Proverbios 12:13 - La'aqtaqa Ñim Lo'onatac 'Enauacna 2013

¹³ Ca qauemaic qalaq lpachigui da maiche latenataxanaxac, qaq ca ỹale no'on da lataxac qalaq qaica ca nqalanaxac da huo'o ca huaigui.

Proverbios 12:13 Referans Kwoze

Proverbios 21:23

Ca ỹaỹaten da ilotague' ca 'enapec, qalaq saishet da ivireguet ca nque'eenaxac.

Proverbios 11:8

Ca no'on da lataxac nca'aleeguesop da nque'eenaxac, qaq da nque'eenaxac camaye pa'aiguet da talec ca qauem da lataxac.

Salmos 64:8

Namayepi huañi qome souaxat naua maiche la'aqtaqa, qaq ca ỹauaachigui qome nache ỹe'eetac namayepi.

Daniel 6:24

Qaq huaña, nache so nta'a damaxasoxoneuga da qanauegueuo so shiỹaxauapi maye ỹauo'o so lasouaxashet so Daniel, nache somayepi l-llañe' qanqa'en aso lhuapi, qataq so llalaqpi da qaỹasaxangui aso laỹe' so llonpi, qaq somayepi naxa da saxanaxa da iviyiña na pa'aguiñi aso nshere, nache so llonpi parenaxaneguet nache icolaxattac.

Proverbios 6:2

nache maiche 'am da 'anañan da 'angui aca nqoina, qataq maiche 'am loxonec naua maiche 'ara'aqtaqa.

2 Pedro 2:9

Qaq de'era qomi' ỹachaxanalo Ñim Lo'onatac 'Enauacna, da Ñimaye ỹaỹaten da ỹaỹamaxaañi nam lqalaiguesat qataq nam ishet da nqanaxat nam ỹalaxaguet Ñimaye, qataq nataqa'en ỹaỹaten da ỹauo'o ca nhuaxanaguec nam ỹo'ottac na qauem. Qaq damaye ỹo'ot que'eca na'a'q qom nmit 'enauacna.

Eclesiastés 7:18

Qaq no'on qome da 'auaconeguet de'era, na 'arhuaq saishet qome da ỹaxanec damaye. Cha'aye cam huo'o naq 'enec naqa'en Ñim Lo'onatac 'Enauacna, nache no'on da llecỹaxac da inoxonaqchetec 'enauac de'era.

Mateo 27:25

Nache so shiỹaxauapi nmasheguem da ỹasat, 'eeta': –¡Qomi' qataq na qoyalaqpi ñachoxola't qome da qarasouaxashet da l-leuaxa de'era ỹale!

Proverbios 15:2

Naua la'aqtaqa ca ỹaanaxanaxaic qalaq chegaqaiguilo da naỹaanec, qaq naua la'aqtaqa ca qaica ca ỹaỹaanapec qalaq chegaqaiguilo da 'oopashec.

Salmos 34:19

Ca shiỹaxaua no'on da lataxac qalota na ivireguet qauempi, qalaxaye Ñim Nataxala' isoueeguesop 'enauac namayepi.

Salmos 5:6

qataq sa 'ausheteguet na que'elaqtaxanaxaicpi, qataq na laataxanaxaicpi, 'am 'anlaxaañi qome na shepecaicpi.

1 Reyes 2:23

Huaña, nache so nta'a Salomón ỹanot da la'aqtac Ñim Nataxala', 'eeta': «¡Ñim Lo'onatac 'Enauacna, ỹataqta sa ỹala'ac qome da ỹauo'o ca ñeuaxanaguec, qom saishet da ileu ñaqa'en so Adonías, souaxat de'era lquiquiaxac

2 Samuel 4:9

Nache so David 'enapeco': «Nagui, hua'aqchigui da ỹa'aqtac Ñim Nataxala' maye ỹataqta aỹem nqateeguesop 'enauac na qauemsat.

Génesis 48:16

so namaxashec maye aỹem nca'alaxateeguesop nam qauemsat, ỹanema qome ca lchoxonnataxanaxa ne'enaua nogotolqa. Da yaqto' chegoqchiguilo naamaye da saishet da qaicoua'ai da ỹe'enaxat, qataq da le'enaxat soua ita'al Abraham qataq so Isaac. Qataq ỹataqta qalota qome ca llalaqpi naamaye ana'ana 'alhua.»

Salmos 59:12

Qaq ỹasouaxa't na maiche 'ena'ape namayepi, qataq naua nanoldec la'aqtaqa nache que'emaxama, souaxat da na'amqaanaxac, qataq souaxat da lsheunaxanaxac qataq latenataxanaxac.

Proverbios 18:21

Da nca'alaxa qataq da nleuaxa qalaq chegaqaiguilo ca 'enapec ñi nachaxat, qaq ca qalota da ltaxaỹaxac nache maiche nque'etaxaachigui ca naigui naua la'aqtaqa.

Salmos 34:20

Qataq Ñimaye mpaxattalec 'enauac na lpi'inecpi camaye, nache qaica da huo'otaq 'oonolec ca qainoxon na lpi'inecpi camaye.

Salmos 59:13

Qataq 'aurolec da 'aralemataic, da imeuo 'anqa'en namayepi, ỹataqta nmichiguiñi 'anqa'en, yaqto' qaỹaỹateeta da Ñim Lo'onatac 'Enauacna nacheñi ñi Nta'a qataq ilotague' na chegoxoguet so Jacob, qataq ivira'a na netaleguete naua loga'te na 'alhua.

Proverbios 10:8

Ca ỹaanaxanaxaic ỹaconeguet ca namaxasoxonaxac, qaq ca qauema naua la'aqtaqa qalaq taỹa'a da nlachiguiñi.