Proverbios 12:16 - La'aqtaqa Ñim Lo'onatac 'Enauacna 2013

¹⁶ Ca qaica ca ỹaỹaanapec qalaq saqaỹaloq da ỹachaxan da lalemataic, qaq ca huo'o na ỹaỹaten qalaq saishet da qochetega ca mpa'aguenataguec.

Proverbios 12:16 Referans Kwoze

Proverbios 29:11

Ca qaica ca ỹaỹaanapec saỹaỹaten da nllañi da nnogoxonaxac, qaq ca ỹaanaxanaxaic qalaq ỹaỹaten da nllañi da nnogoxonaxac.

Santiago 1:19

Qami' ñauochaxau' ỹaqaỹa't, ỹataqta qana'axaỹaxañiichigui de'era maye qami' sa'aqtaxanema: 'enauac da qoñiita iuen da qami' lhuotte' da qana'axaỹañiỹa ca qarỹai, qalaxaye saishet da saq qami' lhuanguita qataq saishet da ỹaguec da qartaxaỹaxaqui.

Proverbios 10:12

Da nquiỹaxanaqtaic ỹo'oteua'a da loquiaxac, da nsoxoyec qalaq ỹapalaxat 'enauac na nasouaxashetpi.

Proverbios 17:9

Ca saishet da iqocha'a da qainogoqchettac camaye ỹo'ot da qaỹauotec, qaq ca ipactega de'era nogoqtaxanaxac camaye ỹo'ot da qaỹoqta ca nauochaxaua.

Proverbios 25:28

Ca saỹaỹaten da nllañi da lhuennataxac, qalaq 'eeta'am ca nỹecpi maye nlaguiñi qataq qaica ca lpaqtaxat.

Proverbios 16:22

Da nauattonaxanaxac chegaqaigui da lca'alaxa ca hueto'ot damaye, qaq da nhuaxanaguec ca qaica ca ỹaỹaanapec qalaq chegaqaigui da maiche no'oopashaxac.

Proverbios 14:33

Añi lquiyaqte ca ỹaanaxanaxaic nache huetanguit da naỹaanec, qalaxaye na qaica ca ỹaỹaanapec saishet da ỹauatton damaye.

Da na'aqtaguec so Job 5:2

Cha'aye da nalemataic taỹa'a da nleuaxa, qataq da nquiỹaxanaqtaic ỹalauat ca qaica ca ỹaỹaana'a.

Proverbios 12:17

Ca ỹoqta 'eesa ca ỹa'axat qalaq ỹa'axat ca ỹoqta 'eesa lataxac, qaq ca saq'en qalaq ỹa'axat ca saishet da 'eesa.

Proverbios 27:3

Na coma'pi qataq na lsoche namaye ỹataqta qapa'atta, qalaxaye ỹactec da qapa'atta da lalemataic ca qaica ca ỹaỹaanapec.