Proverbios 11:6 - La'aqtaqa Ñim Lo'onatac 'Enauacna 2013

⁶ Da ỹaỹamaqchiguiñi lataxac huesochiguiñi naqa'en ca ỹale no'on da lataxac, qaq da nqopitaxanaqtaic qalaq icoñerai' ca saq 'e'n naua la'aqtaqa.

Proverbios 11:6 Referans Kwoze

Eclesiastés 10:8

Cam ỹo'ot aca lshere, qalaq maiche tangui acamaye, qaq cam itagoxotec ca npaqtaxanaxat, nache ca na'araxanaq inac camaye.

Proverbios 5:22

Cam qauemaic qalaq maiche lqoishec da qauem lataxac, ca maiche lasouaxashet 'eeta'am ca nañec da icoñerai' camaye.

1 Reyes 2:44

Qaq so nta'a nataqa'en 'enapega so Simea, 'eeta': «'Am, 'auaỹateeta da 'auo'otec co'ollaxa da ỹataqta qauem so ita'a David. Ỹoqo'oye nagui Ñim Nataxala', 'am talec naqa'en de'era qauem maye 'auo'ot co'ollaxa.

Génesis 31:37

Mashe 'anmittapigui 'enauac na ỹogoxoshetpi, qaq ¿negue't cam 'aulalec nogoxoshet maye chegaqa'a ye 'arma'? ¡Ña 'auachaina'a, yaqto' ỹauaachigui na 'arhuo' le'ecpi, qataq na ihuo' le'ecpi, yaqto' namayepi ỹa'axat negue't da shenaqta ca ỹoqta 'eesa!

Génesis 30:33

Qaq yaqto' qom qaỹoqtegue de'era, nache da 'auanac da 'anmeenaxaneuga cam ỹaueguec, qaq huaña nache 'auaỹaten da no'on da ỹataxac. Cha'aye aca ilopi da huo'otaq ỹalectaigui aca quetaq maye saishet da chiỹaxataxai, huo'otaq huo'o ana lte, huo'otaq ca qagueta llalec maye saishet da lairaxaic, qaq huaña nache 'auaỹaten da 'am secachiỹot.»

Jueces 20:41

Huaña, nache so Israel le'ecpi dataỹa'aguet da iloquiaxan somayepi, nache so chegoxoguetpi so Benjamín co'ollaq ila'a da mashe ỹataqta qaica ca laỹamaqa' nache daqalvi.

Salmos 9:15

Na ỹotta'a't shiỹaxauapi qalaq tangui aca maiche lshere, naua lchel qalaq lpachiguilo ca laleguec maye ỹoxottañi namayepi.

Proverbios 11:9

Naua la'aqtaqa ca qauemaic ique'emaqchet ca lỹa, qaq ca no'on da lataxac qalaq deca'alligui da lauattonaxanaxac.