Proverbios 12:21 - La'aqtaqa Ñim Lo'onatac 'Enauacna 2013

²¹ Ca ỹale no'on da lataxac qalaq saishet da nque'eteetapigui na qauemsat, qaq ca qauemaic qalaq talec 'enauac na sa ỹaỹamaxañesat.

Proverbios 12:21 Referans Kwoze

1 Pedro 3:13

Qaq ỹoqo'oye ¿negue'tom ca ishet da qami' ỹo'oteque ca sa ỹaỹamaxañi, da huo'otaq nache 'eetai' da qauo'ocheetac ca ỹaỹamaqchiguiñi? ¡Qomye qaica!

Salmos 91:10

Nache saishet qome da 'am talec ca sa ỹaỹamaxañi, qataq ca nalolaxa saishet da nviraua'a ca 'arma',

Romanos 8:28

Saỹatenaqta da Ñim Lo'onatac 'Enauacna iqataxaatai' 'enauac na ỹaỹamaqchiguiñi lataxaguesat da talec naqa'en nam lauotaxatpi, nam maiche lca'aguishecpi da yaqto' ipacchigui da maiche 'eetapeguec.

Proverbios 1:31

Qalaxaye maiche qanque'etaxañiigui qome ca naigui da qauem qano'onataxaqui. Qataq qami' nlaqchiguilo qome ca qauem qarhuennataqai.

Apocalipsis 18:6

Qauo'ochec ayemaye 'enauac nam qauem maye ỹo'otec co'ollaxa nataqa'en na laỹepi shiỹaxauapi; ỹataqta ỹactec qanqa'eñi cam lsheetenaxanaxat ayemaye, da isheeten 'enauac na qauem maye ỹo'ot. Qauo'ochec ayemaye da dos da ỹe'eguelaxalec da talec dam lta'araic nqui'ic maye talec co'ollaxa na laỹepi shiỹaxauapi souaxat ayemaye.

Habacuc 2:16

Qaq damaye saishet qome da ỹo'ot ca 'ayo'oxoyec, nacherata da 'am talec naqa'en da 'ara'agaxa, cha'aye Ñim Nataxala', 'am ỹanem qome da 'anỹomgui aca ỹomaxaqui, maye ỹo'ot da 'aula'a dam sa nateneuo 'arataxac, huaña nache da 'ayo'oxoyec nmeneguet da qaica ca 'ara'amaqchec.

Proverbios 14:14

Ca qaica ca ỹaỹaanapec qalaq ỹaỹamaxareeta da maiche lataxac, qaq ca no'on da lataxac qalaq machiguiñi naqa'en nam ỹo'otpi.

2 Corintios 4:17

Cha'aye naua qanque'eenaxaco nagui de'era qanachaalataxac, naamaye saq 'amaqtache qataq saqaỹaloq da inoxoore'c. Qaq qana'achec da nachenaua naua chegoqchiguilo naqa'en Ñim Lo'onatac 'Enauacna da ỹataqta qomi' nlaxatchiguilo da lta'araic ño'oxoyec maye qaica ca loga't.

Salmos 121:7

Ñim Nataxala', 'am ntelaqna'aguet qome 'enauac na qauemsat, Ñimaye npaxattalec qome da 'anachaalataxac.

Proverbios 1:33

Qalaxaye ca aỹem na'axaỹaxana, qalaq huo'o qome da l-lagaxayec, qataq saishet da ñe'etaique ca qauem.»

Proverbios 12:20

Na lhuennataxacpi ca qauemaic qalaq nda'a't da natenataxanaxac, qalaxaye huo'o da ntonaxac na ỹo'ottac da nlagaxayec.

Proverbios 19:23

Da huo'o naq 'enec qanqa'en Ñim Nataxala' ỹo'ot da nca'alaxa, qataq ỹo'ot da qaica ca machaqca naqa'en ñi 'oonolec qataq saishet da nque'etaxangui ca qauem.

Eclesiastés 8:5

Qaq cam ỹalaxaguet ca namaxasoxonaxac, nache sa ivireguet ca qauem, qaq ca ỹaanaxanaxaic qalaq ỹaỹaten ca laloqo' qataq ca 'eetec da ipacchigui damaye.

Proverbios 11:21

Qaq ỹoqta 'eesa da ca qauemaic saishet da sa qaỹauo'o ca nhuaxanaguec, qaq na no'on da lataxac qalaq nca'alec.

Eclesiastés 7:18

Qaq no'on qome da 'auaconeguet de'era, na 'arhuaq saishet qome da ỹaxanec damaye. Cha'aye cam huo'o naq 'enec naqa'en Ñim Lo'onatac 'Enauacna, nache no'on da llecỹaxac da inoxonaqchetec 'enauac de'era.