diez llalqa so Amán qaicoñeldashegue'm.

2 Samuel 7:26

¡Yaqto' nache 'eetai' qome da la'amaqchec da 'are'enaxat, qataq da yaqto' qoỹeeta': Ñim Nataxala' maye Qaica ca Ỹaqalanapec, nacheñi Ñim Natamnaxala' na Israel le'ecpi! ¡Qaq da lo'onataxanaxac da nta'a ne'ena 'aramaxashec David qataq na llalaqpi, nache 'eetai' qome 'anqa'en!

2 Samuel 7:16

Na 'aỹa'alaqpi, qataq da 'aro'onataxanaxac da 'am nta'a, damaye nache 'eetai' qome. Qataq aca 'anso'onaxaqui da 'am nta'a, qaica ca iraxanapigui'.›»

Proverbios 15:25

Ñim Nataxala' ilaxachigui ca lma' na ño'oxonnaxaicpi, qalaxaye no'oitai' naqa'en na lalamaxatpi aca pa'ai.

Proverbios 14:11

Ca lma' na qauemaicpi qalaq taỹa'a da nlachiguiñi, qaq ca lma' na no'on da lataxac qalaq nquictasheguem.

Proverbios 14:1

Aca 'alo ỹaanaxanaxai no'oxoosheguem ca lma', qaq aca qaica ca ỹaỹaanapec qalaq nlaxaañi.

Salmos 37:10

Cha'aye mashe sa qaỹaloq da imeuo ne'ena qauemaicpi, qaq na'aictoxo' da 'anmittaique qome qalaxaye saishet da qaltaq 'auanata.

Da na'aqtaguec so Job 34:25

Ñim Lo'onatac 'Enauacna ỹaỹaten 'enauac na ỹo'ottac namayepi, ỹoqo'oye da ivita ye pe, nache nlaxaañi, nache huetaiya' naqa'en.

Proverbios 12:8

Ca ỹale qaỹo'oxoren souaxat da huo'o na laỹaanec, qaq ca qauema naua lhuennataxaco qalaq nda'a't da no'otanaguec.