Proverbios 11:9 - La'aqtaqa Ñim Lo'onatac 'Enauacna 2013

⁹ Naua la'aqtaqa ca qauemaic ique'emaqchet ca lỹa, qaq ca no'on da lataxac qalaq deca'alligui da lauattonaxanaxac.

Proverbios 11:9 Referans Kwoze

1 Juan 2:27

Qalaxaye qami' mashe qami' netanguita So Saqcha'a Na'añaxac Qui'itta, som chegoqchigui naqa'en So Cristo da qami' nqateeguesopa ana 'alhua. Qaq ỹoqo'oye saishet da iuen da huo'o ca qami' ỹapaxague'n, cha'aye So Saqcha'a La'añaxac Ñim Lo'onatac 'Enauacna maiche qami' ỹapaxagueneque 'enauac na lataxaguesat. Qaq nam qami' ỹapaxagueneque Somaye, saishet da choche natenataxanaxac, nachaqrata da ỹataqta 'eesa. Qaq ỹoqo'oye qauo'oche nam qami' ỹapaxagueneque So Saqcha'a Na'añaxac Qui'itta, qataq nache 'eetai' da qana'ayeetaua'a So Cristo.

1 Juan 2:21

Qaq ỹoqo'oye qami' samaxalo ana ỹere, cha'aye saỹaten da qami' qauauattoñi da 'eesa lataxac, qataq qauaỹachiñi da ca ỹauatton damaye, nache camaye saishet da datenataxan.

Hechos 20:30

Qataq ivira'a da qoñiita, huo'o qome ca maiche qami' chegoqtoiguilo qara'amqaanataxanaxauai, nache dapaxaguenataxanec na choche natenataxanaxac, qaq saishet da ỹa'axat cam ỹoqta 'eesa, cha'aye nshetaique da na 'amqaanataxanaxaicpi ca'ategue qataq ỹalaxaguet camaye.

Salmos 55:12

Da anac taxa ca ñepa'aguenaxaua da aỹem inogoqchet, qalaq aỹem ishettaxa da ña'añaxateguet, qataq da aỹem dataỹa'aguet ca aỹem nquiỹatapega, qalaq ishettaxa da ñeqañoxocheesop.

Mateo 7:15

¡Qarvichiỹa'aguet nam tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna! Namayepi qami' naỹalo, nache ỹe'enaxat da lataxac ana qagueta, qalaxaye na pa'auo 'eeta'am da lataxac na shiguiỹac maye dequi'iỹapec.

Da na'aqtaguec so Job 34:30

Yaqto' na qauemaicpi saishet da ilo'ogue na shiỹaxauapi, qataq saishet da ỹatenachet na nhuo' le'ecpi, maye lalamaxat Ñimaye.

Da na'aqtaguec so Job 8:13

Qaq 'era da 'eetec da llecỹaxac 'enauac na icoua'ai Ñim Lo'onatac 'Enauacna, qataq da 'eetec da imeuo da naquitaxac na qauemaicpi.

1 Reyes 22:6

Nache so Ajab, maye nta'a ye Israel, iỹaxaneuga so na'aqtaxanaxanecpi, maye huac da ivi' cuatrocientos ỹalleppi, nache inat somayepi, 'eeta': ¿Peta'a ishet da ñeqo'ona ye Ramot, maye huaigui ye Galaad da seloquiaxan, qalqo' saishet? Nache somayepi 'enapeco': Aja', ishet da 'anqo'ona da 'auloquiaxan, cha'aye Ñim Nataxala' 'am ỹanem da 'oxonec yemaye.

Marcos 13:14

Qaq cam itaxaỹaxan de'era, nache iuen da mpogoxoinapegue' da ỹaỹaten de'era sheetega. Qom qauloỹa'a ca ne'enaqtac maye ỹataqta qaiqaiga da hueta'a ye ndaqa' maye saishettaxa da hueta'a, nache sa qanaỹaloxoñi qome da qauataiueeguesop. Qaq nam shiỹaxauapi maye hueta'a na 'alhua Judea, no'on da datauec da tasheguema ana qaỹoqotcheguemec 'alhuapi,

Proverbios 11:6

Da ỹaỹamaqchiguiñi lataxac huesochiguiñi naqa'en ca ỹale no'on da lataxac, qaq da nqopitaxanaqtaic qalaq icoñerai' ca saq 'e'n naua la'aqtaqa.

Proverbios 11:8

Ca no'on da lataxac nca'aleeguesop da nque'eenaxac, qaq da nque'eenaxac camaye pa'aiguet da talec ca qauem da lataxac.

Proverbios 16:29

Ca sancherapec ỹatenachet ca lỹa, qataq ỹashaxaneuga ca nqa'aic qauem.