Proverbios 12:12 - La'aqtaqa Ñim Lo'onatac 'Enauacna 2013

¹² Na qauem qoỹeetapeguec nachena na loxonaxanaxat na qauemaicpi, qaq na no'on da lataxac qalaq ñaxatec, nache huo'o da alaỹaxac.

Proverbios 12:12 Referans Kwoze

Juan 15:5

Qaq Aỹem maye sheeta'am aca 'eesa nañiguishe, qaq qami' nacheqami' icoue. Qaq cam nache 'eetai' da Aỹem na'attaua'a qataq ña'atta'ai', nache camaye ỹataqta qalota da alaỹaxac, cha'aye saishet da huo'o ca 'eneque qami' da huo'otaq saishet da Aỹem qana'ayeetaua'a.

Isaías 37:31

Qaq nam no'onañipi na Judá qalaq 'eeta'am qome aca nañiguishe, da ỹa'alyiñi naua lpa'aye qataq ñaxatec ana ala,

Isaías 27:6

Qaq ñaq natrauo caua na'axa'te da so Jacob ỹa'alyiñi qome caua lpa'aye, qaq na Israel le'ecpi qalaq ñaxatec qome qataq huo'o aca lauoxo nache nlaqtelec qome ana 'alhua aca alapi.

Salmos 10:9

Qataq 'eeta'am ca quiyoc da huetaigui ca lauac, nauaatac na choxoraqpi hueta'a ca nqañoxotaqa', iuatta'a ca laloqo' da nqapaxanot qaq da loxonec, nache ỹauogonnaua'a ca lquia'aqa'.

Salmos 1:3

Qaq camaye 'eeta'am aca qo'oipaq maye ñaxattalec na loigue ca tala, da ipacchiguilo naua laloqo'ote da huo'o ana ala, qataq saishet da deqaqa ana laue. ¡Nache 'enauac na ỹo'otpi camaye ỹataqta ỹaỹamaqchiguiñi!

Romanos 6:22

Qalaxaye nagui mashe saishet da qami' l-lataqa da ñe'etaxaloxo. Nagui mashe qauo'onataxañiitacot Ñim Lo'onatac 'Enauacna. Qaq damaye ỹataqta 'onaxaic, cha'aye da 'oonolec Ñim Lo'onatac 'Enauacna da qauo'onataxañiitacot, nache ỹataqta 'itchiguiñi da qauacoñiiguet ca achaalataxac maye chochaq tatec.

Juan 15:16

Qami' saishet co'ollaxa da Aỹem qarca'aguishiqui, Aỹem maye qami' ica'agui'she. Nache qami' shenapegalo da yaqto' ỹataqta qalota da alaỹaxac da qanachaalataxaqui, qaq de'era alaỹaxac da qanachaalataxaqui, damaye nache 'eetai'. Yaqto' Ñim Ita'a qami' ỹanema 'enauac nam qauỹaxañiỹaique da qoviilec da ỹe'enaxat.

Proverbios 10:15

Da lsallaxa ca sallaxanec nachera da npaxattalec, qaq ca choxoraq qalaq nlaxaañi da lachoxoyec.

Salmos 9:15

Na ỹotta'a't shiỹaxauapi qalaq tangui aca maiche lshere, naua lchel qalaq lpachiguilo ca laleguec maye ỹoxottañi namayepi.

Miqueas 7:2

Cha'aye mashe qaica ca choxonnataxanaxaic ana 'alhua, qataq mashe qaica ca no'onañi shiỹaxaua maye no'on da lataxac, nda'a't nam quetegueua'a da huo'o ca loxonec da ỹalauat, qataq ñi 'oonolec ỹoiqueetac da nqovin ca lỹa.

Proverbios 11:30

Da ỹaỹamaqchiguiñi lataxac chegaqaigui da achaalataxac, qaq da loquiaxac qalaq ilaxachigui da achaalataxac.

Proverbios 21:10

Ca qauemaic qalaq nacherata da iuennatega da ỹo'ot ca qauem, saishet da ichoxoreetac ca lỹa maye 'eeta'am.