Proverbios 12:5 - La'aqtaqa Ñim Lo'onatac 'Enauacna 2013

⁵ Na shiỹaxauapi no'on da lataxac lhuennataxat da ỹo'ot ca nalochiguiñi lataxac. Qaq na qauemaicpi qalaq lhuennataxat da natenataxanaxac.

Proverbios 12:5 Referans Kwoze

Isaías 55:7

Cam qauemaic qalaq ñaq ỹaxanec qome da ỹo'ottac na qauem, qataq cam 'etaxaloxoic ñaq ỹaxaarec qome naua qauema lhuennataxaco, ñaq qavi'iguelaqaỹot Ñim Nataxala', yaqto' ñimaye qami' ichoxore'n, ñaq qavi'iguelaqaỹot Ñim Qanatamnaxala', maye choxonnataxanaxaic yaqto' qami' ichoxore'n.

Salmos 139:23

'Am Nataxala', aỹem 'auchemaxata qome yaqto' 'auaỹaten da iquiyaqteỹaxac, aỹem 'avi'iguen qome yaqto' 'auaỹaten na iuennataxacpi,

Jeremías 4:14

'Am Jerusalén, ñaq 'auỹoueeguesop na qauem añi 'arquiyaqte, yaqto' 'anca'alec. ¿Chaq laguio', qaq 'axanec na qauem nhuennataxacpi maye huetaigui na 'arqaic?

2 Corintios 4:2

Saishet da huo'o ca qomi' ỹa'aloqche't, qataq saishet da huo'o ca soxotaqtañi. Saishet da satenachetaqtac na shiỹaxauapi qataq saishet da ñaralaxataq da la'aqtaxanaxac Ñim Lo'onatac 'Enauacna. Nachaqrata da Ñim Lo'onatac 'Enauacna qomi' ỹaỹateete' da qara'aqtaxanaxac da ỹataqta 'eesa. Ỹoqo'oye 'enauac na shiỹaxauapi ishet da pi'iỹa'alo qomi'.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Mateo 26:4

'Enauac somayepi naỹaana't da yaqto' huo'o ca qaỹe'eguenec So Jesús da chegoqchigui qanqa'en da qaỹauo'o ca lasouaxashet, nache qaỹaconeua'a qataq qaỹalauat.

Mateo 2:16

Qaq so Herodes co'ollaq ỹaỹaten da soua ỹaanaxanaxaiqa ỹatenache't, nache somaye ỹataqta dalemata. Nache damaxasoxoolec da qanmatchiguiñi da qaỹalauat so ñaqpiolec, nam cheta'ague da ñiguiñi qataq na mashe ivi' naua dos vi'iye da llaxa 'enauac som netaña ye nỹecpi le'enaxat Belén qataq naua loiguiye, ipagaqchiichiguilo soua vi'iye maye ỹecchiyiña soua ỹaanaxanaxaiqa co'ollaq ilora'a aso huaqaañi.

Proverbios 24:9

Na lhuennataxacpi ca qaica ca ỹaỹaanapec qalaq ndotec na nasouaxashetpi, qataq ca sairen ca lỹa qalaq qaica ca isheteguet camaye.

Proverbios 11:23

Naua 'eetapegueco na no'on da lataxac naamaye ivira'a da ỹaỹamaqchiyiñi, qaq da naquitaxac na qauemaicpi qalaq taỹa'a da qauem.

Salmos 119:15

Qataq nache ñapaxagueetegalo qome naua 'aramaxasoxonaxaco, qataq ỹataqta selotegue da 'anqa'aicỹaxac.

Proverbios 12:4

Aca 'alo no'on da lataxac acamaye ỹo'ot da llo'oxoyec ca lhua, qaq aca qauem da lataxac qalaq ivitta'a da nlachiguiñi naqa'en ca lhua.

Proverbios 12:6

Naua la'aqtaqa ca qauemaic 'eeta'ama aca nqoina maye dalaataxan, qaq naua la'aqtaqa ca no'on da lataxac qalaq deca'alaqtaxa'n.

Proverbios 14:8

Da laỹaanec ca ỹaanaxanaxaic ỹo'ot da ỹaỹateetegue da lataxac camaye, qaq ca qaica ca ỹaỹaanapec qalaq maiche ỹatenachet da no'oopashaxac.

Jeremías 9:3

Namayepi ỹataqta lhuotta naxa da ỹa'axat da natenataxanaxac, 'eeta'am da ỹauota'a ca lchecnec da ỹaỹenec aca lchecna. Ne'ena 'alhua huetalec da natenataxanaxac, qaq qaica dam 'eesa lataxac, namayepi ỹataqta nquigaxattauec da qauem, qaq Ñim Nataxala', 'enapec: «Namayepi saishet da Aỹem ỹauatton.»

Jeremías 9:5

Ñi 'oonolec qalaq ỹe'enai' ñi maiche lỹa, nache qaica ca ỹa'axattac ca 'eesa. Mashe nlaqchigui da latenataxanaxac cha'aye qauemaicpi qataq saishet da