Proverbios 12:11 - La'aqtaqa Ñim Lo'onatac 'Enauacna 2013

¹¹ Ca do'onataxaatapeguelec ca na'alhua qalaq sa qoue na aloq, qaq ca imelec da lqueuoxoc qalaq huetague' na qaica ca naigui.

Proverbios 12:11 Referans Kwoze

Proverbios 28:19

Ca do'onataxaatapeguelec ca na'alhua, camaye ivira'a da chochaq huañi na aloq, qaq ca quetague' ca sa do'onataxan qalaq nda'a't da chochaq huañi da lachoxoyec.

Proverbios 14:23

'Enauac na qana'añaxaalec no'onatacpi huo'o ca naigui, qaq na qalota na'aqtacpi qalaq ỹo'ot da nachoxoyec.

Salmos 128:2

Qom chectac ca aloq maye chegaqaigui da lo'onataxanaxac, qalaq ỹataqta machiguiñi qataq no'on da llecỹaxac.

Efesios 4:28

Qaq cam decachetapec co'ollaxa, qalaq no'on da ỹaxaañi nagui da lcachaxac. Chaqrato' da do'onataxan, ỹo'ottac ca maiche lalamaxat lo'onatac, yaqto' ishet da itauan cam huo'o da lhuenaxanaxa.

2 Ts 3:8

qataq saishet da choche sacheguenaqtac ca aloq ñi 'oonolec da qoñiita da huo'otaq sa sesheetenaq. Nachaqrata da so'onataxanaqtac, ñasamaqtañi naua na'axa'te qataq naua pesa'ache, cha'aye sauoqtaique da saishet da huo'o ca ime'eguet da huetapegueto qomi'.

Proverbios 9:6

Qaỹa'axañiiuec qome da qane'enaxaqui yaqto' qarca'alleeuec, qataq qoquiigue da llec da naỹaanataxanaxac.

Proverbios 14:4

Da qaica ca nauegaxanaxala'pi huaca, nache qui'itchigui ca laỹe' na ala na trigo, cha'aye da la'añaxac ca nauegaxanaxala'pi nquiguec naqa'en na ala na nañiguishec.

Proverbios 7:7

nache selota'a so nsoxoppi maye qaica ca ỹaỹaana'a, qaq somayepi huo'o so 'oonolec ỹataqta qaica ca ỹaỹaana'a.

Proverbios 13:20

Ca sa iỹotec na ỹaanaxanaxaicpi qalaq nataqa'en ỹaanaxanaxaic, qaq ca sa iỹotec na qaica ca ỹaỹaanapec qalaq taỹa'a da deqat.

Génesis 3:19

Qataq ỹataqta 'anchelchaqchiguiñi qome da 'auo'onataxaatac, da yaqto' 'auachiguiñi ca qollec, choche ivitta'a da 'avi'eguelaxaigui ana 'alhua, maye 'auachegaqaigui co'ollaq 'am qaỹo'ot, cha'aye 'am 'alhua lsoche, qaq nam 'alhua lsoche 'apactoigui qome.»

Proverbios 6:32

Qalaxaye ca lauatapiguiñi' aca ỹaqa'a 'alo camaye ỹataqta qaica ca laỹaanataxanaxac. ¡Qaq cam ỹo'ottac de'era, camaye nlaxattapiguiñi da maiche nachaalataxac.

Proverbios 9:16

«¡Ña qauanaỹeecna'a qami' nsoxoppi maye qaica ca qauaỹaañi!» Qataq ỹanem da la'aqtac na qaica ca ỹaỹaana'a, 'eeta':

Proverbios 9:13

Da qaica ca qaỹaỹaana'a qalaq 'eeta'am aca 'alo na'aqtaqa lo'o', 'oopai qataq qaica ca ỹaỹaanapec.

Salmos 26:4

Ỹataqta sa ỹauanago' da salectaigui na shepecaicpi, qataq saishet da sootaigui na na'amqaanaxaicpi.

Jueces 9:4

Nache qoỹanem aso setenta anom plata maye qaỹachegoxotaigui aso atamnaxaqui maye netaigui so ne'enaqtac lqui'i so Baal Berit. Qaq nachaso aso desheetenaxana da isheeten som ỹalleppi 'etaxaloxoicpi da yaqto' ca'ategue somaye.

Jonás 2:8

Qaq nam quetague' na saq 'en atamnaxala'pi, qalaq ỹaxaañi da 'am ỹa'amaqteetac.

Proverbios 27:27

nache ana'ana 'arelo quetaq ỹataqta qalota na lche' da yaqto' 'auque'etac 'am qataq na 'aỹa'alaqpi qataq 'enauac na 'aro'onataxanaxanecpi.

Proverbios 13:23

Ca no'onaxa ca choxoraq qalaq saqoue na qanallec, qalaxaye qalota na daqat namaye souaxat da qaica ca nalochiguiñi da lataxac.

Proverbios 20:13

Saishet qome da 'anañaneguet na 'aro'ochaxa yaqto' saishet da 'am choxoraq, qataq ỹataqta 'anlotec yaqto' na 'oq saishet da imeuo.