Proverbios 12:2 - La'aqtaqa Ñim Lo'onatac 'Enauacna 2013

² Ñim Nataxala' ỹaỹamaxareeta ca ỹale soxoraic, qaq ca 'etaxaloxoic qalaq Ñimaye ỹauo'o ca nhuaxanaguec.

Proverbios 12:2 Referans Kwoze

Proverbios 8:35

Cha'aye ca aỹem ỹanata qalaq ỹanata da lca'alaxa, qataq ỹaconeguet da lchoxonnataxanaxa Ñim Nataxala',

Hechos 11:24

Cha'aye so Bernabé ỹataqta no'on da lataxac, qataq somaye nlaqchigui So Saqcha'a Na'añaxac Qui'itta qataq da lpi'iỹaxac. Qaq ỹoqo'oye ỹataqta qalota so dalaxaic shiỹaxauapi da quegue So Qarataxala'.

Salmos 112:5

Ca shiỹaxaua soxoraic ỹataqta ichoxoren da huo'o ca ỹa'aalaxanaxan, qataq nalochiguiñi naqa'en da lataxac da imen ca lmenec.

Romanos 5:7

Ỹataqta 'eesa da huo'o da lqalaic ca shiỹaxaua da nañaalec da ileualec ca 'eeta'am lỹa, na'aictaxa da no'on da lataxac huo'otaq da huo'o naq 'enec. Qalaxaye saiuena'a da huo'o ca ishet da ỹan da nachaalataxac da nañaalec ca no'on shiỹaxaua maye ỹo'otec ca ỹaỹamaqchiguiñi camaye.

Proverbios 1:31

Qalaxaye maiche qanque'etaxañiigui qome ca naigui da qauem qano'onataxaqui. Qataq qami' nlaqchiguilo qome ca qauem qarhuennataqai.

Eclesiastés 8:8

Qaica ca shiỹaxaua hueto'ot da na'añaxac da nalalec da achaalataxac da yaqto' ishet da nllañi, qataq qaica nataqa'en ca hueto'ot da na'añaxac da ishet da ilo'ogue da nleuaxa. Qaq ỹoqo'oye qaica ca ỹet de'era loquiaxac, qaq cam yeloxoic saishet da nca'alaxatec da layeloxo.

Proverbios 6:18

qataq nhuennataxac maye lapaxañi da ỹo'ot na ñe'etaxaloxosat, qataq napia'ate maye nqalgoqta'a da ỹo'ot ca qauem,

Salmos 9:15

Na ỹotta'a't shiỹaxauapi qalaq tangui aca maiche lshere, naua lchel qalaq lpachiguilo ca laleguec maye ỹoxottañi namayepi.

2 Samuel 15:3

nache so Absalón, 'eeta': «Ỹataqta ỹaỹamaqchiguiñi de'era qonetapeguec, qalaxaye qaica ca 'am ilo'oguet nam laỹepi so nta'a.»

Proverbios 3:4

Yaqto' 'am huetalec da lqouagaxanaqtaic Ñim Lo'onatac 'Enauacna, qataq no'on da 'ana'aqtaguec da 'aualectaigui nam shiỹaxauapi.

Proverbios 12:1

Ca ỹauotec da napaxaguenataxanaxac camaye ỹauotec da naỹaanec, qaq ca saiuooneguet da qaiviraxato'ot camaye qaica ca ỹaỹaanapec.

Proverbios 14:22

Ca nmitta'ai da ỹo'ot na qauem qalaq deqat da llecỹaxac, qaq na nmitta'ai da ỹo'ot ca ỹaỹamaqchiguiñi qalaq 'eesa qanqa'en qataq nauotaxat.

Proverbios 14:17

Ca saq ỹoxonguit da lalemataic qalaq saishet da deuennataxaalec ca ỹo'ot, qaq ca deuennataxaalec ca ỹo'ot qalaq ỹaỹaten da nhualaxauen.