Proverbios 12:4 - La'aqtaqa Ñim Lo'onatac 'Enauacna 2013

⁴ Aca 'alo no'on da lataxac acamaye ỹo'ot da llo'oxoyec ca lhua, qaq aca qauem da lataxac qalaq ivitta'a da nlachiguiñi naqa'en ca lhua.

Proverbios 12:4 Referans Kwoze

Proverbios 14:30

Da ỹe'emaqtac da nquiyaqteỹaxac, nache no'oita naqa'en da no'ocỹaxac, qaq da nquiỹaxanaqtaic qalaq ivira'a da iche'c naua npi'ineqa.

Proverbios 14:1

Aca 'alo ỹaanaxanaxai no'oxoosheguem ca lma', qaq aca qaica ca ỹaỹaanapec qalaq nlaxaañi.

1 Corintios 11:11

Qalaxaye nagui da sa'amaqtenaq So Cristo, nache qaica ca ỹale da sa iuen aca 'alo, qataq qaca aca 'alo da sa iuen ca ỹale.

1 Corintios 11:7

Ca ỹale saishet da iuen da ỹapotalec na lqaic, cha'aye co'ollaq qaỹo'ot, nache huac da 'eeta'am da lataxac Ñim Lo'onatac 'Enauacna qataq ỹaatañi da la'amaqchec Ñimaye. Qalaxaye aca 'alo ỹaatañi da llo'oxoyec ca ỹale.

Proverbios 21:19

Qataq na'aictoxo' da qanayeetalec ca toolec 'alhua qalaxaye saq 'ena'am da qanayeeta'aguet aca 'alo yeloxoi qataq petaxai.

Proverbios 21:9

Na'aictoxo' da qanayeeta'a aca lallemaqhuo na pa'asheguem ca nỹec, qalaxaye saq 'ena'am da qanayeetaigui ca lta'araic nỹec da nhuoreua aca 'alo maye petaxai.

Habacuc 3:16

Qaq co'ollaq sa'axaỹa 'enauac de'era nache ỹataqta she'e, qataq ỹataqta iviloxo'l naua ỹa'aqtaqa, qataq ỹataqta sa da'añiiguelo naua ichel, qataq 'enauac da ỹo'ocỹaxac deqat da la'añaxac. Qalaq nache 'ena'am aỹem she'emaqtac qome da seuata'aguet ca na'a'q, da Ñim Nataxala' ỹo'otec ca lachetataic, nam qomi' ique'eteeta'ape.

Rut 3:11

Qaq nagui 'am ỹalole, saishet qome da 'añe'etac, cha'aye 'enauac nam netaña ne'ena mashe ỹaỹaten da 'am naloqnaxanaqte. Qaq ỹoqo'oye aỹem so'ot qome 'enauac cam 'auỹaxanaique.

Proverbios 12:5

Na shiỹaxauapi no'on da lataxac lhuennataxat da ỹo'ot ca nalochiguiñi lataxac. Qaq na qauemaicpi qalaq lhuennataxat da natenataxanaxac.

Proverbios 18:22

Ca ỹanata aca lhua qalaq ỹanata da lamaicỹaxac, qataq ỹaconeguet da lqouagaxanaqtaic Ñim Lo'onatac 'Enauacna.

Proverbios 11:22

Aca 'alo 'onaxai qalaxaye qaica ca ỹaỹaanapec, nache acamaye 'eeta'am aca chiguishaqte oro da netagui na lmic aca cos.

Proverbios 30:23

qataq aca 'alo no'otana qalaq ỹanata ca lhua, qataq aca nlata maye ipa'axanauec aca na'acoro.

Proverbios 31:29

«Qalota ana no'on 'alo, qalaxaye 'am, 'anapacalec 'enauac anamayepi.»