Proverbios 11:5 - La'aqtaqa Ñim Lo'onatac 'Enauacna 2013

⁵ Da ỹaỹamaqchiguiñi lataxac ỹaỹamaxaañi da llecỹaxac ca no'on da lataxac, qaq ca qauemaic qalaq maiche cañe' na qauem maye ỹo'ottac.

Proverbios 11:5 Referans Kwoze

Proverbios 5:22

Cam qauemaic qalaq maiche lqoishec da qauem lataxac, ca maiche lasouaxashet 'eeta'am ca nañec da icoñerai' camaye.

Proverbios 11:3

Na no'on da lataxac qalaq taỹa'a da no'oitegue da llecỹaxac, qaq na saq ỹataxalec da lataxac qalaq ilaxachigui da maiche lle'etaxaloxo.

Proverbios 3:6

'Auacho'ot Ñim Nataxala' 'enauac nam 'auo'otpi, yaqto' Ñimaye ỹo'ot da no'oitegue da 'icỹaxac.

2 Samuel 17:23

Qaq so Ajitofel co'ollaq ila'a, da so Absalón saishet da ỹo'ot da la'aqtac somaye. Nache lapaxalec so lauala' so lalo 'ashena nache jec, taỹa so lma' maye lañoqo' co'ollaxa. Qaq co'ollaq ime da naỹamaxate' so lalamaxat lauo' le'ecpi, nache icoñerot na lqosot da maiche nalaala't. Qaq 'era da 'eetec da l-leuaxa somaye, nache qailaroigui aso nhuachiqui so lta'a.

Jueces 20:41

Huaña, nache so Israel le'ecpi dataỹa'aguet da iloquiaxan somayepi, nache so chegoxoguetpi so Benjamín co'ollaq ila'a da mashe ỹataqta qaica ca laỹamaqa' nache daqalvi.

Proverbios 12:3

Da qauem saishet da nache 'eetai' da na'attañi naqa'en ca shiỹaxaua, qaq ca no'on da lataxac qalaq nache 'eetai' da na'attañi qaica ca iraxanai'.

Proverbios 21:29

Ca qauemaic qalaq 'eetega qaica cara da lataxac, qaq ca no'on da lataxac qalaq ỹaỹamaxatchiguiñi da llecỹaxac.

Da na'aqtaguec so Job 18:7

Naua lqauaxaqui' qalaq nquictrañi da la'añaxa'c, qataq na lapaxañipi maye 'eetapeguecpi nache maiche huañi naqa'en camaye.

Proverbios 1:18

qaq ỹoqo'oye da lapaxañi aca lqoina ne'ena shiỹaxauapi, qalaq 'eeta'am da maiche nqoviila't namayepi, qaq ỹataqta huetalec naqa'en da lchec da maiche nachaalataxac.

Proverbios 13:6

Naua ỹaỹamaqchiyiñi lataxaco mpaxattaleguete ca ỹale qaica ca ỹasouaxat, qaq na qauemsat qalaq nlaxaañi ca 'etaxaloxoic.

Proverbios 14:32

Ca qauemaic qalaq nlaxaañi da maiche lle'etaxaloxo, qaq ca ỹale no'on da lataxac qalaq npaxaalec da maiche ño'oxonnataguec.

Proverbios 15:19

Da nqa'aicỹaxac ca hualaic qalaq nlaqtegue ana le, qaq da llecỹaxac ca no'on da lataxac qalaq no'oitegue.

Proverbios 28:18

Ca ỹale ỹo'oxoraic camaye ishet da nca'alec, qaq ca 'etaxaloxoic qalaq taỹa'a da lachoxoyec.

Isaías 26:7

Da llecỹaxac na no'on da lataxac qalaq no'oitegue, 'Am Nataxala', 'analoqchichiguiñi da llecỹaxac namayepi.

Oseas 5:5

Qaq de'era na'amqaanaxac na Israel, nachera qome da maiche que'emaxam namayepi, qaq na Efraín qalaq maiche pogolaxaisop qome na qauem maye ỹo'ottac namayepi, qaq na Judá le'ecpi nache l-llañe' namayepi qom huañi.