Proverbios 12:6 - La'aqtaqa Ñim Lo'onatac 'Enauacna 2013

⁶ Naua la'aqtaqa ca qauemaic 'eeta'ama aca nqoina maye dalaataxan, qaq naua la'aqtaqa ca no'on da lataxac qalaq deca'alaqtaxa'n.

Proverbios 12:6 Referans Kwoze

Proverbios 14:3

Naua la'aqtaqa ca qaica ca ỹaỹaanapec qalaq chegaqaiguilo da na'amqaanaxac, qaq naua la'aqtaqa ca ỹaanaxanaxaic qalaq npaxattaleguete camaye.

Jeremías 5:26

Cha'aye ne'ena ỹalamaxat nhuo' le'ecpi, huo'o na ỹalleppi qauemaicpi, maye 'eeta'am ca nqoviitac na qoỹopi da ỹauo'o ana lqoinapi da yaqto' loxonec na shiỹaxauapi.

Isaías 59:7

naua lapia'ate qalaq taigueta da nqalgoqtague' na qauem, qataq nqalgoqtague' da icoldec naua ltago'q cam qaica ca ỹasouaxat. Naua lhuennataxaco qalaq nda'a't da tatapigui lauel da lalaataxanaxac, naua lqauaxaqui' da jec qalaq nda'a't da no'onaxatañi nam ilaxachiguipi qataq nam nlaxaañi.

Hechos 23:15

Qaq nagui qami' qataq nam laỹepi nta'alpi maye loicnatac na lataxaguesat, qauỹaxañiỹot qome ñi huataxanaq lta'a, da yaqto' qonte' nte'eta, nache navigui' ca Pablo, choche qoñiỹapec qome da huotaique da ỹoqta qaumiiñita da lasouaxashet somaye. Qaq qomi' qome nache ñaỹamaxataqtai' da yaqto' salauataq camaye, qom huo'otaq saxanaxa da nvireuo.

Hechos 25:3

Nache qanachoxoreetacot somaye da ishet da nqouaguec da damaxasoxona so Pablo da qanauega ye Jerusalén. Qaq da lhuennataxac somayepi, nshetaique da damaxasoxoolec somaye da qaỹachangui na nqa'aic da qaỹalauat.

Hechos 23:12

Qaq so lỹa na'a'q, nache huo'o nam judiopi na detaxaỹapigui da huotaique da ỹalauat so Pablo, nache somayepi ỹan da la'aqtac da 'enapec saishet da deque'e, huo'otaq nỹom, da huo'otaq saxanaxa da ỹalauat somaye.

Proverbios 12:5

Na shiỹaxauapi no'on da lataxac lhuennataxat da ỹo'ot ca nalochiguiñi lataxac. Qaq na qauemaicpi qalaq lhuennataxat da natenataxanaxac.