Proverbios 12:10 - La'aqtaqa Ñim Lo'onatac 'Enauacna 2013

¹⁰ Ca no'on da lataxac ỹaỹaten da ntela'a na na'atetpi, qaq ca qauemaic qalaq sa ỹaỹaten da dechoxonnataxan.

Proverbios 12:10 Referans Kwoze

Deuteronómio 25:4

Saishet qome da 'auo'ot ca lmiiguishec ca nauegaxanaxala' huaca, da 'auchegoqtac aca ala ca 'añiguishec.

1 Juan 3:17

Da huo'o ca sallaxanec da ilota'a ca 'oonolec nam la'amqaanataxanaxauapi da huo'o da lhuenaxanaxa, qalaxaye saishet da itauan, nache que'eca sallaxanec saishet da dauotaxanaqta da 'eeta'am Ñim Lo'onatac 'Enauacna da lauotaxanaqtaic.

Juan 4:11

Nache aso 'alo 'enapeco': –'Am Nataxala', qaica ca 'arasaxasoxonaxat da 'anqatsheguem ca 'etaxat, qataq anam ñi'illoxoqui ye ỹataqta qaỹoqtegue. Qaq ¿chaq hua'ago' ca 'auachegoxota'ague que'eca 'etaxat maye nca'altauec da Aỹem 'aỹa'anem?

Jueces 1:7

Nache somaye 'enapeco': «Huo'o so na'a'q nache aỹem secheguerec soua dos llaxaata late'el qataq soua dos lqona late'el so setenta nta'alpi, qataq hueto'ot ñaqa'en na pa'aguiñi so iquia'axala' da yaqto' natotac na anoq lsoche. Qalaxaye Ñim Lo'onatac 'Enauacna, aỹem ỹe'enaxattem nagui de'era sheetec co'ollaxa somayepi.» Huaña nache so Adonisédec qaỹauega ye Jerusalén, yem huaña co'ollaxa da ileu.

1 Samuel 11:2

Nache so Najás maye Amón le'ec 'enapeco': Ishet da qami' ñaỹamaxateto, qalaxaye da qanashiñiita da ñi 'oonolec da qoñiita, ñeqat añi la'aite aloiguishe, yaqto' so'otec da ỹataqta qaỹe'eetac qome na Israel le'ecpi.

1 Corintios 9:9

Cha'aye da nanettañi namaxasoxonaxac 'eeta': «Saishet da 'auauo'o ca lapoxot na alap ca 'arauegaxanaxala' huaca, da yaqto' saishet deque'e da 'auapiaxanaxaalec na trigo da 'anqattac ana ala.» Qaq damaye saishet da nachaqcata ca nauegaxanaxala' huaca da huaqattega,

Proverbios 12:9

Qaq ỹactec da no'on ca ỹale da no'otanec qalaxaye huo'o na lamaxashecpi, qaq saq 'ena'am ca na'amaqteetai' da 'eetega sallaxanec qalaxaye qaica ca aloq.

Isaías 36:17

Qaq da ime nache qami' ỹauegalo ca lỹa 'alhua maye 'eeta'am nam qana'alhuai, cam 'alhua maye huo'o na trigo qataq ana uva, da yaqto' qauo'oche aca nauole 'ayiiña qataq ca lataxa.